កម្មវិធីសិល្បៈលើកទី ១៥ អំណរបុណ្យ Christmas ២០១៨
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 02 មករា 2019
- ចុចដង៖ 476
នៅរាត្រីថ្ងៃទី២០ ខែធ្នូ ឆ្នាំ២០១៨ មហាវិទ្យាល័យភាសាបរទេសបានរៀបចំនូវកម្មវិធីសិល្បៈប្រចាំឆ្នាំ Get Together លើកទី ១៥។ បន្តប្រពៃណីអស់រយៈកាលជាង ១០ឆ្នាំ កម្មវិធី Get Together ជាព្រឹត្តិការណ៍ធំមួយ ប្រមូលផ្តុំធនធានមនុស្សជាច្រើនរបស់មហាវិទ្យាល័យ ដោយមានអតីតនិស្សិត និស្សិតបច្ចុប្បន្ននិងអ្នកឯកទេសមកពីបណ្តាប្រទេសនានា រួមចម្រុះវប្បធម៌ មានច្រៀង រាំក្បាច់សម័យ បង្ហាញម៉ូតយ៉ាងសម្បូរបែប។ល។ ដោយប្រើជាភាសាអង់គ្លេស ចិន បារាំង កូរ៉េក្នុងការសម្តែង។ បណ្តាឈុតសម្តែងនេះមិនត្រឹមតែបង្ហាញលទ្ធភាពភាសាបរទេសរបស់និស្សិតថែមទាំងផ្តល់នូវភាពរីករាយដល់ទស្សនិកជនកៀកជិតនឹងវប្បធម៌នៃបណ្តាប្រទេស។
មានប្រសាសន៍បើកកម្មវិធីសិល្បៈ លោកសាស្ត្រាចារ្យបណ្ឌិត ផាម ទៀត ខាញ់ សាកលវិទ្យាធិការថ្លែងថា៖ នេះជារាត្រីសិល្បៈប្រពៃណី ដែលមានសារប្រយោជន៍របស់មហាវិទ្យាល័យភាសាបរទេស។ វាបង្កើតបានទីលានសិក្សាដោះដូរវប្បធម៌ ពង្រឹងលទ្ធភាពសម្រាប់និស្សិតនិយាយភាសាបរទេស។
បណ្តាឈុតសម្តែងគឺសុទ្ធសឹងតែបានជ្រើសរើសនិងហ្វឹតហាត់ដោយស្ទាត់ជំនាញ។ ជាមួយប្រធានបទ “The road less travelled” ពួកគេមានទឹកចិត្ត លទ្ធភាពច្នៃប្រឌិតខ្ពស់ក្នុងការសម្តែងដូចជាក្បាច់រាំសម័យ សម្លៀកបំពាក់បង្ហញម៉ូត ឬក្លាយជាតួអង្គក្នុងឈុតឆាក់កំប្លែង។ល។ ជាពិសេសអ្នកស្ម័គ្រចិត្តជនជាតិបរទេសមានឈុតច្រៀងជាក្រុមដែលពួកគេប្រើប្រាស់ឧបករណ៍តន្ត្រីកែច្នៃទាំងអស់។
រាត្រីសិល្បៈជាប្រពៃណីវប្បធម៌របស់មហាវិទ្យាល័យភាសាបរទេស មាននិស្សិត អតីតនិស្សិត និងអ្នកស្ម័គ្រចិត្តមកពីបណ្តាប្រទេស អាមេរិក បារាំង កូរ៉េ ចិន ដែលកំពុងបំពេញការងារនៅសាកលវិទ្យាល័យត្រាវិញ។
អស់រយៈពេលពីរម៉ោងកន្លងផុតទៅ មានឈុតសម្តែង ១៥ បាននាំមកឱកាសសប្បាយរីករាយដល់ទស្សនិកជនទាំងឡាយ។ ឈុតសម្តែង mash up “ Do you want to build a snowman?-Let it go – Feliz Navidad ” បានបន្សល់ទុកនូវស្នាមញញឹមស្វាគមន៍បុណ្យ Christmas 2018។