កិច្ចពិភាក្សាវិទ្យាសាស្ត្រស្តីពីការអភិរក្សនិងលើកកម្ពស់គុណតម្លៃវប្បធម៌តន្រ្តីប្រជាប្រិយខ្មែរណាមបូ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 24 សីហា 2019
- ចុចដង៖ 583
នាព្រឹកថ្ងៃទី ២០ ខែសីហា អ្នកស្រី ថាច់ ធី យ៉ឹន សាកលវិទ្យាធិការរង បានចូលរួមអង្គប្រជុំ និងជាអធិបតីនៃកិច្ចពិភាក្សាវិទ្យាសាស្ត្រស្តីពីការអភិរក្សនិងលើកកម្ពស់គុណតម្លៃវប្បធម៌តន្ត្រីប្រជាប្រិយខ្មែរណាមបូប្រព្រឹត្តឡើងនៅទីក្រុងកឹងធើ។
កម្មវិធីពិភាក្សានេះគឺស្ថិតក្នុងក្របខ័ណ្ឌនៃគម្រោងស្រាវជ្រាវថ្នាក់ក្រសួងអំពីការអភិរក្សនិងលើកកម្ពស់គុណតម្លៃវប្បធម៌តន្ត្រីប្រជាប្រិយខ្មែរណាមបូនៃសាកលវិទ្យាល័យត្រាវិញ។ គម្រោងនេះដឹកនាំដោយសាស្ត្រាចារ្យ បណ្ឌិត ផាម ទៀត ខាញ់ សាកលវិទ្យាធិការនៃសាកលវិទ្យាល័យត្រាវិញព្រមទាំងសមាជិករួមអនុវត្ត។
អ្នកស្រី ថាច់ ធី យ៉ឹន ឱ្យដឹងថា៖ គម្រោងស្រាវជ្រាវនេះត្រូវបានក្រសួងអប់រំនិងបណ្តុះបណ្តាលប្រគល់ឱ្យសាកលវិទ្យាល័យត្រាវិញអនុវត្តទាំងពីរចុងឆ្នាំ២០១៧ និងរំពឹងទុកសម្រេចជាស្ថាពរនៅខែតុលាឆ្នាំ ២០១៩។
ក្រុមស្រាវជ្រាវបានធ្វើការស្ទង់មតិ និងចុះមូលដ្ឋាននៅតំបន់ណាមបូ និងប្រទេសកម្ពុជា។ រហូតមកដល់ពេលនេះក្រុមស្រាវជ្រាវកំពុងសំយោគ វិភាគទិន្នន័យនិងរៀបចំរបាយការណ៍សម្រេចជាស្ថាពរ។
ផ្អែកលើទិន្នន័យដែលប្រមូលបានសាលាបានរៀបចំសិក្ខាសាលាចំនួន ៣ លើក គឺធ្វើសិក្ខាសាលាដើម្បីស្តាប់អ្នកជំនាញ សិល្បករ អ្នកវិទ្យាសាស្ត្រផ្លាស់ប្តូរគំនិតនិងកែសម្រួលដើម្បីទទួលបានលទ្ធផលទៅតាមគោលបំណងនៃប្រធានបទ។ ជាមួយគ្នានេះសាលាបានបើកថ្នាក់បង្រៀនប្រភេទតន្ត្រីប្រជាប្រិយខ្មែរដែលកំពុងសិក្សានិងមានសិស្សចំនួន ៣០ នាក់នៅបណ្តាខេត្តណាមបូ។
កិច្ចពិភាក្សានៅទីក្រុងកឹងធើមានអ្នកតំណាងចូលរួមជាង ២០ នាក់ជាសិប្បករ សិល្បករ អ្នកវិទ្យាសាស្ត្រ អ្នកស្រាវជ្រាវនៅតំបន់វាលរាបទន្លេគឺវឡុង អញ្ជើញចូលរួម និងមានមតិស្ថាបនាកសាងកម្មវិធីកំណែទំរង់ ស្តារនីតិសម្បទានៃប្រធានបទសម្រាប់សិក្ខាសាលាបន្ទាប់បានធ្វើឡើងនៅចុងខែសីហាឆ្នាំ ២០១៩ នៅសាកលវិទ្យាល័យត្រាវិញ។
អ្នកស្រី ថាច់ ធី យ៉ឹន បានវាយតម្លៃខ្ពស់ចំពោះមតិរបស់អ្នកតំណាងចូលរួមក្នុងសិក្ខាសាលា ផ្តោតទៅលើខ្លឹមសារនៃតន្រ្តី ភាសាតន្ត្រី សូរស័ព្ទទាក់ទងនឹងការបង្កើតសេណារីយ៉ូ(Scenario) ឡើងវិញសម្រាប់គម្រោង។ ជាមួយគ្នានេះ អ្នកស្រីបានស្នើឱ្យក្រុមការងារស្រាវជ្រាវត្រូវទទួលស្គាល់និងបំពេញបន្ថែមនូវមតិយោបល់របស់អ្នកជំនាញ បំពេញសេណារីយ៉ូសម្រាប់ការស្តារឡើងវិញនូវតន្រ្តី ៣ ប្រភេទដែលបានធ្វើឡើងនៅថ្ងៃទី ២៩ ខែសីហាឆ្នាំ ២០១៩ នៅសាកលវិទ្យាល័យ។