និស្សិតជំនាន់ឆ្នាំ ២០១៣ រីករាយទទួលសញ្ញាប័ត្រ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 05 សីហា 2018
- ចុចដង៖ 429
នៅព្រឹកថ្ងៃទី ២៨ កក្កដា សាកលវិទ្យាល័យត្រាវិញបានរៀបចំពិធីបិទវគ្គសិក្សានិងប្រគល់សញ្ញាប័ត្រដល់និស្សិតចំនួន ៦០៣ នាក់។
នៅអង្គពិធីលោកសាកលវិទ្យាធិការបានប្រកាសទទួលស្គាល់និងជូនសញ្ញាប័ត្រដល់និស្សិតបញ្ចប់កំរិតបរិញ្ញាប័ត្រចំនួន ៦០៣នាក់រួមមានមុខជំនាញដូចតទៅ៖ បច្ចេកវិទ្យាយន្តកម្ម អេឡិចត្រូនិក ប្រគំឧបករណ៍តន្ត្រីខ្មែរបុរាណ ពេទ្យសត្វ សេដ្ឋកិច្ច គណនេយ្យ អប់រំមតេយ្យ ភាសាអង់គ្លេស អាជីវកម្ម គ្រប់គ្រងការិយាល័យ គរុកោសល្យអក្សរសាស្ត្រ ហិរញ្ញវត្ថុ ធនាគារ ព័ត៌មានវិទ្យា។ល។
លោក ផាម ទ្រុង អៀន ប្រធាននៃការិយាល័យសិក្សាឱ្យដឹងថា៖ អត្រាដែលនិស្សិតគ្រប់លក្ខន្តិកបញ្ចប់ការសិក្សានិងទទួលបានសញ្ញាប័ត្រគឺ ៧៨,៤% ក្នុងនោះនិស្សិត ៥ នាក់ទទួលចំណាត់ថ្នាក់ប្រសើរបំផុត ៧០ នាក់ល្អប្រសើរ និង ៣០០ នាក់ប្រសើរបង្គួរ។
លោក សាស្ត្រាចារ្យ បណ្ឌិត ផាម ទៀត ខាញ់ សាកលវិទ្យាធិការនៃសាកលវិទ្យាល័យត្រាវិញវាយតម្លៃខ្ពស់នៃការខិតខំប្រឹងប្រែងសិក្សារបស់ក្មួយទើបទទួលបានជោគជ័យនៅថ្ងៃនេះនិងកងជួរសាស្ត្រាចារ្យទាំងឡាយបានផ្តល់កម្លាំងកាយ កម្លាំងចិត្ត និងកម្លាំងប្រាជ្ញាក្នុងការបង្ហាត់បង្រៀនដល់និស្សិត។
លោកគូសបញ្ជាក់ថា៖ អ្វីដែលក្មួយៗបានសិក្សានៅសាកលវិទ្យាល័យគឺជាចំណេះដឹងគំនិតដ៏សំខាន់សម្រាប់ក្មួយៗលើវិថីជីវិត។ ដើម្បីទទួលបានលទ្ធផលថ្ងៃនេះ គឺអាស្រ័យនូវការឧបត្ថម្ភនិងការបង្កលក្ខណៈងាយស្រួលពីថ្នាក់ដឹកនាំ ជនសប្បុរស និងជនស្មគ្រចិត្តទាំងឡាយ។
សាកលវិទ្យាធិការមានទំនុកចិត្តយ៉ាងខ្លាំងថាក្មួយៗទទួលបានឱកាសការងារល្អប្រសើរ បន្តខិតខំនិងរក្សាគុណធម៌ ជាពិសេសសីលធម៌វិជ្ជាជីវៈដើម្បីលើកកម្ពស់ជំនាញសមត្ថភាពរបស់ខ្លួន។
នៅថ្ងៃនេះដែរសាកលវិទ្យាល័យបានអញ្ជើញក្រុមហ៊ុន សហគ្រាសនានាចូលរួមកម្មវិធីទិវាការងារនាំមកនូវឱកាសស្វែងរកការងារសម្រាប់និស្សិត។
ហ្វិញ សាង