វិទ្យាស្ថានបច្ចេកវិទ្យា Palompon ប្រទេសហ្វីលីពីនក្លាយជាដៃគូយុទ្ធសាស្ត្ររបស់សាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 05 មេសា 2019
- ចុចដង៖ 487
(TVU) – នៅថ្ងៃទី ២៨ ខែមីនា អ្នកស្រី ថាច់ ធី យ៉ឹន សាកលវិទ្យាធិការរងនៃសាកលវិទ្យាល័យត្រាវិញព្រមទាំងគណៈប្រតិភូបានបំពេញទស្សនកិច្ចការងារនិងបានចុះហត្ថលេខាលើអនុស្សរណៈនៃកិច្ចសហប្រតិបត្តិការជាមួយវិទ្យាស្ថាន Palompon នៃប្រទេសហ្វីលីពីន បានបើកចេញកាលានុវត្តអភិវឌ្ឍចីរភាពសម្រាប់សាកលវិទ្យាល័យត្រាវិញ។
គណៈប្រតិភូនៃសាកលវិទ្យាល័យត្រាវិញមានកិច្ចពិភាក្សាការងារជាមួយថ្នាក់ដឹកនាំនិងបុគ្គលិកជំនាញសំខាន់ៗរបស់វិទ្យាស្ថាន Palompon ជុំវិញវិស័យដែលភាគីទាំងពីរមានសក្តានុពល។
ភាគីទាំងពីរបានឯកភាពលើចំណុចមួយចំនួនដូចជា៖ ផ្លាស់ប្តូរ និងសហការស្រាវជ្រាវវិទ្យាសាស្ត្ររវាងគ្រូនិងនិស្សិត ផ្លាស់ប្តូរអ្នកជំនាញ កម្មវិធីវប្បធម៌ និងអភិវឌ្ឍសមភាពយេនឌ័រ។
ជាមួយលទ្ធផលនៃកិច្ចពិភាក្សានោះ ភាគីទាំងពីរបានឯកភាពចុះហត្ថលេខាលើកិច្ចព្រមព្រាងរួមអភិវឌ្ឍចីរភាព។ អ្នកស្រី ថាច់ ធី យ៉ឹន វាយតម្លៃខ្ពស់ចំពោះបដិសណ្ឋារៈរបស់វិទ្យាស្ថាន Palompon បញ្ជាក់នូវការជោគជ័យខាងដើមក្នុងទំនាក់ទំនងល្អនៃអង្គភាពទាំងពីរ។ ឱកាសនេះ សាកលវិទ្យាល័យត្រាវិញក៏បានអញ្ជើញថ្នាក់ដឹកនាំវិទ្យាស្ថាន Palompon មកទស្សនកិច្ចនៅសាកលវិទ្យាល័យត្រាវិញក្នុងពេលឆាប់ៗខាងមុខផងដែរ។
