សិស្សវិទ្យាល័យរីករាយមកទស្សនានៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 06 មិថុនា 2020
- ចុចដង៖ 495
(TVU)“ខ្ញុំនិងមិត្តភក្តិមានអារម្មណ៍កក់ក្តៅយ៉ាងខ្លាំងចំពោះការស្វាគមន៍ដ៏ស្និទ្ធស្នាលរបស់លោកគ្រូអ្នកគ្រូព្រមទាំងនិស្សិតទាំងឡាយនៃសាកលវិទ្យាល័យត្រាវិញ។ នៅទីនេះ លោកគ្រូអ្នកគ្រូរួសរាយសំណេះសំណាលរាក់ទាក់ បានឆ្លើយបំភ្លឺរាល់សំណួរដែលពាក់ព័ន្ធអំពីបែបបទជ្រើសរើសនិស្សិត មុខជំនាញ និងទិសដៅអាជីពនៅថ្ងៃអនាគត។” នេះគឺជាអារម្មណ៍របស់ប្អូន ង្វៀន បៅងី សិស្សសាលាមកពីវិទ្យាល័យវីទ្វី (ខេត្តហូវយ៉ាង)បន្ទាប់ពីប្អូនបានមកទស្សនាសិក្សានៅសាកលវិទ្យាល័យត្រាវិញ។
នៅសាកលវិទ្យាល័យត្រាវិញ សិស្សានុសិស្សទាំងឡាយ មានពេលពេញមួយថ្ងៃដើម្បីទស្សនានិងស្វែងយល់នៅប្រព័ន្ធសិក្សាក្នុងប្រទេសនិងអន្តរជាតិក៏ដូចជាសកម្មភាពអាទិភាពសម្រាប់និស្សិត។ ទន្ទឹមនឹងនោះ ប្អូនៗទាំងឡាយបានទៅទស្សនានៅរាល់អគារសិក្សា អន្តេវាសិកដ្ឋាន បន្ទប់ពិសោធន៍ដ៏ធំទូលាយ មជ្ឈមណ្ឌលសិក្សាទំនើប និងបរិស្ថានបៃតងគួរឱ្យចាប់អារម្មណ៍។
នៅមហាវិទ្យាល័យវិស្វកម្មនិងបច្ចេកវិទ្យា និស្សិតទស្សនាឃើញនូវសម្ភារៈឧបទ្ទេសទំនើប ៗ ដែលសម្ភារៈទាំងនោះជំនួយដល់មុខជំនាញបណ្តុះបណ្តាលលើផ្នែកវិស្វកម្មនិងបច្ចេកវិទ្យា។
ទន្ទឹមគ្នានេះដែរ នៅបន្ទប់អនុវត្តផ្នែកវេជ្ជសាស្ត្រ និងផ្នែកកែសម្ផស្ស(ធ្មេញ ថ្គាម មុខ) ប្អូនៗបានឃើញច្បាស់នូវសម្ភារៈទំនើប ប្រព័ន្ធសិក្សា គំរូសំណាកពិសោធជាក់ស្តែងក្រោមការណែនាំរបស់អ្នកឯកទេស។
ប្រញាប់ទៅថតរូប Selfie ជាមួយមិត្តភក្តិ ប្អូនង្វៀន ឃ្វកវៀត ជាសិស្សវិទ្យាល័យ ឡេ ហ្វាយដូន(ខេត្ត បេនត្រែ) ឱ្យដឹងថា៖ “ខ្ញុំមិនទាន់មានឱកាសស្វែងយល់អំពីសាកលវិទ្យាល័យត្រាវិញពីមុនមកទេ។ ប៉ុន្តែថ្ងៃនេះខ្ញុំមានសំណាងណាស់ដែលបានមកសិក្សាផ្ទាល់។ ថ្ងៃនេះ ខ្ញុំពិតជាមានការចាប់អារម្មណ៍ខ្លាំងពីព្រោះបងៗនិស្សិតនៅទីនេះមានភាពសកម្មនិងរួសរាយរាក់ទាក់។ យើងខ្ញុំថែមទាំងបានលេងល្បែងនិងសំណេះសំណាលជាមួយពួកគាត់នៅមហាវិទ្យាល័យកសិកម្ម ជលវប្បកម្ម ហើយទីនេះមានបរិវេនធំទូលាយនិងមានខ្យល់អាកាសល្អ ទៅកន្លែងណាក៏អ្នកអាចថតរូបស្អាតនិងគួរអោយចាប់អារម្មណ៍។”
លោក ដូន វ៉ាន់ ផុង គ្រូបង្រៀននៃវិទ្យាល័យ ឡេ ហ្វាយដូន មានប្រសាសន៍ថា៖ ខ្ញុំចាប់អារម្មណ៍យ៉ាងខ្លាំងចំពោះភាពស្និទ្ធស្នាល និងការយកចិត្តទុកដាក់របស់ថ្នាក់ដឹកនាំចំពោះសិស្សានុសិស្សនៅវិទ្យាល័យ។ ខ្ញុំសង្កេតឃើញថា មានប្អូនៗជាច្រើនបានបង្ហាញពីចេតនានិងបំណងជ្រើសរើសសាកលវិទ្យាល័យត្រាវិញដើម្បីបន្តការសិក្សា។