សាកលវិទ្យាល័យត្រាវិញចូលរួមវេទិកាសហប្រតិបត្តិការធុរកិច្ចមេគង្គ-ជប៉ុនឆ្នាំ២០១៩
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 09 ធ្នូ 2019
- ចុចដង៖ 577
(TVU) – ថ្ងៃទី៣០ ខែវិច្ឆិកា ឆ្នាំ២០១៩ លោកបណ្ឌិត ង្វៀន មិញ ហ្វា សាកលវិទ្យាធិការរងនៃសាកលវិទ្យាល័យត្រាវិញបានចូលរួមវេទិកាសហប្រតិបត្តិការធុរកិច្ចមេគង្គ-ជប៉ុនឆ្នាំ២០១៩ដោយសភាពាណិជ្ជកម្មនិងឧស្សាហកម្មវៀតណាម(VCCI)នៅទីក្រុងកើងធើចាត់តាំងឡើង។
វេទិកាសហប្រតិបត្តិការធុរកិច្ចមេគង្គ - ជប៉ុនឆ្នាំ ២០១៩ នឹងមានការចូលរួមពីអគ្គកុងស៊ុលជប៉ុនប្រចាំនៅទីក្រុងហូជីមិញ ថ្នាក់ដឹកនាំខេត្តនៅតំបន់វាលរាបទន្លេគឺវឡុងសាកលវិទ្យាល័យនានាក្នុងតំបន់ ព្រមទាំងក្រុមហ៊ុន សហគ្រាស អ្នកអាជីវកម្មរបស់ជប៉ុននិងវៀតណាមជិត ៥០០អង្គភាព។
មានប្រសាសន៍បើក លោក វូ ទៀន ឡុក ប្រធាននៃ VCCI បានគូសបញ្ជាក់ថា៖ ខឿនសេដ្ឋកិច្ចឆ្លាតវៃសម្របនឹងធម្មជាតិគឺជាទំនោរអភិវឌ្ឍពាណិជ្ជកម្មថ្មីសម្រាប់តំបន់ ការអភិវឌ្ឍប្រកបដោយនិរន្តភាពនៃតំបន់វាលរាបទន្លេគឺវឡុងគឺជាអភិវឌ្ឍនិរន្តភាពសម្រាប់ទូទាំងប្រទេស។ វត្ថុបំណងនៃវេទិកាគឺជំរុញសហប្រតិបត្តិការពាណិជ្ជកម្មនិងវិនិយោគក្នុងវិស័យកសិកម្ម ឧស្សាហកម្ម ទេសចរណ៍ និងធនធានមនុស្ស។
នៅវេទិកា តំណាងសហគ្រាសជប៉ុននិងវៀតណាមរួមពិភាក្សាដោះដូរ ស្វែងយល់អំពីសក្តានុពលភាព កាលានុវត្ត វិនិយោគនៅកើងធើ និងបណ្តាខេត្តនៅតំបន់វាលរាបទន្លេគឺវឡុង។ សាកលវិទ្យាល័យនានាក៏ស្វែងរកឱកាសផ្សារភ្ជាប់លើវិស័យបណ្តុះបណ្តាលធនធានមនុស្ស ដំណោះស្រាយការងារសម្រាប់ពលកម្មដែលមានទេពកោសល្យវិជ្ជាជីវៈ។
លោកបណ្ឌិត ង្វៀន មិញ ហ្វា សាកលវិទ្យាធិការនៃសាកលវិទ្យាល័យត្រាវិញថ្លែងឱ្យដឹងថា៖ ក្នុងដំណើរទស្សនកិច្ចនេះ សាកលវិទ្យាល័យត្រាវិញបានបើកចេញនូវចំណងសហប្រតិបត្តិការជាមួយដៃគូរជប៉ុន។ ជាពិសេសរឹតចំណងថែមទៀតនូវដៃគូរមានសក្កានុពលក្នុងដំណោះស្រាយការងារសម្រាប់និស្សិត ជំរុញបណ្តុះបណ្តាលនិងផ្គត់ផ្គង់ធនធានមនុស្សមានគុណភាពសម្រាប់សង្គមជាតិ។