ជ្រើសចូលបរិញ្ញាបត្រដោយវិធីជ្រើសតាមសិក្ខាគារិក
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 17 សីហា 2020
- ចុចដង៖ 493
សាកលវិទ្យាល័យត្រាវិញទទួលដាក់ពាក្យបរិញ្ញាបត្រដោយវិធីជ្រើសតាមសិក្ខាគារិករហូតដល់ថ្ងៃទី ១៥ ខែសីហាឆ្នាំ ២០២០ ។
ឆ្នាំ ២០២០ សាកលវិទ្យាល័យត្រាវិញទទួលចុះឈ្មោះនៅទូទាំងប្រទេសដែលមានមុខជំនាញចំនួន ៥៥ ដោយផ្តោតលើវិស័យ កសិកម្ម-ជលវប្បកម្ម បច្ចេកទេស-បច្ចេកវិទ្យា វិទ្យាសាស្ត្រសុខាភិបាល ភាសាបរទេស ភាសា-វប្បធម៌-វិចិត្រសិល្បៈខ្មែរណាមបូ សេដ្ឋកិច្ច-ច្បាប់ គីមីអនុវត្តិ គរុកោសល្យ គ្រប់គ្រងរដ្ឋបាលសាធារណៈ គ្រប់គ្រងការិយាល័យ ធ្មេញ-ថ្គាម-មុខ ទេសចរណ៍ ទ្រឹស្តីនយោបាយ កិច្ចការសង្គម កីឡា និងបម្រុងមហាវិទ្យាល័យ។ល។ជាមួយនឹងវិធីជ្រើសរើសដូចជា៖
វិធីទី ១៖ ជ្រើសតាមពិន្ទុនៃការប្រឡងបញ្ចប់ទុតិយភូមិឆ្នាំ ២០២០ ដែលប៉ាន់ស្មានប្រហែល ៤០% នៃចំនួនសរុបសម្រាប់ការចូលរៀននៅគ្រប់មុខវិជ្ជា។
វិធីទី ២៖ ជ្រើសតាមលទ្ធផលនៃការសិក្សាវិទ្យាល័យ (ដោយមិនកំណត់ឆ្នាំនៃបញ្ចប់ការសិក្សា) គម្រោងជ្រើសប្រហែល ៤៥% នៃចំនួនសរុបសម្រាប់ការចូលរៀននៅគ្រប់មុខជំនាញ លើកលែងតែផ្នែកពហុវេជ្ជសាស្រ្ត ធ្មេញ-ថ្គាម-មុខ និងឱសថ។
វិធីទី ៣៖ ជ្រើសផ្អែកលើពិន្ទុនៃការធ្វើតេស្តដើម្បីវាយតម្លៃពីសមត្ថភាពពីសាកលវិទ្យាល័យជាតិហូជីមិញក្នុងឆ្នាំ ២០២០ ដែលត្រូវបានអនុញ្ញាតឱ្យចូលរៀននៅគ្រប់មុខជំនាញ លើកលែងតែផ្នែកពហុវេជ្ជសាស្រ្ត ធ្មេញ-ថ្គាម-មុខ ឱសថ និងគរុកោសល្យមត្តេយ្យ។
វិធីទី ៤៖ ជ្រើសផ្ទាល់និងអាទិភាពតាមទំរង់របស់សាលានិងតាមបទបញ្ជារបស់ក្រសួងអប់រំនិងបណ្តុះបណ្តាល (កំរិតពិន្ទុ ១០) គម្រោងជ្រើសមានប្រហែល ១២% ។ ក្នុងវិធីទី ៤ នេះអនុវត្តចំពោះករណី ២៖
ក្នុងនោះករណីទី ១ ជ្រើសចូលផ្ទាល់និងអាទិភាពតាមបទបញ្ជារបស់ក្រសួងអប់រំនិងបណ្តុះបណ្តាល។ ករណីទី ២ ជ្រើសចូលផ្ទាល់និងអាទិភាពសម្រាប់សិស្សមកពីវិទ្យាល័យជំនាញ ពីវិទ្យាល័យលត់ដំបំណិនគរុកោសល្យត្រាវិញ និងវិទ្យាល័យដែលបានចុះកិច្ចសហប្រតិបត្តិការជាមួយសាកលវិទ្យាល័យត្រាវិញ។ ល័ក្ខខ័ណ្ឌនៃការចុះឈ្មោះគឺបញ្ចប់ការសិក្សានៅវិទ្យាល័យ; ៣ ឆ្នាំនៅថ្នាក់ទី ១០ ទី ១១ និងទី ១២ ទទួលបានចំណាត់ថ្នាក់ល្អឬខ្ពស់ហើយមានអាកប្បកិរិយាល្អ។
វិធីទី ៥៖ ចំពោះមុខជំនាញដែលមានជំនាញទេពកោសល្យ។ សាកលវិទ្យាល័យត្រាវិញរៀបចំការប្រឡងផ្នែកទេពកោសល្យពីថ្ងៃទី ១៥ ដល់ថ្ងៃទី ២០ ខែសីហា។
វិធីទី ៦៖ ជ្រើសផ្ទាល់ថ្នាក់សិក្សាបំរុងមហាវិទ្យាល័យសម្រាប់ករណី ៣០a ក្រុមគោលដៅ ១ តំបន់ ១ ។
សេចក្តីជូនដំណឹងអំពីការចូលរៀនឆ្នាំ ២០២០ ចុចលើ (https://www.tvu.edu.vn/xet-tuyen-dai-hoc-cao-dang-chinh-quy-2020/#thong_bao)
ល័ក្ខខ័ណ្ឌចូលរៀនសម្រាប់សាខាបណ្តុះបណ្តាលនីមួយៗនៅសាកលវិទ្យាល័យត្រាវិញ៖ https://www.tvu.edu.vn/thong-bao-xet-tuyen-cac-nganh-dai-hoc-va-nganh-cao-dang -muc-mam-mam-non-he-chi-quy-nam-2020 /
ពេលវេជ្រើសរើសតាមវិធីផ្អែកលើលទ្ធផលប្រឡងទុតិយភូមិឆ្នាំ២០២០ គឺយោងតាមកាលបរិច្ឆេតរបស់ក្រសួងអប់រំនិងបណ្តុះបណ្តាល។ ចំពោះមុខជំនាញដែលមានប្រឡងទេពកោសល្យ សាលានឹងទទួលដាក់ពាក្យប្រលងចាប់ពីថ្ងៃទី ២២ ខែមិថុនាដល់ថ្ងៃទី ៥ ខែសីហា និងរៀបចំប្រឡងនៅថ្ងៃទី ១៥ ដល់ ២០ ខែសីហា។
សាលាអនុវត្តគោលនយោបាយ ឥតគិតថ្លៃសិក្សាចំពោះមុខជំនាញអប់រំមតេយ្យ បឋមសិក្សា អក្សរសាស្ត្រ ភាសាខ្មែរ ប្រគំឧបករណ៍តន្ត្រីប្រពៃណី។ ក្រៅពីនេះនិស្សិតផ្នែកចិញ្ចឹមសត្វទទួលបានអាហារូបករណ៍ស្មើនឹង ៣០% នៃថ្លៃសិក្សា។
ជាពិសេសនិស្សិតស្រីទទួលបានអាហារូបករណ៍ប្រចាំឆ្នាំស្មើនឹង ៥០% នៃថ្លៃសិក្សា ដែលសិក្សាលើមុខជំនាញដូចជាវិស្វកម្មសំណង់ចរាចរណ៍ វិស្វកម្មសំណង់ វិស្វកម្មមេកានិក វិស្វកម្មអគ្គិសនី - អេឡិចត្រូនិចត្រួតពិនិត្យនិងបច្ចេកវិទ្យាស្វ័យប្រវត្តិកម្ម វិស្វកម្មរថយន្ត។ ដោយឡែកសម្រាប់វិស្វកម្មគីមីវិទ្យានិស្សិតស្រីថែមទទួលអាហារូបករណ៍ប្រចាំឆ្នាំស្មើនឹង ៣០% នៃថ្លៃសិក្សា។