ប្រទេសជាង ១៨ ចូលរួមសិក្ខាសាលាស្តីអំពីពពែទឹកដោះអាស៊ី-អូស្ត្រាលីនៅត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 18 តុលា 2018
- ចុចដង៖ 437
ព្រឹកថ្ងៃទី ១៧ ខែតុលា ឆ្នាំ២០១៨ នៅសាកលវិទ្យាល័យត្រាវិញបានរៀបចំឡើងនៅអង្គសិក្ខាសាលាអន្តរជាតិដែលមានមូលបទ «ពពែទឹកដោះអាស៊ី-អូស្ត្រាលីលើកទី ៤ ឆ្នាំ២០១៨» ដោយសាកលវិទ្យាល័យត្រាវិញសហការជាមួយសហគមន៍ពពែទឹកដោះអាស៊ី-អូស្ត្រាលីក្រោមប្រធានបទ «អភិវឌ្ឍចិញ្ចឹមពពែទឹកដោះបន្សាំនឹងអាកាសធាតុ។»
អង្គសិក្ខាសាលាមានសមាជិកចូលរួមជាង ២០០នាក់ ជាអ្នកវិទ្យាសាស្ត្រា អ្នកគ្រប់គ្រងនៅបណ្តាវិទ្យាស្ថាន សាកលវិទ្យាល័យ សហគ្រាស ក្នុងនោះមានប្រទេសចូលរួមចំនួន ១៨ រួមមាន៖ ចិន ហ្វីលីពីន ថៃ ឥណ្ឌា ម៉ាឡេស៊ី សហរដ្ឋអាមេរិក ជប៉ុន ប៉ាគីស្ថាន ឥណ្ឌូណេស៊ី កម្ពុជា ស៊ូដាន អ៊ីរ៉ាន អេហ្ស៊ីប New Zealand ។ល។
សិក្ខាសាលាលើកនេះ អ្នកវិទ្យាស្រាស្ត្រ អ្នកឯកទេសនៅក្នុងនិងក្រៅប្រទេសបានផ្តោតការវិភាគជុំវិញបញ្ហាហ្សែន អភិវឌ្ឍពូជពពែទឹកដោះ ការគ្រប់គ្រងគុណភាពផលិតផលទឹកដោះ បច្ចេកវិទ្យាកែច្នៃទឹកដោះនិងផលិតផលពីទឹកដោះពពែ ម្យ៉ាងវិញទៀតលើកដំដោះស្រាយនៃការចិញ្ចឹមពពែបន្សាំនឹងអាកាសធាតុប្រែប្រួល ឆ្ពោះទៅរកទិសដៅអភិវឌ្ឍពពែទឹកដោះក្នុងរយះពេលខាងមុខ។ល។
សាស្ត្រាចារ្យ បណ្ឌិត Juan Boo Liang ប្រធានសហគមន៍ពពែទឹកដោះអាស៊ី-អូស្ត្រាលីថ្លែងថា៖ សិក្ខាសាលាជាកាលានុវត្តដើម្បីបណ្តាអ្នកវិទ្យាសាស្ត្រ អ្នកឯកទេស សាកលវិទ្យាល័យ។ល។ នៅគ្រប់ប្រទេសលើពិភពលោកបានចែករំលែកបទពិសោធដើម្បីជំរុញការចិញ្ចឹមពពែទឹកដោះជាចីរភាព។
បច្ចុប្បន្ន នៅតំបន់អាស៊ីមានពពែប្រមាណ ៤៣០ ក្បាល ជាប់អត្រា ៦៥% បរិមាណពពែលើពិភពលោក ក្នុងនោះទិន្នផលទឹកដោះពពែនៅអាស៊ីមាន ២៥% និងមានតួនាទីសំខាន់នៃសេដ្ឋកិច្ច-សង្គមកិច្ចនៅបណ្តាប្រទេសអាស៊ី។ ក្នុងស្ថានភាពអាកាសធាតុប្រែប្រួល ខឿនកសិកម្មអាស៊ីប្រឈមនឹងការរីងស្ងួត និងទឹកសមុទ្រឡើងខ្ពស់។
ជាមួយការនេះដែរ ចិញ្ចឹមពពែដោយការប្រើប្រាស់ទឹកសាបតិចនិងអាកាសធាតុក្រៅក៏ពពែអាចរស់បាននិងផ្តល់ទឹកដោះជាធម្មតា និងចញ្ចឹមយកសាច់មានប្រសិទ្ធភាព ឆ្លើយតបតម្រូវការនៃសង្គម។ ជាក់ស្តែង រយះពេលកន្លងប្រទេសចិន និង New Zealand អនុវត្តជោគជ័យវិស័យឧស្សហកម្មពពែទឹកដោះ។ នេះជាមូលដ្ឋានដើម្បីប្រទេសអាស៊ី ក្នុងនោះមានវៀតណាមសិក្សាបទពិសោធនិងអភិវឌ្ឍសក្តានុពលចិញ្ចឹមពពែទឹកដោះក្នុងរយះពេលខាងមុខ។
លោក ដុង វ៉ាន់ ឡឹម ប្រធានគណៈកម្មការប្រជាជនខេត្តត្រាវិញវាយតម្លៃខ្ពស់នៃសហគមន៍ពពែទឹកដោះអាស៊ី-អូស្ត្រាលី បានជ្រើសយកសាកលវិទ្យាល័យត្រាវិញជាទីតាំងរៀបចំសិក្ខាសាលាអន្តរជាតិដ៏សំខាន់នេះ។ ត្រាវិញជាខេត្តកសិកម្មចម្បងមានបរិមាណខ្ពស់ក្នុងយន្តការសេដ្ឋកិច្ចកសិកម្ម (មានស្រូវ បង្កង ឈើហូបផ្លែ។ល។) ចំពោះមុខរបរចិញ្ចឹមពពែទឹកដោះនៅមានកំរិតទាប មិនទាន់បើកទូលាយនៅឡើយ។
នាអនាគត ខេត្តត្រាវិញមានបំណងសិក្សាបទពិសោធនៃការចិញ្ចឹមពពែទឹកដោះពីបណ្តាប្រទេសទំនើបលើពិភពលោក ដើម្បីកសាងទម្រង់ចិញ្ចឹមពពែទឹកដោះមានទ្រង់ទ្រាយធំរួមចំណែកពហុចិញ្ចឹមសត្វបន្សាំនឹងអាកាសធាតុប្រែប្រួល លើកកម្ពស់ប្រាក់ចំណូលសម្រាប់ប្រជាជន។ល។
ហ្វិញ សាង