និស្សិត TVU រួមដៃសម្អាតបរិស្ថាននិងនិយាយថាកុំមានកាកសំណល់ប្លាស្ទិច
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 24 ឧសភា 2019
- ចុចដង៖ 457
នៅថ្ងៃទី ១៨ ខែឧសភា ឆ្នាំ២០១៩ សាកលវិទ្យាល័យត្រាវិញបានបើកយុទ្ធនាការបំផុសចលនា «និស្សិត TVU រួមដៃសម្អាតបរិស្ថាននិងនិយាយថាកុំមានកាកសំណល់ប្លាស្ទិច»ដើម្បីផ្សព្វផ្សាយដល់និស្សិតអោយមានមនសិការរក្សាអនាម័យ បរិស្ថាន និងនិស្សិតម្នាក់ៗព្រួតដៃកសាងបរិស្ថានសាកលវិទ្យាល័យបៃតងប្រកបដោយនិរន្តភាព។
មានប្រសាសន៍ក្នុងកម្មវិធីបើកយុទ្ធនាការ អ្នកស្រី ត្រឹង ធី គុក ប្រធានការិយាល័យគ្រប់គ្រងនិស្សិតថ្លែងថា៖ រួមជាមួយសាស្ត្រាចារ្យ និងការគាំទ្រពីសំណាក់និស្សិតទាំងឡាយ សាកលវិទ្យាល័យត្រាវិញនឹងទទួលបានលិខិតបញ្ជាក់ជាសាកលវិទ្យាល័យអភិវឌ្ឍស្ថេរភាព និងជាប់ចំណាត់ថ្នាក់ UI Greenmetric Worl University Rankings ឆ្នាំ ២០១៨។ នេះជាមោទកភាព និងការលើកទឹកចិត្តសម្រាប់សាកលវិទ្យាល័យយើង អោយបន្តរីកចំរើនទៅមុខ។ ពួកយើងរួមដៃប្រើប្រាស់សម្ភារៈនិងវត្ថុធាតុដើមកុំប៉ះពាល់ដល់បរិស្ថានជំនួសប្លាស្ទិចនិងថែរក្សាបរិស្ថានអោយបានស្អាត។
ក្រោយពីប្រកាសយុទ្ធនាការ សាស្ត្រាចារ្យនិងនិស្សិតទាំងឡាយបានបន្លែកជាក្រុមតូចៗ និងចូលរួមសម្អាតគ្រប់ទីធ្លា ជុំវិញអន្តេវាសិកដ្ឋាន អគាររដ្ឋបាល អគារសិក្សា និងបណ្ណាល័យ។ល។
និស្សិត គៀន សួស្តី សិក្សាឆ្នាំ៣ បានរីករាយនិយាយថា៖ ទោះជាអាកាសធាតុថ្ងៃនេះក្តៅស្អុះស្អាប់ ប៉ុន្តែខ្ញុំមានអារម្មណ៍សប្បាយព្រោះបានរួមដៃបោសសម្អាតបរិស្ថាន-ទីដែលយើងខ្ញុំកំពុងសិក្សាស្រាវជ្រាវ ហើយទីនេះក៏ដូចជាផ្ទះទី ២ អ៊ីចឹង។ ខ្ញុំមានទំនុកចិត្តថាមិនត្រឹមតែព្រឹកថ្ងៃនេះ ជាពិសេសជារៀងរាល់ថ្ងៃ រាល់ម៉ោង យើងទាំងឡាយមានសកម្មភាពជាក់ស្តែងគឺចេះរក្សាបរិស្ថាន កុំចោលសំរាម បង្កើតបានបរិយាកាសស្រស់ថ្លាសម្រាប់យើងនិងមនុស្សផងគ្នាទាំងឡាយ។