សិក្ខាសាលា៖ បទពិសោធន៍ជំរុញផ្តើមអាជីវកម្មសម្រាប់និស្សិត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 11 កក្កដា 2020
- ចុចដង៖ 489
(TVU) – ធ្វើយ៉ាងណាដើម្បីនិស្សិតមានគំនិតផ្តើមអាជីវកម្មដែលកំពុងនៅសិក្សា? គោលនយោបាយណាជួយដល់និស្សិតបង្កើតអាជីវកម្ម? សាកលវិទ្យាល័យនានាត្រូវធ្វើយ៉ាងណាដើម្បីជំរុញ ឧបត្ថម្ភនិស្សិតបង្កើតអាជីវកម្ម?។ល។ នេះជាបញ្ហាដែលបានលើកឡើងនៅអង្គសិក្ខាសាលាដែលមានប្រធានបទ«បទពិសោធជំរុញនិស្សិតផ្តើមអាជីវកម្មសម្រាប់សាកលវិទ្យាល័យនៅតំបន់វាលរាបទន្លេគឺវឡុង» បានរៀបចំឡើងនាដើមខែកក្កដាឆ្នាំ២០២០នៅសាកលវិទ្យាល័យត្រាវិញ។
សិក្ខាសាលាក្នុងគោលបំណងបង្កើតប្រព័ន្ធចែករំឡែកបទពិសោធក្នុងការឧបត្ថម្ភផ្តើមអាជីវកម្ម។ ម្យ៉ាងវិញទៀតនោះក៏ជាវេទិកាសម្រាប់សួនថ្នាលពន្លកនៃបណ្តាសាកលវិទ្យាល័យ ដើម្បីចែករំឡែកនូវគំរូផ្តើមអាជីវកម្មតាមទិសដៅនៃគម្រោង ១៦៦៥ «ជំនួយសិស្ស-និស្សិតផ្តើមអាជីវកម្មដល់ឆ្នាំ ២០២៥»។
ការដែលឆាប់បង្កើតមាន «ប្រព័ន្ធមជ្ឈដ្ឋានអាជីវកម្ម» និងសកម្មភាពជំរុញស្មារតីផ្តើមអាជីវកម្មរបស់និស្សិត បំពាក់បំប៉នចំណេះដឹង បំណិនអំពីផ្តើមអាជីវកម្មសម្រាប់និស្សិតគឺជាវិធានការមួយលើកកម្ពស់គុណភាពបណ្តុះបណ្តាល និងបង្កលក្ខណៈងាយស្រួលសម្រាប់និស្សិតពេលចេញសាលាអាចបង្កើតអាជីវកម្មដោយខ្លួនឯង រួមចំណែកអភិវឌ្ឍគំនិតក្លាយជាម្ចាស់គម្រោងអនុវត្តបានក្នុងសង្គម។
សិក្ខាសាលាបានប្រមូលផ្តុំនូវគំនិតថ្មីដែលមានគម្រោងជុំវិញបញ្ហា៖ គំរូឧបត្ថម្ភនិស្សិតបង្កើតអាជីវកម្ម; ក្លឹបបង្កើតអាជីវកម្ម; សកម្មភាពផ្សព្វផ្សាយអំពីបង្កើតអាជីវកម្ម; កិច្ចការបណ្តុះបណ្តាលចំណេះ បំណិនបង្កើតអាជីវកម្ម; គំរូអាជីវកម្មពិសោធន៍; យន្ដការនិងគោលនយោបាយដើម្បីគាំទ្រដល់និស្សិតបង្កើតអាជីវកម្ម មូលនិធិសម្រាប់គាំទ្រដល់និស្សិតដែលទើបនឹងចាប់ផ្តើមអាជីវកម្ម; ដំណោះស្រាយសម្រាប់ការធ្វើពាណិជ្ជកម្មលើផលិតផលស្រាវជ្រាវវិទ្យាសាស្ត្រ; កន្លែងធ្វើការរួមសហប្រតិបតិ្តការអាជីវកម្ម; សហករណ៍និស្សិត។ល។
លោកបណ្ឌិត ង្វៀន មីញ ហ្វា សាកលវិទ្យាធិការរងនៃសាកលវិទ្យាល័យត្រាវិញមានប្រសាសន៍ថា៖ បដិវត្តន៍ឧស្សហកម្ម ៤.0 ជះឥទ្ធិពលដល់សកម្មភាពបណ្តុះបណ្តាល ក្នុងស្ថានការនោះដើម្បីអនុវត្តអាជីវកម្មនវានុវត្តសម្រាប់សិស្ស-និស្សិត ដំបូងបង្អស់ត្រូវជំរុញការផ្សព្វផ្សាយអំពីបង្កើតអាជីវកម្ម។ សាកលវិទ្យាល័យត្រាវិញអាចជាភាគមួយនៃ «ប្រព័ន្ធមជ្ឈដ្ឋានបង្កើតអាជីវកម្ម» ជាថ្នាលពន្លកទេកោសល្យផ្តើមអាជីវកម្ម។ ជាក់ស្តែងឃើញថា មាននិស្សិតជាច្រើនបានបណ្តុះបណ្តាលនៅសាកលវិទ្យាល័យត្រាវិញបានផ្តើមអាជីវកម្មជោគជ័យនិងក្លាយជាអាជីវករវ័យក្មេងនៅគ្រប់វិស័យ។
