និស្សិតសាកលវិទ្យាល័យត្រាវិញពីរនាក់ជាប់ពានរង្វាន់អូឡាំបិកមេកានិកជាតិឆ្នាំ២០១៩
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 25 ឧសភា 2019
- ចុចដង៖ 524
TVU – ថ្ងៃទី ១៩ ខែឧសភា នៅសាកលវិទ្យាល័យស្ថាបត្យកម្មទីក្រុងហូជីមិញ ពិធីប្រគល់រង្វាន់ពានអូឡាំបិកមេកានិកជាតិលើកទី ៣១ នាឆ្នាំ២០១៩ តំបន់ភាគខាងត្បូង មានបេក្ខជនចូលរួមប្រកួតចំនួនជាង ៥០០នាក់។ និស្សិតសាកលវិទ្យាល័យត្រាវិញពីរនាក់បានជាប់រង្វាន់លើកទឹកចិត្តនៅឆ្នាំនេះ។
ការប្រឡងនេះត្រូវបានប្រារព្ធធ្វើឡើងក្នុងពេលតែមួយនៅភាគខាងជើង ភាគកណ្តាល និងភាគខាងត្បូងដែលរៀបចំឡើងនៅថ្ងៃទី ២១ ខែមេសា ដោយទាក់ទាញបេក្ខជននៃបណ្តាសាកលវិទ្យាល័យ វិទ្យាស្ថាននានាដើម្បីចូលរួមប្រកួតប្រជែង។
នៅឆ្នាំនេះបេក្ខជនបន្តចូលរួមប្រឡងក្នុងមុខវិជ្ជា ៧ តាមប្រពៃណីគឺវិញ្ញាសាទ្រឹស្តីរួមមាន៖ មេកានិកចលនការ មេកានិករចនាសម្ព័ន្ធ មេកានិកដី គ្រឿងបន្លាស់ម៉ាស៊ីន ភាពរឹងមាំនៃសម្ភារៈ ថាមពលជាតិរាវ គោលការណ៍នៃម៉ាស៊ីន។ ដោយឡែកវិញ្ញាសា ៥ទៀត គឺអនុវត្តបច្ចេកវិទ្យាក្នុងមេកានិកលើប្រព័ន្ធកុំព្យូទ័រ។
សាស្ត្រាចារ្យ ឌាំង ហ្វាង វូ គ្រូ បង្វឹកផ្ទាល់បានអោយដឹងថា៖ ចូលរួមការប្រឡងអូឡាំបិកមេកានិកជាតិលើកទី ៣១ ឆ្នាំនេះ ក្រុមការងារនៃសាកលវិទ្យាល័យត្រាវិញមាននិស្សិតចំនួន ១១នាក់ចូលរួមប្រឡងទាំងពីរផ្នែកទ្រឹស្តីនិងអនុវត្ត។ លទ្ធផលបេក្ខជន ត្រឹង សឺន ឡាំ (និស្សិតជំនាញវិស្វកម្មសាងសង់ឆ្នាំទី ៣) និង ផាន ហុង ឌឹក (និស្សិតជំនាញមេកានិកកែច្នៃម៉ាស៊ីនឆ្នាំទី ៤)ទទួលបានរង្វាន់លើកទឹកចិត្ត និងប័ណ្ណសរសើរពីសមាគមមេកានិកវៀតណាម។
