សាកលវិទ្យាល័យឆុងឈីងជីវឡុង បានអញ្ជើញមកទស្សនកិច្ច នៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 15 ធ្នូ 2023
- ចុចដង៖ 130
TVU – នៅថ្ងៃទី០៧ ខែធ្នូ ឆ្នាំ២០២៣ លោកស្រីបណ្ឌិត Ngo So Phe - នាយកមហាវិទ្យាភាសា - វប្បធម៌ - វិចិត្រសិល្បៈខ្មែរណាមបូ និងមនុស្សសាស្ត្រ ព្រមជាមួយនឹងការិយាល័យសហប្រតិបត្តិការអន្តរជាតិ វិទ្យាស្ថានបណ្តុះបណ្តាលអន្តរជាតិ មហាវិទ្យាល័យភាសាបរទេស និងគ្រូឧទ្ទេសភាសាចិន បានទទួលនិងធ្វើការជាមួយគណៈប្រតិភូនៃសាកលវិទ្យាល័យឆុងឈីងជីវឡុង (ចិន) ដឹកនាំគណៈប្រតិភូដោយសាស្ត្រាចារ្យរង Yu Yuanling - ប្រធានវិទ្យាស្ថានអប់រំអន្តរជាតិ។
តំណាងសាលាទាំងពីរថតរូបអនុស្សាវរីយ៍ក្នុងកិច្ចធ្វើការ
ថ្លែងសុន្ទរកថាក្នុងឱកាសធ្វើការ លោកស្រីបណ្ឌិត Ngo So Phe តំណាងសាកលវិទ្យាល័យអបអរសាទរ ស្វាគមន៍ និងថ្លែងអំណរគុណចំពោះគណៈប្រតិភូនៃសាកលវិទ្យាល័យឆុងឈីងជីវឡុង (CQJTU) ដែលបានអញ្ជើញមកទស្សនកិច្ច និងធ្វើការជាមួយសាកលវិទ្យាល័យត្រាវិញ។ ទន្ទឹមនឹងនោះ ឱ្យដឹង៖ សាលាតែងយកចិត្តទុកដាក់ពង្រីកកិច្ចសហប្រតិបត្តិការប្រកបដោយនិរន្តរភាពលើវិស័យអប់រំជាមួយដៃគូបរទេស ក្នុងនោះមានសាកលវិទ្យាល័យនានានៅក្នុងប្រទេសចិនផងដែរ។ ឆ្លងតាមរយៈការដោះដូរលើកនេះ តំណាងសាលាសង្ឃឹមថា ភាគីទាំងពីរនឹងស្វែងរកបានវិស័យមួយចំនួនអាចធ្វើកិច្ចសហប្រតិបត្តិការជាក់ស្តែង និងយូរអង្វែង ពិសេសគឺបញ្ហាទាក់ទងដល់ផ្នែកភាសាចិន។
លោកស្រីបណ្ឌិត Ngo So Phe ថ្លែងសុន្ទរកថាស្វាគមន៍គណៈប្រតិភូ
ផ្នែកខាងសាកលវិទ្យាល័យឆុងឈីងជីវឡុង សាស្ត្រាចារ្យរង Yu Yuanling បានឧទ្ទេសនាមពីប្រវត្តិបង្កើត និងអភិវឌ្ឍរបស់សាកលវិទ្យាល័យគមានាគមន៍ទ្រុងខាញ់។ សាលាមានកេរ្តិ៍ឈ្មោះក្នុងការបណ្តុះបណ្តាលពហុជំនាញ ក្នុងនោះមានបង្រៀនភាសាចិន ទទួលបានការវាយតម្លៃខ្ពស់ក្នុងខេត្តឆុងឈីង និងទូទាំងប្រទេសផងដែរ។ ក្រៅពីនោះ សាលាមានរបបគោលនយោបាយទទួលយកនិស្សិតសិក្សានៅបរទេស (បរិញ្ញាបត្រ អនុបណ្ឌិត បណ្ឌិត) ទទួលបានអាហារូបករណ៍រដ្ឋាភិបាលចិន និងអាហារូបករណ៍គ្រូបង្រៀនភាសាចិនអន្តរជាតិ (ឈ្មោះចាស់ហៅថា អាហារូបករណ៍វិទ្យាស្ថានខុងជឺ) អាហារូបករណ៍វិទ្យាធិការសាលា អាហារូបករណ៍អភិបាលក្រុង ឆុងឈីង។ ព្រោះហេតុនោះ ផ្នែកសាលាមានបំណងចង់សហប្រតិបត្តិការជាមួយសាកលវិទ្យាល័យត្រាវិញលើវិស័យបណ្តុះបណ្តាល ពិសេសគឺភាសាចិន។
សាស្ត្រាចារ្យរង Yu Yuanling ឧទ្ទេសនាមអំពីសាលា CQJTU
ទាក់ទងដល់ការបណ្តុះបណ្តាលភាសាចិន លោកបណ្ឌិត Nguyen Phuoc Tam - មហាវិទ្យាល័យភាសាបរទេសបានផ្តល់យោបល់ និងលើកឡើងនូវវិធានការមួយចំនួនអាចធ្វើកិច្ចសហប្រតិបត្តិការលើវិស័យបណ្តុះបណ្តាល ដូចជាអញ្ជើញគ្រូឧទេ្ទសភាសាចិនពីសាកលវិទ្យាល័យ ឆុងឈីងជីវឡុង មកសាលាបង្រៀនក្នុងរយៈពេល៦ខែ ឬមួយឆ្នាំ; សហការបង្ហាត់បង្រៀនអនឡាញ បញ្ជូនកម្មសិក្សាការីផ្នែកអប់រំភាសាចិនអន្តរជាតិទៅកាន់សាលាធ្វើកម្មសិក្សា។ ដាក់មណ្ឌលប្រឡងសមត្ថភាពភាសាចិនអន្តរជាតិ(HSK); កម្មវិធីចងសម្ព័ន្ធ/សហប្រតិបត្តិការបណ្តុះបណ្តាលអន្តរជាតិតាមរូបភាព ១+៣, ២+២, ៣+១ ជាដើម និងកិច្ចសហប្រតិបត្តិការផ្សេងៗទៀតក្នុងកម្មវិធីសិក្សា។
ទិដ្ឋភាពពេលធ្វើការ
អំពីសំណើខាងលើ សាស្ត្រាចារ្យរង Yu Yuanling យល់ថា នោះជាទិសដៅមួយចំនួនក្នុងលទ្ធភាពនៃកិច្ចសហប្រតិបត្តិការរបស់សាលា បន្ទាប់ពីការដោះដូរនេះ ភាគីទាំងពីរនឹងធ្វើឱ្យទៅជាភាពជាក់ស្តែងឈានដល់ការចុះហត្ថលេខាលើកិច្ចសហប្រតិបត្តិការ។ ចំណែកសំណើឧបត្ថម្ភដាក់មណ្ឌលប្រឡងសមត្ថភាពភាសាចិនអន្តរជាតិ(HSK) នៅសាកលវិទ្យាល័យត្រាវិញ សាលានឹងខិតខំឧបត្ថម្ភគាំទ្រតាមលទ្ធភាពដែលអាចធ្វើទៅបាន។ លទ្ធភាពអនុវត្តចំពោះមុខសម្រាប់ការងារនេះគឺអាចឧបត្ថម្ភចុះឈ្មោះដាក់មណ្ឌលប្រឡងសមត្ថភាពភាសាចិនអន្តរជាតិអនឡាញ នៅសាកលវិទ្យាល័យត្រាវិញ។ ប៉ុន្តែដើម្បីធ្វើឱ្យទៅជាភាពជាក់ស្តែង តំណាងភាគីទាំងពីរនឹងត្រូវបន្តធ្វើការតាមរយៈអ៊ីមែល ឬ wechat អំពីការងារជាក់ស្តែង និងកិច្ចព្រមព្រៀងសហប្រតិបត្តិការរវាងភាគីទាំងពីរ។
តំណាងសាលា CQJTU ជូនអំណោយដល់តំណាងសាលា TVU
តំណាងសាលា TVU ជូនអំណោយដល់តំណាងសាលា CQJTU
សាស្ត្រាចារ្យរង Tang Juan តំណាងគណៈប្រតិភូជូនសំណង់ស្រាវជ្រាវបង្រៀនភាសាចិន
លោកស្រីបណ្ឌិត Ngo So Phe បានឱ្យដឹង TVU សង្ឃឹមថានឹងបានរួមជាមួយសាលាបានជំរុញកិច្ចសហប្រតិបត្តិការឆាប់ៗ បន្ទាប់ពីភាគីទាំងពីរបានឯកភាពលើយោបល់ជាក់ស្តែង ហើយនឹងមានពេលចុះហត្ថលេខាលើកិច្ចសហប្រតិបត្តិការដោយផ្ទាល់នៅសាកលវិទ្យាល័យឆុងឈីងជីវឡុង ឬនៅសាកលវិទ្យាល័យត្រាវិញ។
តំណាងភាគីសាលាទាំងពីរថតរូបអនុស្សាវរីយ៍
បញ្ចប់ឱកាសធ្វើការ លោកស្រីបណ្ឌិត Ngo So Phe និងសាស្ត្រាចារ្យរង Yu Yuanling បានឯកភាពអំពីរបៀបតភ្ជាប់ និងដោះដូរនូវបញ្ហាជាក់ស្តែងមុនពេលចុះហត្ថលេខាលើកិច្ចសហប្រតិបត្តិការ និងអនុវត្តកិច្ចសហប្រតិបត្តិការអប់រំក្នុងពេលខាងមុខ។
សាកលវិទ្យាល័យឆុងឈីងជីវឡុង (CQJTU) បានបង្កើតនៅឆ្នាំ ១៩៥១; គឺជាសាកលវិទ្យាល័យបង្ហាត់បង្រៀន និងស្រាវជ្រាវល្អពិសេស ពហុជំនាញ។ បច្ចុប្បន្ន សាលាមានកម្មវិធីបណ្តុះបណ្តាលថ្នាក់បណ្ឌិតចំនួន១៥ កម្មវិធីបណ្តុះបណ្តាលថ្នាក់អនុបណ្ឌិតចំនួន៦៥ និងថ្នាក់បរិញ្ញាបត្រចំនួន៥៨ ក្នុងនោះរួមមានពហុជំនាញលើវិស័យផ្សេងៗដូចជា គ្រប់គ្រង សេដ្ឋកិច្ច អក្សរសាស្ត្រ និងសិល្បៈ សំណង់ (យន្តកម្ម ចំណេះដឹង...); គឺជាសាកលវិទ្យាល័យមួយក្នុងចំណោមសាកលវិទ្យាល័យដំបូងបំផុត បង្រៀនភាសាចិនដូចជាភាសាបរទេសនៅក្រុងឆុងឈីង។ សាលាមានគ្រូបង្រៀនជាង២.០០០រូប ក្នុងនោះមានគ្រូឧទ្ទេសជាប់កិច្ចសន្យាជាង១.៥០០រូប និងគ្រូឧទ្ទេសជាន់ខ្ពស់ជាង៧០០រូប។ បច្ចុប្បន្ន មាននិស្សិតរៀបរយប្រមាណ២៧.០០០នាក់ កំពុងសិក្សានៅសាលានេះ ក្នុងនោះ មានកម្មសិក្សាការីថ្នាក់អនុបណ្ឌិត និងបណ្ឌិតជាង៣.៥០០នាក់ និងនិស្សិតថ្នាក់បរិញ្ញាបត្រជាង២៤.០០០នាក់។ ចាប់តាំងពីបង្កើតមកទល់ពេលនេះ សាលាបណ្តុះបណ្តាលបញ្ញវន្តបានជាង១៥០.០០០នាក់លើវិស័យជាច្រើន៕
អត្ថបទដោយ៖ Nguyen Thi Diem Kieu
ប្រែសម្រួលដោយ៖ So Phune