សិក្ខាសាលាវិទ្យាសាស្ត្រស្តីអំពីចម្រៀងប្រជាប្រិយខ្មែរណាមបូ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 08 កញ្ញា 2018
- ចុចដង៖ 411
នៅល្ងាចថ្ងៃទី ៣១ ខែសីហា ឆ្នាំ ២០១៨ សាកលវិទ្យាល័យត្រាវិញបានរៀបចំសិក្ខាសាលាវិទ្យាសាស្ត្រ ដោយមានប្រធានបទ «ចម្រៀងប្រជាប្រិយខ្មែរណាមបូ - បញ្ហាទ្រឹស្តីនិងបទពិសោធន៍» ។ អង្គសិក្ខាសាលាមានអ្នកស្រាវជ្រាវ អ្នកវិទ្យាសាស្ត្រ សិល្បករ សិល្បការនី សិស្សនិស្សិតជាច្រើនបានអញ្ជើញចូលរួម ។
សិក្ខាសាលាជាកិច្ចការបន្តសកម្មភាពក្នុងក្របខ័ណ្ឌអនុវត្តភារកិច្ចវិទ្យាសាស្ត្រនិងបច្ចេកវិទ្យាថ្នាក់ក្រសួងនូវ «ការអភិរក្សនិងលើកកម្ពស់តម្លៃវប្បធម៌ចម្រៀងប្រជាប្រិយខ្មែរណាមបូ» អនុវត្តផ្ទាល់ដោយសាកលវិទ្យាល័យត្រាវិញ។
មានប្រសាសន៍បើកអង្គសិក្ខាសាលា បណ្ឌិត ម៉ាយ មី យៀង ថ្លែងថា ៖ ក្នុងរយៈកាលកន្លងតថភាពស្រាវជ្រាវនិងប្រមូលផ្តុំប្រភេទចម្រៀងប្រជាប្រិយរបស់ជនជាតិខ្មែរណាមបូបានអនុវត្តនៅគ្រប់ជ្រុងជ្រោយ ក៏ប៉ុន្តែមិនទាន់មានស្នាដៃសិក្សាណាជាប្រព័ន្ធ ផ្តល់នូវរបកគំហើញទូទៅអំពីខឿនចម្រៀងប្រជាប្រិយខ្មែរណាមបូលើប្រភេទទម្រង់ និងតម្លៃ ដើម្បីកំណាត់នូវតម្លៃចម្រៀងប្រជាប្រិយដែលមានក្នុងជីវភាពរស់នៅរបស់ជនរួមជាតិខ្មែរណាមបូ ក៏ដូចមិនទាន់មានវិធានការច្បាស់លាស់ណាមួយក្នុងការអភិរក្សនិងលើកកម្ពស់តម្លៃវប្បធម៌ចំពោះប្រភេទចម្រៀងប្រជាប្រិយខ្មែរណាមបូក្នុងតថភាពបច្ចុប្បន្ន។
ការស្រាវជ្រាវនេះជាភារកិច្ចចម្បង ទូទៅមានលក្ខណៈជាប្រព័ន្ធនិងស៊ីជម្រៅឆ្លើយតបតម្រូវការអភិរក្សខឿនវប្បធម៌ដែលជាបេតិកភណ្ឌនៃចម្រៀងប្រជាប្រិយ និងកំពុងប្រឈមនឹងការសាបរលាបទៅៗ ។ ម្យ៉ាងវិញទៀតគឺរួមចំណែកលើកកម្ពស់មនសិការមហាជនអោយចេះថែររក្សាតម្លៃវប្បធម៌ជាតិ ជំរុញការបង្ហាត់បង្រៀន ផ្សព្វផ្សាយនូវប្រភេទចម្រៀងប្រជាប្រិយឱ្យបានទូលំទូលាយ ឆ្ពោះទៅគោលដៅអភិរក្ស អភិវឌ្ឍនិងលើកកម្ពស់តម្លៃវប្បធម៌ដែលជាបេតិកភណ្ឌជាតិនៅកំរិតអន្តរជាតិ។
ហ្វិញ សាង