សម្ពោធមន្ទីរពេទ្យសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 29 មករា 2019
- ចុចដង៖ 647
(TVU) - នាព្រឹកថ្ងៃទី ២៧ ខែមករាឆ្នាំ ២០១៩ មន្ទីរពេទ្យសាកលវិទ្យាល័យត្រាវិញត្រូវបានសម្ពោធនិងដាក់ឱ្យដំណើរការជាផ្លូវការដោយផ្តល់នូវសេវាថែទាំសុខភាពប្រកបដោយគុណភាពសម្រាប់ប្រជាជន។
ពិធីសម្ពោធនេះ មានកិត្តិយសសាទរវត្តមានលោក សាស្ត្រាចារ្យ បណ្ឌិត ង្វៀន ធៀន ញ៉ឹន សមាជិកការិយាល័យនយោបាយ និងជាលេខានៃគណៈកម្មាធិការបក្សទីក្រុងហូជីមិញ លោកត្រឹនទ្រីយុងសមាជិកគណៈប្រតិបត្តិការមជ្ឈិម និងជាលេខានៃគណៈកម្មាធិការបក្សខេត្តត្រាវិញ ព្រមទាំងថ្នាក់ដឹកនាំមន្ទីរ នាយកដ្ឋានបានចូលរួមនិងកាត់ខ្សែបូ។
មន្ទីរពេទ្យសាកលវិទ្យាល័យត្រាវិញត្រូវបានបង្កើតឡើងក្នុងក្របខ័ណ្ឌគម្រោងស្ថាបនាមហាវិទ្យាល័យវេជ្ជសាស្ត្រនិងឱសថនៃសាកលវិទ្យាល័យត្រាវិញដែលផ្តល់នូវសេវាផ្សេងៗនិងការថែទាំសុខភាពដល់ប្រជាជន។ នៅដើមឆ្នាំ ២០១៩ មន្ទីរសុខាភិបាលខេត្តត្រាវិញបានធ្វើការវាយតំលៃនិងយល់ព្រមផ្តល់ការអនុញ្ញាតិឱ្យមន្ទីរពេទ្យដំណើរការជាផ្លូវការ។
មន្ទីរពេទ្យសាកលវិទ្យាល័យត្រាវិញមានទំហំ ៥០ គ្រែរួមមានការិយាល័យឯកទេស ០៥ ផ្នែកជំនាញព្យាបាលនិងបង្ការព្យាបាល ០៦ ធនធានវេជ្ជបណ្ឌិតនិងបុគ្គលិជាង ១២៨ នាក់រួមទាំងវេជ្ជបណ្ឌិតជំនាញទី១ ទី២ ឱសថការី គិលានុបដ្ឋាយិកា អ្នកថែទាំជំងឺ ឆ្មប អ្នកបច្ចេកទេសនានាមានកិត្យានុភាពមកពីទីក្រុងហូជីមិញ។
សាស្ត្រាចារ្យ បណ្ឌិត ផាម ទៀត ខាញ់ សាកលវិទ្យាធិការនៃសាកលវិទ្យាល័យត្រាវិញ បានថ្លែងថាមន្ទីរពេទ្យសាកលវិទ្យាល័យត្រាវិញប្រតិដ្ឋានឡើងជាកត្តាមួយចាំបាច់ដើម្បីធានាគុណភាពអនុវត្តសម្រាប់និស្សិតក្នុងវិស័យវេជ្ជសាស្ត្រ-ឱសថនៃសាកលវិទ្យាល័យត្រាវិញសម្រាប់កិច្ចការព្យាបាលតាមតម្រូវការរបស់អ្នកជំងឺនៅក្នុងខេត្ត។
ទន្ទឹមនឹងនោះ ប្រការនេះក៏ជាឱកាសមួយដើម្បីអនុវត្តបទពិសោធយ៉ាងងាយស្រួលនិងយូរអង្វែងសម្រាប់សាស្ត្រាចារ្យ សិស្សនិងនិស្សិតក្នុងវិស័យវេជ្ជសាស្ត្រនិងឱសថក្នុងការបណ្តុះបណ្តាលនៅសាកលវិទ្យាល័យត្រាវិញ។
សាស្រ្តាចារ្យបណ្ឌិត ផាម ទៀត ខាញ់ មានទំនុកចិត្តថា ថ្នាក់ដឹកនាំនៃមន្ទីរពេទ្យនឹងជំរុញអនុវត្តលឿនមានស្ថេរភាពនិងត្រៀមខ្លួនបានល្អក្នុងដំណាក់កាលនីមួយៗដើម្បីត្រៀមលក្ខណៈសម្បត្តិក្នុងការពិនិត្យនិងព្យាបាលជំងឺនៅអង្គភាព។ សិក្សាបទពិសោធន៍យ៉ាងសកម្មពីអង្គភាពដែលជាសហសេវិកនៅក្នុងនិងក្រៅខេត្ត។ ម្យ៉ាងវិញទៀតផ្សារភ្ជាប់យ៉ាងជិតស្និទ្ធ រវាងសកម្មភាពបណ្តុះបណ្តាលជាមួយការិយាល័យពហុព្យាបាល និងមន្ទីរពេទ្យ ធានាអន្តរទំនាក់ទំនងរវាង «ការបង្រៀន- អនុវត្តន៍- ការស្រាវជ្រាវនិងក្រមសីលគ្រូពេទ្យ»ទាំងអស់នោះគឺជាគោលដៅដ៏សំខាន់បំផុតដែលសាកលវិទ្យាល័យរំពឹងថានិស្សិតនឹងទទួលបានបន្ទាប់ពីបញ្ចប់ការសិក្សា។
អញ្ជើញចូលរួមកាត់ខ្សែបូ លោកង្វៀន ធៀន ញឹន មានសេចក្តីសមនស្សរីករាយចំពោះអភិវឌ្ឍន៍របស់សាកលវិទ្យាល័យត្រាវិញ។ លោកថ្លែងថា នេះជាព្រឹត្តិការណ៍សំខាន់ចំពោះសាស្ត្រាចារ្យនិងសិស្ស-និស្សិតសាកលវិទ្យាល័យត្រាវិញ គឺគូសបញ្ជាក់ថាសាកលវិទ្យាល័យត្រាវិញបានអភិវឌ្ឍតាមទំនោរត្រឹមត្រូវក្នុងការបណ្តុះបណ្តាលធនធានមនុស្សមានគុណភាពសម្រាប់សហគមន៍។
លោកមានទំនុកចិត្តថាមន្ទីរពេទ្យសាកលវិទ្យាល័យត្រាវិញនឹងខិតខំប្រឹងប្រែងយ៉ាងពេញទំហឹងដើម្បីបំពេញសេចក្តីត្រូវការត្រួតពិនិត្យសុខភាពនិងព្យាបាលជំងឺដល់ប្រជាជននៅក្នុងនិងក្រៅខេត្ត ដើម្បីរួមចំណែកដល់ការកាត់បន្ថ័យបន្ទុកនៅក្នុងបណ្តាមន្ទីរពេទ្យ។ ម្យ៉ាងវិញទៀត មន្ទីរពេទ្យក៏ជាទីកន្លែងសម្រាប់ការស្រាវជ្រាវផ្នែកវេជ្ជសាស្ត្រ និងបណ្តុះបណ្តាលបុគ្គលិកសុខាភិបាល ព្រមទាំងជាមូលដ្ឋានពិតប្រាកដនៃសាកលវិទ្យាល័យត្រាវិញ ដែលបង្កលក្ខណៈងាយស្រួលអោយនិស្សិតអនុវត្តនិងលត់ដំបំណិនវិជ្ជាជីវៈជំនាញអាជីព។
ហ្វិញ សាង