ពិព័ណ៌ការងារ៖ ជាស្ពានចម្លងរវាងនិស្សិតនិងសហគ្រាស
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 12 សីហា 2018
- ចុចដង៖ 416
លោក ង្វៀន យ្វី នាយករងនៃមជ្ឈមណ្ឌលសេវាការងារនៃសាកលវិទ្យាល័យត្រាវិញឱ្យដឹងថា៖ នៅខែសីហាឆ្នាំ២០១៨ សាកលវិទ្យាល័យត្រាវិញបានរៀបចំទិវាជ្រើសរើសបុគ្គលការងារពីរលើកក្នុងលក្ខណៈទ្រង់ទ្រាយធំនិងមានសហគ្រាសចូលរួមច្រើន។ នេះជាឱកាសដើម្បីនិយោជកជ្រើសបានបេក្ខជនឆ្នើមសម្រាប់អង្គភាព ហើយក៏ជាឱកាសសម្រាប់និស្សិតជួបជុំសំណេះសំណាល ឆ្លងកាត់បទពិសោធន៍នៃកិច្ចសម្ភាសសុំការងារ។
នៅវគ្គទី ១ ពិព័ណ៌ការងារបានប្រព្រឹត្តឡើងនៅថ្ងៃទី ២៨ ខែកក្កដា ដោយមាននិស្សិតនិងពលករជាង ១០០០ នាក់ចូលរួម ក្នុងនោះតម្រូវការនៃការងារជាង ៥១៥ កន្លែង និងទទូលបានសំណុំដាក់ពាក្យជាង ២០០ សំណុំ។ អ្នកចូលរួមបានស្វែងយល់នូវទីផ្សារការងារ និងបានប្រឹក្សា ណែនាំពីរបៀបដាក់ពាក្យឱ្យសមស្របទៅនឹងតម្រូវការនៃអង្គភាព និងសហគ្រាស។
មិត្ត បាវ ង៉ឹង ជានិស្សិតជំនាញផ្នែកព័ត៌មានវិទ្យាឱ្យដឹងថា ៖ កិច្ចការរៀបចំពិព័ណ៌ការងារឆ្នាំនេះមានភាពធំទូលាយ និងអង្គភាពចូលរួមច្រើន។ សកម្មភាពទាំងនោះបានបង្កលក្ខណៈងាយស្រួលដល់និស្សិត ក៏ដូចខ្ញុំជាដើមមានឱកាសស្វែងយល់បណ្តាក្រុមហ៊ុន សហគ្រាសធំតូចដែលមកពីបណ្តាខេត្ត។ ប្រការនេះជាលក្ខណៈល្អបំផុតសម្រាប់យើងខ្ញុំដាក់ពាក្យសុំការងារសមស្របទៅនឹងមុខជំនាញដែលបានសិក្សា និងបានចូលរួមសម្ភាសផ្ទាល់។
នៅពិព័ណ៌ការងារឆ្នាំនេះ តម្រូវការជ្រើសរើសបុគ្គលិកនៃសហគ្រាសនានាដែលបានបញ្ចប់នៅសាកលវិទ្យាល័យត្រាវិញមានចំនួនច្រើន និងគ្រប់វិស័យដូចជា៖ កសិកម្ម ជលវប្បកម្ម បច្ចេកវិទ្យា បច្ចេកទេស វេជ្ជសាស្ត្រ ឱសថ ភាសាបរទេស ភាសា-វប្បធម៌-វិចិត្រសិល្បៈខ្មែរណាមបូ សេដ្ឋកិច្ច នីតិសាស្ត្រ គីមីសាស្ត្រ គរុកោសល្យ គ្រប់គ្រងរដ្ឋបាលសាធារណៈ គ្រប់គ្រងការិយាល័យ និងទេសចរណ៍។
នេះក៏ជាឱកាសដែលក្រុមហ៊ុន និងសហគ្រាសចូលរួមផ្សព្វផ្សាយព័ត៌មានការងារ និងមានឱកាសជ្រើសរើសបេក្ខជនប្រកបដោយសមត្ថភាពខ្ពស់។
រីឯវគ្គទី ២ បានរៀបចំឡើងនៅថ្ងៃទី ១១ សីហា ២០១៨ ផងដែរ។
ហ្វិញ សាង
