បើកវគ្គសិក្សាថ្នាក់ភាសាវៀតណាមសម្រាប់និស្សិតកម្ពុជានិងឡាវឆ្នាំ២០២៤
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 23 កុម្ភៈ 2024
- ចុចដង៖ 171
(TVU) - ថ្ងៃទី២១ ខែកុម្ភៈ ឆ្នាំ២០២៤ សាកលវិទ្យាល័យត្រាវិញបានចាត់តាំងពិធីបើកវគ្គសិក្សាថ្នាក់ភាសាវៀតណាមសម្រាប់និស្សិតកម្ពុជា និងឡាវ ដែលបានជាប់ឈ្មោះចូលរៀនជំនាញនៅសាកលវិទ្យាល័យត្រាវិញ។
ថ្លែងសុន្ទរកថាក្នុងពិធីបើកវគ្គសិក្សា លោកស្រីបណ្ឌិត Thach Thi Dan សាកលវិទ្យាធិការរងបានជូនពរដល់និស្សិតទាំងឡាយ ដែលបានជាប់ឈ្មោះចូលសិក្សានៅសាកលវិទ្យាល័យត្រាវិញ ឈានចូលឆ្នាំសិក្សាថ្មីពោរពេញដោយភាពរីករាយ។ សាលាតែងតែបង្កលក្ខណៈងាយស្រួលបំផុតសម្រាប់និស្សិតអន្តរជាតិក្នុងការចូលរួមក្នុងសកម្មភាពក្រៅម៉ោងសិក្សា សកម្មភាពសិក្សា និងស្នាក់នៅក្នុងសាលា ដើម្បីជួយប្អូនៗនិស្សិតមានអារម្មណ៍ថាមានសុវត្ថិភាពក្នុងការសិក្សា។
លោកស្រី បណ្ឌិត Thach Thi Dan ថ្លែងអំណរគុណចំពោះមន្ទីរស្ថាប័ន និងអង្គភាពនានាដែលតែងតែយកចិត្តទុកដាក់ និងបង្កលក្ខណៈ ដើម្បីជួយអោយសាលាសម្រេចបានជោគជ័យក្នុងការបណ្តុះបណ្តាលធនធានមនុស្សក្នុងទំនាក់ទំនងកិច្ចសហប្រតិបត្តិការមិត្តភាពរវាងវៀតណាម កម្ពុជា និងឡាវ។ លោកស្រីបានថ្លែងអំណរគុណចំពោះអាណាព្យាបាលសិស្ស និងនិស្សិត ដែលបានជឿជាក់ជ្រើសរើសសាកលវិទ្យាល័យត្រាវិញជាកន្លែងសិក្សា និងអភិវឌ្ឍសមត្ថភាពជំនាញវិជ្ជាជីវៈ។
ជាច្រើនឆ្នាំកន្លងមក សាកលវិទ្យាល័យត្រាវិញបានបន្តកែលម្អកម្មវិធីបណ្តុះបណ្តាល និងវគ្គសិក្សា ឱ្យសមស្របទៅនឹងតម្រូវការសិក្សារបស់សហគមន៍ក្នុងនិងក្រៅប្រទេស ឆ្លើយតបទៅនឹងតម្រូវការសិក្សារបស់និស្សិតអន្តរជាតិនិយាយរួម និស្សិតកម្ពុជា និងឡាវនិយាយដោយឡែក។
ឱកាសនេះ សាលាបានទទួលនិស្សិតកម្ពុជា និងឡាវចំនួន៣០រូបមកសិក្សា ព្រមទាំងទទួលស្វាគមន៍ឪពុកម្ដាយនិស្សិតមកទស្សនានៅសាកលវិទ្យាល័យត្រាវិញ។
អត្ថបទដោយ៖ Hanh Nguyên
ប្រែសម្រួលដោយ៖ Sa Phone