ចុះហត្ថលេខាលើកិច្ចសហប្រតិបត្តិការរវាងសាកលវិទ្យាល័យត្រាវិញនិងខណ្ឌ Suechou ប្រទេសជប៉ុន
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 28 មេសា 2019
- ចុចដង៖ 456
(TVU) – ថ្ងៃទី ២៥ ខែមេសា ២០១៩ សាកលវិទ្យាល័យត្រាវិញទទួលស្វាគមន៍គណៈប្រតិភូធុរកិច្ចជប៉ុនមកបំពេញការងារនិងចុះហត្ថលេខាលើកិច្ចសហប្រតិបត្តិការជាមួយខណ្ឌ Suechou។ ស្វាគមន៍គណៈប្រតិភូនៅមានលោក ង្វៀន វ៉ាន់ ឃីម នាយករងនៃមន្ទីរពលកម្មយុទ្ធជនពិការនិងសង្គមកិច្ចខេត្តត្រាវិញ។
នេះជាលើកទី ២ ដែលគណៈប្រតិភូធុរកិច្ចជប៉ុនវិលមកត្រាវិញដើម្បីបន្តសហប្រតិបត្តិការ។ លោក វ៉ ហ្វាង ខាយ សាកលវិទ្យាធិការរងនៃសាកលវិទ្យាល័យត្រាវិញចុះហត្ថលេខាលើអនុស្សារណៈជាមួយលោក Hiramatsu Shuichi អភិបាលខណ្ឌ Suechou។
លោក វ៉ ហ្វាង ខាយ ថ្លែងថា៖ «ក្រោយពីទំនាក់ទំនងពិភាក្សា ភាគីទាំងពីរព្រមព្រៀងគ្នាជាឯកច្ឆន្ទចុះហត្ថលេខា។ សាកលវិទ្យាល័យត្រាវិញសង្ឃឹមក្លាយជាស្ពានទំនាក់ទំនងរវាងខណ្ឌ Suechou នឹងអង្គភាពក្នុងខេត្តត្រាវិញ។» លោកអោយដឹងបន្ថែមថា រវាងមួយខែមុននេះ ថ្នាក់ដឹកនាំខេត្តត្រាវិញបានឯកភាពនិងប្រគាល់សាកលវិទ្យាល័យត្រាវិញជាអង្គភាពនាំមុខផ្នែកវិនិយោគទុនជាមួយបរទេស ព្រោះឃើញថាសាកលវិទ្យាល័យត្រាវិញមិនត្រឹមតែជាគ្រឹះស្ថានបណ្តុះបណ្តាល ស្រាវជ្រាវតែប៉ុណ្ណោះ ថែមទាំងមានសក្តានុពលលើវិស័យជំរុញសហប្រតិបត្តិការអន្តរជាតិយ៉ាងទូលំទូលាយ។
លោក Hiramatsu Shuichi និយាយថា កង្វះខាតធនធានមនុស្សជាបញ្ហាមួយសម្រាប់ជប៉ុន ជាពិសេសគឺសេវាថែទាំជំងឺ។ ដោះស្រាយបញ្ហានេះបានគឺជាមូលដ្ឋានក្នុងអភិវឌ្ឍសេដ្ឋកិច្ចរបស់ជប៉ុន។ ឆ្លងតាមសាកលវិទ្យាល័យត្រាវិញ គណៈប្រតិភូជ្រើសរើសបានធនធានមនុស្សមួយចំនួនធំដែរ ទន្ទឹមនឹងនោះក៏បង្កលក្ខណៈ ការងារសម្រាប់និស្សិតក្រោយពីបញ្ចប់ការសិក្សា។ មកដល់ជប៉ុន អ្នកនឹងទទួលបានការបណ្តុះបណ្តាល សិក្សាបទពិសោធ លើកកម្ពស់សមត្ថភាព។ បំណងរបស់លោក Hiramatsu គឺបង្កលក្ខណៈងាយស្រួល បរិយាកាសល្អបំផុតដើម្បីអ្នកស្ងប់អារម្មណ៍ក្នុងការងារនិងសិក្សា។
