គ្រូបង្រៀននៃមហាវិទ្យាល័យបច្ចេកទេសនិងបច្ចេកវិទ្យាខិតទៅជិតនឹងគម្រោងកសាងកម្មវិធីបណ្តុះបណ្តាលតាមទម្រង់ CDIO
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 31 កក្កដា 2018
- ចុចដង៖ 442
ថ្ងៃទី ១៩ កក្កដា ឆ្នាំ ២០១៨ មហាវិទ្យាល័យបច្ចេកទេសនិងបច្ចេកវិទ្យាបានរៀបចំឡើងអង្គសិក្ខាសាលាជាមួយនឹងប្រធានបទ “អភិវឌ្ឍន៍កម្មវិធីបណ្តុះបណ្តាលដើម្បីឆ្លើយតបនូវបញ្ចប់ការសិក្សានិស្សិតមានការងារធ្វើតាមទិសដៅខិតទៅជិតនឹងទម្រង់CDIO” សម្រាប់គ្រូបង្រៀនគ្រប់រូបនៃមហាវិទ្យាល័យ។ គោលបំណងរបស់អង្គសិក្ខាសាលាគឺដើម្បីជួយឲ្យគ្រូបង្រៀននៃមហាវិទ្យាល័យនេះ បានចែករំលែកអំពីបច្ចេកវិទ្យាអប់រំថ្មីដែលសមស្របនឹងគុណភាពបណ្តុះបណ្តាលតាមស្តង់ដាអន្តរជាតិ។
CDIO (Conceive – បង្កើតនូវគំនិត; Design – រចនាគំនិត;Implement– អនុវត្ត; Operate – ដំណើរការ) ជាក្របខ័ណ្ឌអប់រំនៃបណ្តាសាកលវិទ្យាល័យផ្នែកបច្ចេកទេសនៅទូទាំងពិភពលោក។ នេះជាដំណើរការវិទ្យាសាស្ត្រដើម្បីផលិតនូវផលិតផលបច្ចេកទេស ដែលវិទ្យាស្ថានបច្ចេកវិទ្យា Massachusetts នៅសហរដ្ឋអមេរិកអនុវត្តដំបូង និងជាវិធានការណ៍ពង្រឹងគុណភាពបណ្តុះបណ្តាល ដើម្បីឆ្លើយតបនូវតម្រូវការរបស់សង្គម។
ស្ថិតនៅក្នុងពេលនោះ អនុបណ្ឌិត វ៉័រ ភឿក ហឹង (ប្រធានដេប៉ាតឺម៉ង់ពត៌មានវិទ្យា) បានសង្កត់ធ្ងន់នូវកត្តាសំខាន់របស់ CDIO អំពីចំណុចខ្លាំងនិងចំណុចខ្សោយរបស់កងជួរគ្រូបង្រៀន ក៏ដូចជាឱកាសនិងឧបសគ្គដើម្បីកំណត់ចក្ខុវិស័យនៃយុទ្ធសាស្ត្រដល់ឆ្នាំ២០២០។
លោកមានមតិថា ការផ្លាស់ប្តូរកម្មវិធីបណ្តុះបណ្តាល ត្រូវឆ្លើយតបនូវស្តង់ដាបញ្ចប់ការសិក្សា ទើបដោះស្រាយបានបញ្ហាអំពីចំណេះ បំណិន និងអាកប្បកិរិយាអំពីអាជីពរបស់និស្សិតផ្នែកបច្ចេកទេស ដើម្បីឆ្លើយតបនៃតម្រូវការរបស់សង្គម។
លោកក៏បានលើកឡើងនូវផលប្រយោជន៍ពេលកសាងកម្មវិធីបណ្តុះបណ្តាលខិតទៅជិតនឹង CDIO រួមមាន៖
ទីមួយ បណ្តុះបណ្តាលតាមវិធីខិតទៅជិតនឹង CDIO តភ្ជាប់នឹងតម្រូវការរបស់និយោជក ពីកត្តានោះនឹងជួយឲ្យរយៈពេលបណ្តុះបណ្តាលមិនអូសបន្លាយរវាងសាកលវិទ្យាល័យនិងនិយោជកជ្រើសរើសធនធានមនុស្ស។
ទីពីរ ជួយដល់និស្សិតអភិវឌ្ឍន៍បានគ្រប់យ៉ាងជាមួយ“ជំនាញរឹង” និង “ជំនាញទន់” ដើម្បីទម្លាប់នឹងបរិស្ថានធ្វើការតែងផ្លាស់ប្តូរយ៉ាងឆាប់រហ័ស។
ទីបី បណ្តាកម្មវិធីបណ្តុះបណ្តាលបានកសាងនិងរចនាឡើងតាមស្តង់ដារ។ បណ្តាដំណាក់កាលរបស់កម្មវិធីបណ្តុះបណ្តាលនឹងមានការបន្តឡើងកម្រិតនិងតភ្ជាប់យ៉ាងស្អិតរមួត។
បានដឹងថា មហាវិទ្យាល័យបច្ចេកទេសនិងបច្ចេកវិទ្យាបានកសាងនិងប្រតិបត្តិកម្មវិធីសាកលវិទ្យាល័យពត៌មានវិទ្យា តាមគម្រោងខិតទៅជិតនឹង CDIO សម្រាប់និស្សិតឆ្នាំ២០១៤។ មកដល់សព្ទថ្ងៃ តាមទម្រង់នោះមហាវិទ្យាល័យបណ្តុះបណ្តាលបាន៤ជំនាន់។ នាបណ្តាវគ្គសិក្សា និស្សិតបានពិសោធន៍នៅបណ្តាបន្ទប់អនុវត្តមានបរិស្ថានសិក្សាយ៉ាងសកម្មនិងច្នៃប្រឌិត។
កម្មវិធីទទួលបានការឆ្លើយតបយ៉ាងសកម្មពីនិស្សិត៖ ស្តង់ដាបញ្ចប់ការសិក្សាច្បាស់លាស់ បង្កើនការអនុវត្តបំណិន លើកទឹកចិត្តសិក្សាដោយខ្លួនឯង វាយតម្លៃផ្អែកតាមស្តង់ដាកម្មវិធីសិក្សា កត្តានេះជួយឲ្យនិស្សិតអភិវឌ្ឍន៍យ៉ាងមានប្រសិទ្ធភាពពីបណ្តាបំណិន គុណភាពនិងសមត្ថភាពអាជីពដែលសង្គមត្រូវការ។ និស្សិតបញ្ចប់ការសិក្សាគ្រប់លក្ខខណ្ឌចេញសាលាតាមគម្រោង CDIO នឹងមានឱកាសការងារបានខ្ពស់ជាង។
នាឱកាសនេះ លោកបណ្ឌិត ង្វៀន មីញ ហ្វា សង្កត់ធ្ងន់ថា៖ យើងកសាងកម្មវិធីបណ្តុះបណ្តាលតាមទិសដៅខិតទៅជិតនឹងCDIO គឺជាដំណោះស្រាយមួយដើម្បីបង្កើនគុណភាព ឆ្លើយតបនូវតម្រូវការរបស់សង្គម លើមូលដ្ឋានកំណត់កម្រិតស្តង់ដាបញ្ចប់ការសិក្សា។ ការបណ្តុះបណ្តាលតាមទិសដៅនោះបានរចនាឡើងតាមស្តង់ដាវិទ្យាសាស្ត្រ សមស្រប តក្កវិជ្ជា អាចនឹងអនុវត្តសម្រាប់មុខជំនាញបណ្តុះបណ្តាលផ្សេងៗគ្នានៃមហាវិទ្យាល័យ។
CDIO ជាវិធីខិតទៅជិតភ្ជាប់អភិវឌ្ឍន៍កម្មវិធីនឹងចែករំលែក វាយតម្លៃឲ្យមានប្រសិទ្ធភាពអប់រំនៃសាកលវិទ្យាល័យ រួមចំណែកបង្កើនគុណភាពលើវិស័យអប់រំនៃសាកលវិទ្យាល័យឈានទៅកម្រិតថ្មី ជាពិសេសគឺសមស្របនឹងបណ្តាផ្នែកបច្ចេកទេស។ ហេតុដូច្នោះ តាមគោលការណ៍ណែនាំរបស់សាកលវិទ្យាល័យក្នុងពេលវេលាខាងមុខ មហាវិទ្យាល័យនឹងពង្រាយកសាងកម្មវិធីបណ្តុះបណ្តាលតាមទិសដៅខិតទៅជិតនឹង CDIO សម្រាប់ផ្នែកអគ្គិសនី អេឡិចត្រូនិចនិងលើកឡើងផែនការដើម្បីពង្រាយដល់មហាវិទ្យាល័យ។
ការយល់ច្បាស់អំពីទ្រឹស្តីបណ្តុះបណ្តាលនេះនឹងជួយឲ្យគ្រូបង្រៀនជឿជាក់ដើម្បីចែករំលែកចំណេះដឹងដល់និស្សិតឲ្យមានប្រសិទ្ធភាព ការតភ្ជាប់រវាងទ្រឹស្តីបណ្តុះបណ្តាលនឹងភាពជាក់ស្តែងនៃកិច្ចការពីសហគ្រាសដល់និស្សិតមានការយល់ដឹងជាទូទៅ ដើម្បីមានប្រសិទ្ធភាពនៅពេលសិក្សា។
ដាវី