វេទិកាសំណេះសំណាលរវាងថ្នាក់ដឹកនាំសាកលវិទ្យាល័យជាមួយនឹងនិស្សិត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 28 ធ្នូ 2018
- ចុចដង៖ 532
(TVU) – នៅថ្ងៃទី ២៥ ខែធ្នូ ឆ្នាំ២០១៨ និស្សិតជាង ៧០០នាក់ជាប្រធានថ្នាក់តំណាងអោយនិស្សិតជាង ២០ ម៉ឺននាក់កំពុងសិក្សានៅសាកលវិទ្យាល័យត្រាវិញ។ ពួកគេបានចូលរួមវេទិកាសំណេះសំណាលជាមួយថ្នាក់ដឹមនាំសាកលវិទ្យាល័យដែលរៀបចំឡើងនៅមហាសាលសហសិក្សា D5។
សាស្ត្រាចារ្យ បណ្ឌិត ផាម ទៀត ខាញ់ សាកលវិទ្យាធិការនៃសាកលវិទ្យាល័យត្រាវិញព្រមទាំងប្រធាន អនុប្រធានតំណាងអោយអង្គភាពទាំង ៤០ ចំណុះសាលាបានចូលរួមនិងឆ្លើយសំណួររបស់និស្សិត។
មានសំណួរជាង ៧០ ត្រូវបានលើកឡើងនៅក្នុងអង្គវេទិកានេះ។ ជាពិសេសនិស្សិតបានចាប់អារម្មណ៍ទៅលើសម្ភារៈឧបទេសសិក្សា តម្លៃសិក្សា អាហារូបករណ៍សម្រាប់និស្សិត កាលវិភាគសិក្សា ស្រាវជ្រាវវិទ្យាសាស្ត្រ សហគ្រិនភាព បើកអាជីវកម្ម និងឱកាសការងារសម្រាប់និស្សិតបញ្ចប់ការសិក្សា។ល។
ក្នុងបរិការណ៍នេះ សាកលវិទ្យាធិការអោយដឹងបន្ថែមថា ការបង់ថ្លៃសិក្សាគឺសាកលវិទ្យាល័យត្រាវិញបានត្រួតពិនិត្យទៅលើកត្តានៃស្ថានភាពសេដ្ឋកិច្ចសង្គមរបស់ប្រជាជននៅមូលដ្ឋានដែលមានប្រាក់ចំណូលទាប។ ក្រៅពីការអនុវត្តតាមអត្រាតម្លៃដែលបានកំណត់ សាកលវិទ្យាល័យនឹងកសាងកម្រិតតម្លៃសិក្សា គឺធ្វើយ៉ាងណាអោយតម្លៃសិក្សាទាបសមស្រប អ្នកសិក្សាអាចមានលទ្ធភាពសិក្សានិងអភិវឌ្ឍបាន។ សកម្មភាពទាំងឡាយរបស់សាកលវិទ្យាល័យគឺផ្តោតសម្រាប់សិស្សនិងនិស្សិតជាចម្បង គឺសិស្សនិស្សិតដែលស្ថិតក្នុងស្ថានភាពខ្វះខាត់លំបាក់។
មានមតិយោបល់របស់និស្សិតជាច្រើនគឺផ្តោតសំខាន់ទៅលើស្ថានភាពបន្ទប់សិក្សា បន្ទប់ពិសោធន៍ សេវាកម្មដែលពាក់ព័ន្ធផ្សេងៗដូចជាអន្តេវាសិកដ្ឋាន សហករណ៍ សហគ្រិនភាព គំនិតបើកអាជីវកម្មជាដើមក៏បានអ្នកតំណាងផ្តល់តម្រុយពិស្តារសម្រាប់ការពិចារណាផងដែរ។
