ប្រកួតស្នាដៃរ៉ូបូកន់ ឆ្នាំ ២០១៨
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 22 កញ្ញា 2018
- ចុចដង៖ 404
នៅថ្ងៃទី១៦ កញ្ញា ២០១៨ មហាវិទ្យាល័យបច្ចេកទេសនិងបច្ចេកវិទ្យានៃសាកលវិទ្យាល័យត្រាវិញបានបើកការប្រកួតប្រជែងស្នាដៃ Robocon ឆ្នាំ ២០១៨ ដោយមានប្រធានបទ ៖ «ចម្លងនាវាកាត់រលកបច្ចេកវិទ្យា ។»
លោកបណ្ឌិត ង្វៀន មីញ ហ្វា ព្រឹទ្ធបុរសនៃមហាវិទ្យាល័យបច្ចេកទេសនិងបច្ចេកវិទ្យា និងជាប្រធានគណកម្មការសម័យប្រឡងរីករាយស្វាគមន៍ស្មារតីចូលរួមរបស់បេក្ខជនដែលជាសិស្សនិងនិស្សិតទាំងឡាយមកពីវិទ្យាល័យនានានៅទីក្រុងត្រាវិញ។ លោក ថ្លែងថា ៖ «សម័យប្រកួតស្នាដៃ Robocon ឆ្នាំ ២០១៨ គឺជាទីលានបង្កើតស្នាដៃដ៏មានប្រយោជន៍សម្រាប់និស្សិតមានគំនិតច្នៃប្រឌិត ។ ម្យ៉ាងវិញទៀតឆ្លងតាមកម្មវិធីនេះ គណកម្មការនឹងជ្រើសបានក្រុមនិស្សិតមានទេពកោសល្យដើម្បីចូលរួមការក្រកួតនៅថ្នាក់តំបន់និងថ្នាក់ជាតិនាពេលខាងមុខ ។»
លោកថ្លែងថា ៖ ចំពោះប្រធានបទ «ចម្លងនាវាកាត់រលកបច្ចេកវិទ្យា» គឺជាប្រធានបទមួយដែលថ្មីនិងទំនើប សម្រាប់ប្អូនៗមានគំនិតនវានុវត្ត ប៉ិនប្រសបរចនាស្នាដៃ Robocon ។ ការប្រកួតនាំមកនូវភាពទាក់ទាញដល់ប្អូនៗនិស្សិតនិងទស្សនិកជន បង្កើតបានភាពសប្បាយរីករាយ ក៏ប៉ុន្តែមិនខ្វះនូវភាពតានតឹង ភ័យអរផងដែរដោយមានលក្ខណៈប្រសើរប៉ាន់ស្មានមិនដល់ ។
ចូលរួមសម័យប្រកួតឆ្នាំនេះមានបេក្ខជនចំនួន ៩៣ នាក់ជានិស្សិតនៃសាកលវិទ្យាល័យត្រាវិញ និងសិស្សមកពីវិទ្យាល័យនៅទីក្រុងត្រាវិញ ។ ក្រុមនីមួយៗ រចនានាវាដោយភ្ជាប់ប្រព័ន្ធបញ្ជាពីចម្ងាយ ។ ក្រោយបទបញ្ជារបស់អាជ្ញាកណ្តាល នាវាចាប់ផ្តើមចេញដំណើរពីទីតាំងផែ បន្តទៅដោយស្វ័យប្រវត្ត ឬតាមបញ្ជារបស់ក្រុមនីមួយៗទៅតាមខ្សែទឹក "zíc zắc" ដែលកំណត់ ។ ក្រោយពីឆ្លងកាត់ឧបសគ្គដែលគណកម្មការដាក់ចេញនាវាក្រុមនីមួយៗត្រូវស្រង់យកទំនិញ(ប៉េងប៉ោង) រួចវិលបត់មកកន្លែងដើមវិញ ។ ពិន្ទុត្រូវបានរាប់ឡើងទៅតាមពេលវេលាបានកំណត់និងសម្រេចជោគជ័យនូវភារកិច្ចដាក់ទំនិញវិលបត់មកទីកន្លងដើមវិញ ។
មិត្ត ង្វៀន ខាញ់ យ្វី និស្សិតឆ្នាំទី ៣ និយាយថា ៖ ខ្ញុំចាប់អារម្មណ៍ចំពោះការប្រកួតស្នាដៃ Robocon នេះ វាពិតជាអស្ចារ្យនិងមានប្រយោជន៍ ការចូលរួមប្រកួត វាពិតជាមិនត្រឹមតែជួយឱ្យយើងមានចំណេះដឹង ក៏ប៉ុន្តែសំខាន់នោះគឺបានអនុវត្តផ្ទាល់នូវអ្វីដែលយើងបានសិក្សា បានស្រាវជ្រាវ និងបន្តស្រាវជ្រាវស៊ីជម្រៅថែមទៀតនូវមុខជំនាញដែលយើងពេញចិត្ត ។
មិត្ត ង្វៀន ឌីញ ធី មកពីវិទ្យាល័យអនុវត្តគរុកោសល្យ និយាយថា ៖ នេះជាលើកដំបូងខ្ញុំចូលរួមទស្សនាការប្រកួតអំពីបច្ចេកវិទ្យា ។ ខ្ញុំចាប់អារម្មណ៍ផលិតផល Robocon របស់និស្សិតរៀមច្បង ព្រោះថាវាពិតជាប្លែកនិងថ្មី ។ ចូលរួមកម្មវិធីនេះខ្ញុំសិក្សាបានបំណិតជាច្រើន ដូចបំណិតធ្វើការជាក្រុម ការគិតប្រកបដោយតក្កវិទ្យា ចេះវិភាគស្ថានភាព និងមានចំណង់ចំណូលចិត្តខាងបច្ចេកវិទ្យាជាពិសេសអំពីបច្ចេកវិទ្យាស្វ័យប្រវត្ត ។
បញ្ចប់នៅវគ្គជម្រុះ គណកម្មការបានជ្រើសចេញនូវក្រុមទាំង ១២ មានលទ្ធផលខ្ពស់ដើម្បីបន្តទៅវគ្គក្រោយ ។ វគ្គផ្តាច់ព្រ័ត្រនឹងរៀបចំនៅថ្ងៃទី ២៣ កញ្ញា ខាងមុខនេះ ៕
ហិញ សាង
