សាកលវិទ្យាល័យត្រាវិញ៖ សកម្មភាពលេចធ្លោជាច្រើននៃជំរំយុវជនឆ្នាំ ២០១៩
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 28 មីនា 2019
- ចុចដង៖ 477
រាត្រីថ្ងៃទី ២៣ ខែមីនា ភ្លើងភ្នក់ប្រពៃណីអបអរទិវាបង្កើតសម្ព័ន្ធយុវជនកុម្មុយនិស្តហូជីមិញ (២៦ មីនា ១៩៣១ - ២៦ មីនា ២០១៩) បានឆេះសន្ធោសន្ធៅបំភ្លឺឡើងនៅទីលានធំទូលាយមួយនៅមណ្ឌលទី ១ ដោយមានការចូលរួមយ៉ាងកុះករនៃក្រុមសម្ព័ន្ធយុវជន និងសិស្សនិស្សិតសាកលវិទ្យាល័យត្រាវិញ។ លោក វ៉ ហ្វាង ខាយ សាកលវិទ្យាធិការរងបានអញ្ជើញចូលរួមជាអធិបតី។
ជំរំឆ្នាំនេះបានប្រព្រឹត្តទៅចាប់ពីថ្ងៃទី ២៣ រហូតដល់ថ្ងៃទី២៤ ខែមីនា ជាមួយប្រធានបទ «យុវជនស្ម័គ្រចិត្ត» ដោយមានវិសាលភាពធំចម្រុះរួមមានស្តង់ជំរំតូចៗ ចំនួន ៨៤ ស្តង់តាំងពិព័រណ៍វត្ថុអនុស្សាវរីយ៍ ១ ស្តង់យុវជនធុរកិច្ចថ្មី ១ និងបានទាក់ទាញនូវការចាប់អារម្មណ៍អំពីសំណាក់ក្រុមយុវជន សាស្ត្រាចារ្យ អ្នកស្ម័គ្រចិត្តបរទេសនិងអតីតនិស្សិត។
ចូលរួមក្នុងអង្គ មីទ ទីញ លោក វ៉ ហ្វាង ខាយ សាកលវិទ្យាធិការរងថ្លែងសារជូនពរដល់សម្ព័ន្ធយុវជនកុម្មុយនិស្តហូជីមិញបានឆ្លងកាត់ការរីកចម្រើនអស់រយៈពេល ៨៨ឆ្នាំ។ លោកបានកោតសរសើរនិងទទួលស្គាល់នូវការខិតខំ និងសមិទ្ធផលដែលកម្លាំងកងយុវជនសាកលវិទ្យាល័យត្រាវិញសម្រេចបានក្នុងរយៈពេលកន្លងមក។
លោកអះអាងថា៖ «គណៈកម្មាធិការបក្ស គណៈអភិបាលសាកលវិទ្យាល័យតែងយកចិត្តទុកដាក់និងលើកទឹកចិត្ត ចង្អុលការទាល់ពេលវេលា និងបង្កលក្ខណៈងាយស្រួលដើម្បីអោយយុវជន សិស្ស និស្សិតរីកចម្រើនទាំងកាយសម្បទាចំណេះដឹង និងបំណិនសង្គម។ សម្ព័ន្ធយុវជនបានដាក់ចេញនូវគោលការណ៍និងសកម្មភាពសម្រាប់យុវជន លើកកម្ពស់មនសិការជាតិ សកម្មក្នុងការងារ សិក្សា ស្រាវជ្រាវ ស្ម័គ្រចិត្តដើម្បីសង្គម និងចូលរួមកសាងមជ្ឈដ្ឋានសិក្សាទំនើប មានពណ៌បៃតងស្រស់ថ្លា ជាសាកលវិទ្យាល័យពណ៌បៃតងអភិវឌ្ឍស្ថេរភាព។»
ការបោះជំរំនេះរួមមានសកម្មភាពលេចធ្លោជាច្រើនដូចជា៖ ល្បែងប្រជាប្រិយ បង្ហាញម៉ូតសម្លៀកបំពាក់ថ្មី តាំងវត្ថុអនុស្សាវរីយ៍ ស្តង់ធុរកិច្ចថ្មី ។ល។ ទន្ទឹមនឹងនោះសម្ព័ន្ធយុវជនសាកលវិទ្យាល័យត្រាវិញបានបញ្ចូលសមាជិកថ្មីចំនួន ៦០ នាក់ទៅតាមគោលការណ៍ បទបញ្ញត្តផ្ទៃក្នុងដែលបានកំណត់។
ឱកាសនេះដែរ សាខាបក្សទី ៧ បានប្រគល់អាហារូបករណ៍ពីរចំណែកដល់និស្សិតដែលមានជីវភាពក្រលំបាកប៉ុន្តែឱហាតក្នុងការសិក្សា។