បណ្តុះបណ្តាលភាសាខ្មែរសម្រាប់មន្ត្រីខេត្តអានយ៉ាង
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 28 កក្កដា 2020
- ចុចដង៖ 454
(TVU) – ថ្ងៃទី ០៩ ខែកក្កដា សាកលវិទ្យាធិការរង ថាច់ ធី យ៉ឹន មានកិច្ចជំនួបបដិសណ្ឋារកិច្ចជាមួយក្រុមការងាររបស់គណៈជនជាតិខេត្តអានយ៉ាងដើម្បីពិភាក្សានិងឈានដល់កិច្ចព្រមព្រៀងបើកវគ្គបណ្តុះបណ្តាលភាសាខ្មែរសម្រាប់មន្ត្រីខេត្តអានយ៉ាងតាមសេចក្តីសម្រេចលេខ 771/QĐ-TTg របស់នាយករដ្ឋមន្ត្រី។
លោក Chau Anne អនុប្រធានគណៈជនជាតិខេត្តអានយ៉ាងមានប្រសាសន៍ថា៖ ខេត្តអានយ៉ាងមានប្រជាជនខ្មែររស់នៅច្រើនកុះករ បណ្តុះបណ្តាលភាសាខ្មែរសម្រាប់មន្ត្រីដែលមានភារកិច្ចបម្រើការងារជនជាតិគឺជាការចាំបាច់។ ប្រធានគណៈកម្មការប្រជាជនខេត្តអានយ៉ាងអនុញ្ញាតិគាំទ្រឱ្យគណៈជនជាតិខេត្តសហការជាមួយសាកលវិទ្យាល័យត្រាវិញរៀបចំបើកវគ្គបណ្តុះបណ្តាលភាសាខ្មែរសម្រាប់មន្ត្រីខេត្តអានយ៉ាង។
សាកលវិទ្យាធិការរង ថាច់ ធី យ៉ឹន បញ្ជាក់ថា៖ កិច្ចសហការបើកវគ្គបណ្តុះបណ្តាលភាសាខ្មែរនៅខេត្តអានយ៉ាងគឺបង្ហាញនូវការយកចិត្តទុកដាក់យ៉ាងជ្រាវជ្រៅរបស់ថ្នាក់ដឹកនាំខេត្តដើម្បីរួមចំណែកអនុវត្តមានប្រសិទ្ធភាពកិច្ចការឃោសាសនា ចលនាប្រជាជនខ្មែរកសាងសេដ្ឋកិច្ច សង្គមកិច្ចតាមគោលនយោបាយរបស់បក្សនិងរដ្ឋាភិបាលក្នុងបុព្វហេតុពង្រឹងសាមគ្គីភាពនៃបណ្តាជនជាតិ។
តាមផែនការណ៍ឆ្នាំ ២០២០ របស់ខេត្តអានយ៉ាង មានមន្ត្រីដែលកំពុងបម្រើការងារជនជាតិចូលរួមវគ្គបណ្តុះបណ្តាលនេះចំនួន ៤០ នាក់ និងរយៈពេលបណ្តុះបណ្តាលត្រៀមត្រូវបញ្ចប់នៅខែតុលាឆ្នាំ២០២០។