សាស្ត្រាចារ្យនៃសាកលវិទ្យាល័យត្រាវិញស្រាវជ្រាវពូជស្រូវបន្សាំនឹងលក្ខណៈធម្មជាតិទឹកប្រៃ រាំងស្ងួតនិងមានជីវជាតិ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 14 ធ្នូ 2018
- ចុចដង៖ 534
(TVU) - គម្រោងការស្រាវជ្រាវវិទ្យាសាស្ត្រ«ជ្រើសប្រភេទនិងបែងចែកពូជស្រូវបន្សាំនឹងលក្ខណៈធម្មជាតិទឹកប្រៃ រាំងស្ងួតនិងមានជីវជាតិ» ដោយអ្នកស្រីបណ្ឌិត ផាម ធី ភឿង ទ្វី ជាសាស្ត្រាចារ្យនៃសាកលវិទ្យាល័យត្រាវិញសហការជាមួយសមាគមកសិករផលិតឆ្នើមនៅឃុំចូវដៀន ស្រុកកូវកែ មានលទ្ធផលទទួលបានគួរជាទីគាប់ចិត្តនៅជំហានដំបូង។
ម្ចាស់គម្រោងអោយដឹងថា វត្ថុបំណងនៃគម្រោងការនេះគឺជ្រើសចេញនូវប្រភេទពូជស្រូវមានលក្ខណៈពិសេសដូចជាអោយទិន្នផលខ្ពស់និងរស់បានក្នុងលក្ខណៈធម្មជាតិរាំងស្ងួត ដីមានជាតិជូរ ប្រៃប៉ុន្តែរក្សាគុណភាពអង្ករឆ្ងាញ់។
គម្រោងការនេះអនុវត្តចាប់តាំងពីឆ្នាំ ២០១៦និងចែកចេញជាពីរដំណាក់កាល។ ក្រុមស្រាវជ្រាវបានអនុវត្តប្រមូលពូជស្រូវ ៤ ប្រភេទពីខេត្តបេនត្រែ អានយ៉ាង និងទៀនយ៉ាង មានលក្ខណៈបន្សាំបានជាមួយនឹងទឹកប្រៃ មេឃរាំងស្ងួត បង្ការបានជំងឺផ្សេងៗបានល្អ។ល។ រួចហើយចាប់ផ្តើមបង្កាត់ពូជទៅជាក្រុមពូជ៤ប្រភេទ។
ឆ្លងកាត់បទពិសោធរដូវទាំង ៦ គម្រោងបង្កាត់ពូជស្រូវនេះទទួលបានលទ្ធផលនិងមានឧភាសកម្មនៅក្នុងអង្គសិក្ខាសាលានាថ្ងៃទី ១០ ខែធ្នូកន្លងទៅ ដោយមានអ្នកស្រាវជ្រាវ អ្នកគ្រប់គ្រងនិងកសិករចូលរួម។ លទ្ធផលទទួលបានគឺដើម្បីពង្រីកពូជស្រូវទៅក្នុងសង្គមអោយបានទូលំទូលាយ។
ក្រុមអ្នកស្រាវជ្រាវបានអោយដឹងថា គម្រោងការបានប្រើប្រាស់វិធីសាស្ត្រចម្រុះប្រភេទនៅ F2 និង បណ្តា F ខាងក្រោយទៀត រួចជ្រើសចេញប្រភេទពូជដែលមានគុណភាពតាមវិធីជម្រុះនូវគ្រាប់ពូជអត់គុណភាព។ លទ្ធផលទទួលបានប្រភេទយកជាការគឺ ២៨៨ ចេញពី ១២០០ ប្រភេទខាងដើម។ រយៈពេលប្រមូលផលនៃបណ្តាប្រភេទបានពិនិត្យនៅរដូវទាំងពីគឺមាន ៧៥ ថ្ងៃទៅ ៩៥ ថ្ងៃ ដើមស្រូវកម្ពស់ពី ៥១– ៨៦cm និងមានលទ្ធភាពរស់បានក្នុងលក្ខណៈធម្មជាតិរាំងស្ងួតមាន ៤៤ ប្រភេទ រស់បានក្នុងស្ថានភាពទឹកប្រៃ ៦០ ប្រភេទ បង្ការបានក្រាប្រផេះ និងជំងឺតឿដើម លឿងស្លឹក នេះជាប្រភេទបន្សាំនឹងដីខ្វះជីវជាតិ បង្ការបានជំងឺច្រើនក្នុងស្ថានភាពអាកាសធាតុប្រែប្រួលដូចបច្ចុប្បន្ន។
