Vinacacao រួមដំណើរជាមួយនិស្សិតសហគ្រិនភាព
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 17 កញ្ញា 2018
- ចុចដង៖ 402
នៅព្រឹកថ្ងៃទី ៩ ខែកញ្ញា លោក ត្រឹង វ៉ាន់ លៀង ប្រធានក្រុមប្រឹក្សាគណកម្មការប្រតិបត្តនិងជាអគ្គនាយកនៃក្រុមហ៊ុនភាគហ៊ុន កាកាវ វៀតណាម (Vinacacao) បានជួបសំណេះសំណាលនិងចែករំលែកបទពិសោធន៍ជុំវិញបញ្ហាផ្តួចផ្តើមគំនិតប្រកបអាជីវកម្មទៅដល់និស្សិតផ្នែកសេដ្ឋកិច្ចចំនួនជិត ១០០០នាក់នៅសាលសហសិក្សានៃសាកលវិទ្យាល័យត្រាវិញ ។
មានប្រសាសន៍នៅកិច្ចជំនួប អ្នកស្រី ថាច់ ធី យ៉ឹន សាកលវិទ្យាធិការរង រីករាយស្វាគមន៍ និងថ្លែងអំណរគុណចំពោះថ្នាក់ដឹកនាំក្រុមហ៊ុន Vinacacao បានចំណាយពេលវេលាដ៏មានតម្លៃមកសំណេះសំណាលចែករំលែកបទពិសោធន៍ដល់និស្សិតសាកលវិទ្យាល័យត្រាវិញនូវបញ្ហាពាក់ព័ន្ធនឹងសហគ្រិនភាព និងបានផ្តល់សញ្ញាណទូទៅចំពោះនិស្សិតដែលមានចំណាប់អារម្មណ៍ទៅនឹងការបង្កើតអាជីវកម្មនៅពេលកំពុងសិក្សា ។
នៅទីនោះ មាននិស្សិតជាច្រើនបញ្ចេញយោបល់ និងចាប់អារម្មណ៍ខ្លាំងចំពោះការទំនាក់ទំនងយ៉ាងជិតស្និទ្ធរវាងសហគ្រាសនិងសាកលវិទ្យាល័យដើម្បីមានវេទិកាសំណេះសំណាលនេះឡើង ហើយពួកគេស្នើ បន្តរក្សាវេទិកាបែបនេះ បង្កើតបានបរិយាកាសសហគ្រិនភាពសម្រាប់និស្សិត ។ ឆ្លងតាមកិច្ចសំណេះសំណាល និស្សិតមានគំនិតនវានុវត្តជាច្រើនសម្តែងមតិ ពិភាក្សាចំហជាមួយលោកអគ្គនាយកនៃក្រុមហ៊ុន Vinacacao ។
និស្សិត ហ្វិញ ទ្រឿង អៀន វី និយាយថា ៖ ដើម្បីទទូលបានជោគជ័យខ្ពស់ គួរតែមានការចូលរួមពីសម្នាក់អ្នកឯកទេស វិនិយោគិនផ្តល់នូវបទពិសោធន៍ល្អៗ ទាក់ទងទៅនឹងការគ្រប់គ្រងទីផ្សារ ក៏ដូចហិរញ្ញវត្ថុ ។
ម្យ៉ាងវិញទៀត ដើម្បីឱ្យគំនិតនោះក្លាយទៅជាការពិតត្រូវបង្កើតបរិយាកាសល្អ ឱ្យនិស្សិតចូលរួម និងបន្តជម្រើសគំនិតផ្តួចផ្តើមធ្វើអាជីវកម្មទៅខាងក្រោយៗទៀត ។
លោក ត្រឹង វ៉ាន់ លៀង ថ្លែងថា ៖ ការខិតខំអស់ពីសមត្ថភាពរបស់ក្មួយៗ គឺជាកូនសោរនាំទៅរកភាពជោគជ័យជាខាងដើម។ សហគ្រិនភាពជាចំណុចស្វែងរកតម្លៃថ្មី យកចំណុចភ័យខ្លាចធ្វើជាចំណុចខ្លាំងជាកម្លាំងចលករមួយ ។ លោកថាសម័យប្រឡង «Rookie – Marketing of the year» ជាទីលានផ្តួចផ្តើមគំនិតសហគ្រិនភាពមួយដ៏មានប្រយោជន៍ សម្រាប់និស្សិតដាក់ពាក្យចូលរួម ។
ហិញ សាង
