សាកលវិទ្យាល័យត្រាវិញបន្តរក្សាប្រព័ន្ធគ្រប់គ្រងគុណភាពនិងឈានទៅកំរិតស្តង់ដា ISO 9001:2015 ̣
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 14 សីហា 2018
- ចុចដង៖ 388
ថ្ងៃទី ០២ និងទី ៣ ខែសីហា ឆ្នាំ ២០១៨ អង្គការ Bureau Veritas Certifications វៀតណាម (BVC) អនុវត្តកម្មវិធីវាយតម្លៃទទួលស្គាល់ឡើងវិញនិងបង្កើនកំរិតស្តង់ដា ISO 9001:2015 ចំពោះប្រព័ន្ធគ្រប់គ្រងគុណភាពនៃសាកលវិទ្យាល័យត្រាវិញ។
ការិយាល័យធានាគុណភាពបានឱ្យដឹងថា នេះជាលើកទី ១២ ប្រព័ន្ធគ្រប់គ្រងគុណភាពនៃសាកលវិទ្យាល័យត្រាវិញបានវាយតម្លៃនិងទទួលស្គាល់សមស្របទៅនឹងតម្រូវការនៃកំរិតស្តង់ដា។
អ្នកស្រី ថាច់ ធី យ៉ឹន សាកលវិទ្យាធិការរងគូសបញ្ជាក់ថា អស់រយៈកាល ១២ឆ្នាំ អនុវត្តនិងដំណើរការស្តង់ដា ISO 9001 ក្នុងកិច្ចការគ្រប់គ្រងបណ្តុះ បណ្តាល សាកលវិទ្យាល័យត្រាវិញបន្តរក្សានិងកែលម្អសកម្មភាពឆ្លើយតបនូវតម្រូវការស្តង់ដា ISO និងបំពេញលក្ខខ័ណ្ឌដែលបានកំណត់ ។ ការដែលអនុវត្តនិងដំណើរការប្រព័ន្ធគ្រប់គ្រងគុណភាពបាននាំមកប្រសិទ្ធភាពក្នុងការធានាគុណភាពបណ្តុះបណ្តាលនៅសាកលវិទ្យាល័យត្រាវិញ។
ក្រុមការងារវាយតម្លៃនៃអង្គការ BVC ដឹកនាំដោយលោក តាំង ខ្វា ព្រមទាំងសមាជិកពីរទៀតបានចុះធ្វើការត្រួតពិនិត្យ ឃ្លាំមើលសង្កេតដំណើរការអនុវត្តទម្រង់ស្តង់ដា ISO នៅអង្គភាពទាំង ២២ ចំណុះសាកលវិទ្យាល័យត្រាវិញ។
ក្រោយពីបានត្រួតពិនិត្យផ្ទៀងផ្ទាត់ការងារនៅបណ្តាអង្គភាព គណប្រតិភូបានចែករំលែកការកង្វះខាតនិងផ្ទេរបទពិសោធដើម្បីជំរុញប្រសិទ្ធភាពការងារក្នុងការគ្រប់គ្រងនិងដំណើរការឱ្យសមស្របទៅនឹងស្តង់ដា ISO ធានាបានប្រសទ្ធិភាពការងារនៅក្នុងការបណ្តុះបណ្តាល។
បញ្ចប់អង្គប្រជុំអ្នកស្រី ថាច់ ធី យ៉ឹន ថ្លែងអំណរគុណដល់អង្គការ BVC និងក្រុមការងារបានមមាញឹកក្នុងការត្រួតពិនិត្យនិងវាយតម្លៃការគ្រប់គ្រងប្រព័ន្ធ ISO 9001 ម្យ៉ាងវិញទៀតក្រុមការងារបានផ្ទៀងផ្ទាត់តម្រូវការអភិវឌ្ឍន៍ ក៏ដូចបំពេញកង្វះខាតដើម្បីធានារក្សានិងកែលម្អប្រព័ន្ធគ្រប់គ្រងគុណភាពឈានទៅកំរិតស្តង់ដា ISO 9001:2015។
ហ្វិញ សាង
