សាស្ត្រាចារ្យ Thomas Vallely បំពេញទស្សនកិច្ចនៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 06 សីហា 2018
- ចុចដង៖ 434
នៅថ្ងៃទី ២៨ កក្កដា ២០១៨ សាស្ត្រាចារ្យ បណ្ឌិត ផាម ទៀត ខាញ់ ជាសាកលវិទ្យាធិការនៃសាកលវិទ្យាល័យត្រាវិញមានកិច្ចជួបពិភាក្សាជាមួយសាស្ត្រាចារ្យ Thomas Vallely នៃសាកលវិទ្យាល័យ Harvard សហរដ្ឋអាមេរិក។
នៅកិច្ចជំនួបមានការអញ្ជើញចូលរួមរបស់លោក បណ្ឌិត ង្វៀន ធៀន ងៀ ជានាយករងនៃមន្ទីរវិទ្យាសាស្ត្រ បច្ចេកវិទ្យាខេត្តត្រាវិញ អ្នកស្រី ថាច់ ធី យ៉ឹន សាកលវិទ្យាធិការរង ព្រមទាំងបេក្ខជនបណ្ឌិត និងកងជួរគ្រូបង្រៀនមួយចំនួនទៀត។
អ្នកស្រី ថាច់ ធី យ៉ឹន ថ្លែងអំណរគុណយ៉ាងជ្រាវជ្រៅចំពោះសាស្ត្រាចារ្យ Thomas Vallely ដែលបានចំណាយពេលដ៏មានតម្លៃមកចែករំលែកបទពិសោធនៅសាកលវិទ្យាល័យត្រាវិញ។ អ្នកស្រីថ្លែងថា ៖ សាស្ត្រាចារ្យជាអ្នកនាំមុខក្នុងការចងស្ពានមេត្រីសហការរវាងវៀតណាមនិងសហរដ្ឋអាមេរិកលើវិស័យអប់រំនិងសេដ្ឋកិច្ច និងក៏ជាស្ថាបនិកនូវបណ្តាកម្មវិធីនៃវិស័យខាងលើ សាកលវិទ្យាល័យត្រាវិញសង្ឃឹមថាកិច្ចជំនួបសំណេះសំណាលថ្ងៃនេះនឹងទទួលបានលទ្ធផលប្រសើរ អាចឈានទៅចុះកិច្ចសហការយូរអង្វែងនៅថ្ងៃអនាគត។
ថ្លែងនៅអង្គប្រជុំ សាស្ត្រាចារ្យ Thomas Vallely លើកឡើងពីរចំណុចគឺ ៖ ទី ១ លោកមានគោលបំណងអភិវឌ្ឍសាកលវិទ្យាល័យតាមកម្មវិធីបណ្តុះបណ្តាលថ្មី និងបង្កើតបានភាពប្រកួតប្រជែងថ្មី ទី ២ គឺមានបំណងសហការជាមួយសាកលវិទ្យាល័យត្រាវិញលើវិស័យថាមពលកែច្នៃ។
បញ្ហាទី ១ លោកបានណែនាំអំពីសាកលវិទ្យាល័យ Fulbright វៀត ណាម គឺតាមបែបបណ្តុះបណ្តាលបើកចំហ នាំមកភាពច្នៃប្រឌិតសម្រាប់និស្សិត។ លោកថ្លែងថាសាកលវិទ្យាល័យត្រាវិញអាចសិក្សានៃទម្រង់ស្តង់ដារបស់សាកលវិទ្យាល័យ Fulbright វៀតណាម។
បញ្ហាទី ២ លោកចាប់អារម្មណ៍ខ្លាំង លោកថ្លែងថា ៖ តំបន់វាលរាបទន្លេគឺវឡុងមានសក្តានុពលអំពីថាមពលកែច្នៃច្រើនបំផុតដូចជា ៖ ថាមពលខ្យល់ ថាមពលព្រះអាទិត្យ ។ល។ ប៉ុន្តែមិនទាន់បានទាញយកប្រយោជន៍ឱ្យបានច្រើននៅឡើយ។
បញ្ចប់កិច្ចជំនួប សាស្ត្រាចារ្យ បណ្ឌិត ផាម ទៀត ខាញ់ មានជំនឿទុកចិត្តថានឹងបានសហការជាមួយលោកសាស្ត្រាចារ្យ Thomas Vallely នៅវិស័យច្រើនទៀត។ ឆ្លាតឱកាសនេះលោកថ្លែងអំណរគុណដល់ លោក បណ្ឌិត ង្វៀន ធៀន ងៀ បានឧទ្ទេសនាម លោកសាស្ត្រាចារ្យ Thomas Vallely មកចែករំលែកបទពិសោធដ៏មានតម្លៃសម្រាប់កងជួរសាស្ត្រាចារ្យនៃសាកលវិទ្យាល័យត្រាវិញ។
ហ្វិញ សាង
