អគ្គរដ្ឋទូត Ireland ប្រចាំការនៅវៀតណាមបំពេញទស្សនកិច្ចនៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 12 កញ្ញា 2018
- ចុចដង៖ 426
នៅថ្ងៃទី ៥ ខែកញ្ញា ឆ្នាំ២០១៨ អ្នកស្រី ថាច់ ធី យ៉ឹន សាកលវិទ្យាធិការរងនៃសាកលវិទ្យាល័យត្រាវិញទទួលជួបសវនាការជាមួយអ្នកស្រី Cáit Moran អគ្គរដ្ឋទូត Ireland ប្រចាំការនៅវៀតណាម ។
នៅអង្គជំនួបអ្នកស្រី ថាច់ ធី យ៉ឹន ឱ្យដឹងថា ៖ បច្ចុប្បន្នភាព សាកលវិទ្យាល័យត្រាវិញ និងអង្គការរបស់ Ireland មានទំនាក់ទំនងគ្នាយ៉ាងជិតស្និទ្ធឆ្លងតាមកម្មវិធីគរុសភា កម្មវិធីបណ្តុះបណ្តាលវគ្គខ្លី ក្រោមការឧបត្ថម្ភនូវអាហារូបករណ៍សម្រាប់សាស្ត្រាចារ្យសាកលវិទ្យាល័យត្រាវិញ។ ខ្ញុំមានទំនុកចិត្តយ៉ាងជ្រាវជ្រៅចំពោះបណ្តាគម្រោងការដែលស្ថានទូត Ireland បន្តអនុវត្ត ឧបត្ថម្ភដល់ការសិក្សា ចែករំលែក លើកកម្ពស់សមត្ថភាព ជំនាញឯកទេស និងដោះដូរវប្បធម៌គរុសភារវាងភាគីទាំងពីរ។»
អ្នកស្រី Cáit Moran ថ្លែងថា ៖ ដំណើរទស្សនកិច្ចនៅសាកលវិទ្យាល័យត្រាវិញ ក្រុមការងារយើងខ្ញុំបានសិក្សាឈ្វេងយល់នៅតថភាពបណ្តុះបណ្តាលនៃសាកលវិទ្យាល័យត្រាវិញក៏ដូចពហុកំរិតសិក្សា។ ទន្ទឹមនឹងនោះបានយល់នូវទម្រង់បណ្តុះបណ្តាលមានលក្ខណៈផ្សារភ្ជាប់ជាមួយសហគ្រាសដែលនិស្សិតមានឱកាសសិក្សាបណ្តើរអនុវត្តបណ្តើរនៅទីនោះ។
ក្នុងកិច្ចសំណេះសំណាលនេះដែរ អ្នកស្រីបានចាប់អារម្មណ៍ចំពោះគម្រោងការ «ឧបត្ថម្ភសកម្មភាពផលិតសិប្បកម្មបម្រើដល់វិស័យទេសចរ លើកកម្ពស់កំណើនសេដ្ឋកិច្ចនិរន្តរភាពនៅតំបន់ជនរួមជាតិខ្មែរ។»
គម្រោងការនោះបានអនុវត្តចាប់តាំងពីខែមករារហូតដល់ខែធ្នូឆ្នាំ ២០១៨ នៅសង្កាត់ទី ៨ និងសាកលវិទ្យាល័យត្រាវិញដោយមានចញ្ចប់ថវិកាចំនួន ៧០០០ អ៊ឺរ៉ូ ។
វត្ថុបំណងនៃគម្រោងការគឺដើម្បីលើកកម្ពស់លទ្ធភាពស្ត្រីចូលរួមសកម្មភាពអភិវឌ្ឍសេដ្ឋកិច្ចគ្រួសារ និងអភិរក្សតម្លៃវប្បធម៌ជនជាតិ។ មកទាល់ពេលនេះ គម្រោងការបានដំណើរការអស់រយៈពេល ៨ ខែ មានថ្នាក់ចំនួន ៥ និងសមាជិកជាង ៣០ នាក់ ។
គណកម្មការគ្រប់គ្រងគម្រោងការឱ្យដឹងថា ៖ យើងខ្ញុំបានរៀបចំតាំងពិពណ៌នូវវត្ថុសិប្បកម្មទាំងឡាយដែលបានផលិតរួចចំនួនពីរលើកគឺ ៖ នៅសាកលវិទ្យាល័យត្រាវិញ និងខេត្តក្វាងនីញ កម្រៃទទួលបានពីការលក់វត្ថុអនុស្សាវរីយ៍គឺទំនុកបំរុងបន្ថែម ចំណាយទិញវត្ថុធាតុដើម ជំនួយស្ត្រីមានជីវភាពលំបាក ក្នុងរយៈពេលបុណ្យទានប្រពៃណីនៅមូលដ្ឋាន ជាពិសេសទៅទៀតគឺបង្កើតបានក្រុមសិប្បកម្មស្ត្រីសម្រាប់សង្កាត់ទី ៨ ។
ឱកាសនេះដែរ អគ្គរដ្ឋទូត Ireland ប្រចាំការនៅវៀតណាមបានទស្សនាទិដ្ឋភាពជុំវិញសាកលវិទ្យាល័យត្រាវិញអន្តេវាសិកដ្ឋាន និងចុះសួរសុខទុក្ខ សំណេះសំណាលជាមួយក្រុមសិប្បកម្មផងដែរ ៕
ហ្វិញ សាង
