សមាគមនិស្សិតនៃសាកលវិទ្យាល័យត្រាវិញសម្រេចជោគជ័យភារកិច្ចនីតិកាល ២០១៨-២០១៩
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 23 តុលា 2018
- ចុចដង៖ 428
ថ្ងៃទី ១៣ ខែតុលា មហាសន្និបាតសមាគមនិស្សិតនៃសាកលវិទ្យាល័យត្រាវិញលើកទី VII នីតិកាល ២០១៨ - ២០២០ បានប្រព្រឹត្តឡើងសម្រេចជោគជ័យជាស្ថាពរ។
ចូលរួមអង្គប្រជុំមានសមាជិកចំនួន ១៥០ នាក់ដែលជាតំណាងសមាជិកជាង ៦០០០នាក់ចំណុះសមាគម។ អង្គសន្និបាតបានជ្រើសរើសគណៈលេខាធិការ គណៈប្រតិបត្តិការសម្រាប់នីតិកាលថ្មីមានសមាជិកចំនួន ២៣ នាក់និងលោក ង្វៀន វ៉ាន់ ធើ អនុលេខាធិការនៃសម្ពន្ធយុវជនបានជាប់ជាប្រធានសមាគមនិស្សិតនីតិកាលថ្មី ២០១៨ - ២០២០។
សម័យប្រជុំ គណៈប្រតិបត្តិការនីតិកាលចាស់មានរបាយការណ៍បូកសរុបនិងវាយតម្លៃកិច្ចការសមាគមនិងចលនានិស្សិតក្នុងរយះពេលពីរឆ្នាំ ២០១៥ - ២០១៨។ ទន្ទឹមនឹងនោះគណៈប្រតិបត្តិការបានដាក់ចេញនូវផែនការយុទ្ធសាស្ត្រថ្មីសម្រាប់នីតិកាល ២០១៨ - ២០២០ ផងដែរ។
ជាក់ស្តែងក្នុងនីតិកាលថ្មី មហាសន្និបាតបានដាក់ចេញគោលដៅសំខាន់ៗ ១១ ចំណុច និងកម្មវិធីចម្បងចំនួន ៦ ក្នុងនោះបន្តផ្លាស់ប្តូរខ្លឹមសារនិងវិធីសាស្ត្រអនុវត្ត លើកកម្ពស់ការអប់រំស្មារតី សីលធម៌ សម្រាប់និស្សិត ជំរុញកិច្ចការសិក្សាស្រាវជ្រាវនិងត្រាប់តាមគម្រូ ឥរិយាបថហូជីមិញ ជំរុញអនុវត្តដោយមានប្រសិទ្ធភាពនូវចលនា «និស្សិតមានគម្រូល្អ៥ចំណុច» និងយកចិត្តទុកដាក់សកម្មភាពស្មគ្រចិត្តដើម្បីសហគមន៍ និស្សិតព្យាយាមសិក្សា ស្រាវជ្រាវវិទ្យាសាស្ត្រ សមាហរណកម្ម លត់ដំកាយសម្បទា ជំនួយស្វែងរកដំណោះស្រាយការងារសម្រាប់និស្សិតក្រោយពីបញ្ចាប់ការសិក្សា។ល។
លោកង្វៀន វ៉ាន់ ធើ ដែលជាប្រធានសមាគមនិស្សិតនីតិកាលថ្មី បានប្តាជ្ញាចិត្តនិងអំពាវនាវដល់សមាជិកទាំងឡាយអោយខំបន្តរក្សាប្រពៃណីដ៏ត្រចាស់ត្រចង់នៃជំនាន់បងៗ លើកកម្ពស់ភាពវិជ្ជាមាន និងជំនះភាពអវិជ្ជមាន ដែលវានៅទន់ខ្សោយ ដើម្បីឈានឡើងសម្រេចជោគជ័យសេចក្តីសម្រេចនៃមហាសន្និបាតបានដាក់ចេញនៅនីតិកាលថ្មី ២០១៨-២០២០។