សម្ពាធនៃតំបន់វាលរាបទន្លេគឺវឡុងប្រឈមមុខនឹងបញ្ហាបម្រែបម្រួលអាកាសធាតុ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 22 ធ្នូ 2023
- ចុចដង៖ 115
(TVU) - នាថ្ងៃទី១៤ ខែធ្នូ ឆ្នាំ២០២៣ នៅវិទ្យាស្ថានជីវបច្ចេកវិទ្យា នៃសាកលវិទ្យាល័យត្រាវិញបានរៀបចំសិក្ខាសាលា “បូកសរុបកម្មវិធីស្តីពីបម្រែបម្រួលអាកាសធាតុនៅតំបន់វាលរាបទន្លេគឺវឡុង”អង្គសិក្ខាសាលាបានទាក់ទាញការចូលរួមរបស់អ្នកជំនាញការមកពីសាកលវិទ្យាល័យ Wageningen (ហូឡង់) សាកលវិទ្យាល័យកឹនធើ សាកលវិទ្យាល័យត្រាវិញ ពិសេសការចូលរួមនៃកសិករនៃខេត្តត្រាវិញ ។
ក្នុងអង្គសិក្ខាសាលាមានការចូលរួមរបស់សាស្ត្រាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញ; បណ្ឌិត Dang Kieu Nhan មកពីវិទ្យាស្ថានស្រាវជ្រាវអភិវឌ្ឍន៍តំបន់វាលរាបទន្លេគឺវឡុង នៃសាកលវិទ្យាល័យកឹនធើ; បណ្ឌិត M. Siegmund-Schultze ប្រធានក្រុមស្រាវជ្រាវស្តីពីការប្រើប្រាស់ដីធ្លី និងសន្តិសុខស្បៀងអាហារនៅសាកលវិទ្យាល័យ Wageningen ។
សិក្ខាសាលាបានផ្តោតលើការបំភ្លឺបញ្ហា និងសំណើឡើងនូវដំណោះស្រាយសម្រាប់ដីជ្រាបទឹកប្រៃ ស្វែងរកពូជដំណាំដែលសមស្របទៅនឹងដី និងអាកាសធាតុនៅតំបន់វាលរាបទន្លេគឺវឡុងចំពោះប្រឈមនឹងបម្រែបម្រួលអាកាសធាតុក្នុងតំបន់វាលរាបទន្លេគឺវឡុង ស្រាវជ្រាវពូជដំណាំរងបានជាតិប្រៃ ទម្រង់ចិញ្ចឹមសត្វដែលមានសមត្ថភាពសម្របខ្លួនទៅនឹងបម្រែបម្រួលអាកាសធាតុ បណ្ដាវិធានការដំណោះស្រាយធានាសុវត្ថិភាពចំណីអាហារក្នុងដំណើរការផ្លាស់ប្តូរការស្រាវជ្រាវបច្ចេកទេស និងការប្រើប្រាស់ជីវបច្ចេកវិទ្យា ដើម្បីជួយឱ្យដំណាំលូតលាស់ និងសម្របខ្លួនក្នុងបរិយាកាសរាំងស្ងួត និងជ្រាបជាតិប្រៃនាពេលបច្ចុប្បន្ន...
សិក្ខាសាលានេះ គឺជាឱកាសដើម្បីតំណភ្ជាប់អ្នកវិទ្យាសាស្ត្រ មន្ទីរស្ថាប័នពាក់ព័ន្ធ និងមូលដ្ឋាន ជាមួយកសិករនៅតំបន់វាលរាបទន្លេគឺវឡុង ដើម្បីស្វែងរកដំណោះស្រាយសមស្របទប់ទល់នឹងស្ថានភាពជ្រាបទឹកប្រៃ និងបម្រែបម្រួលអាកាសធាតុនាបច្ចុប្បន្ន។
អត្ថបទដោយ៖ Quoc Binh – Ngoc Yen
ប្រែសម្រួលដោយ៖ Van Thon
