ទិវាវប្បធម៌វៀតណាម-ជប៉ុន ឆ្នាំ២០១៨
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 30 តុលា 2018
- ចុចដង៖ 578
នៅព្រឹកថ្ងៃទី ២៥ ខែតុលា ឆ្នាំ២០១៨ កម្មវិធីដោះដូរវប្បធម៌វៀតណាម-ជប៉ុន ឆ្នាំ២០១៨បានប្រព្រឹត្តឡើងនៅបរិវេណទីស្នាក់ការកណ្តាល នៃសាកលវិទ្យាល័យត្រាវិញ និងបានទាក់ទាញអតិថិជនរាប់ពាន់នាក់អញ្ជើញទស្សនាកម្សាន្ត។ លោក ដុង វ៉ាន់ ឡឹម ប្រធានគណៈកម្មាធិការប្រជាជនខេត្តត្រាវិញ និងលោក KAWAUE Junichi អគ្គរដ្ឋទូតជប៉ុនប្រចាំការនៅទីក្រុងហូជីមិញអញ្ជើញចូលរួម។
នៅក្នុងកម្មវិធីនេះ លោក ដុង វ៉ាន់ ឡឹម គូសបញ្ជាក់ថា៖ តាំងពីថ្ងៃចុះកិច្ចព្រមព្រៀងសហប្រតិបត្តិការជាមួយប្រទេសជប៉ុន ដែលជាប្រទេសឈានមុខគេក្នុងការឧបត្ថម្ភដើមទុន ODA សម្រាប់វៀតណាម។
ក្នុងនោះខេត្តត្រាវិញក៏ទទួលបានដើមទុនវិនិយោគក្នុងការអភិវឌ្ឍហេដ្ឋារចនាសម្ពន្ធដូច៖ កសាងសាលារៀន ផ្លូវ ស្ពាន ទឹកស្អាតនៅជនបទ។ល។ ម្យ៉ាងវិញទៀតកិច្ចទំនាក់ទំនងរវាងប្រទេសទាំងពីរតែងបានពង្រឹងនិងអភិវឌ្ឍល្អប្រសើរលើគ្រប់វិស័យ។
ឱកាសនេះ លោក ដុង វ៉ាន់ ឡឹម បានឱភាសកម្មនូវសក្តានុពលភាពអភិវឌ្ឍសេដ្ឋកិច្ច វប្បធម៌ ទេសចរណ៍នៅត្រាវិញ ព្រមនឹងគម្រោងការណ៍ធំៗកំពុងអនុវត្ត លោកក៏អំពាវនាវដល់សហគ្រាសជប៉ុនបន្តស្វែងយល់និងជ្រើសត្រាវិញដើម្បីវិនិយោគផងដែរ។
កម្មវិធីដោះដូរវប្បធម៌វៀតណាម-ជប៉ុនបានរៀបចំឡើងចាប់តាំងពីម៉ោង ៨ ព្រឹករហូតដល់ ៩ យប់ រួមមានសកម្មភាពតាំងពិព័រណ៍ រូបភាពវប្បធម៌រវាងប្រទេសទាំងពីរ មានល្បែងប្រជាប្រិយ និម្មិតឡើងវិញនូវផ្សារជនបទ តំបន់ប្រជាជនដាល់អំបុក ចម្លាក់ ត្បាញកន្ទេល វេចនំអន្សម ជាពិសេសគឺអាហារមានលក្ខណៈវប្បធម៌វៀតណាមនិងជប៉ុន ព្រមទាំងកម្មវិធីសម្តែងសិល្បៈពោរពេញលក្ខណៈវប្បធម៌នៃប្រទេសទាំងពីរ។
កម្មវិធីដោះដូរវប្បធម៌វៀតណាម-ជប៉ុន ឆ្នាំ២០១៨ ដោយគណៈកម្មាការប្រជាជនខេត្តត្រាវិញរៀបចំឡើង។ កម្មវិធីនេះ ជាសកម្មភាពអបអរសាទរអនុស្សាវរីយ៍ ៤៥ ឆ្នាំនៃទិវាចុះកិច្ចព្រមព្រៀងសហប្រតិបត្តិការរវាងវៀតណាមនិងជប៉ុននៅត្រាវិញ ជាស្ពានដោះដូរវប្បធម៌ និងផ្សារភ្ជាប់យ៉ាងស្អិតរមួតនៃចំណងមិត្តភាពរវាងប្រទេសទាំងពីរវៀតណាម-ជប៉ុននៅភូមិភាគត្រាវិញ។
ហិ្វញសាង