សិក្ខាសាលាស្វែងរកដំណោះស្រាយវប្បធម៌ក្នុងការអភិវឌ្ឍប្រកបដោយចីរភាពនៅតំបន់តៃណាមបូ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 20 សីហា 2020
- ចុចដង៖ 451
នាថ្ងៃទី ១៧ ខែសីហា សាកលវិទ្យាល័យត្រាវិញបានរៀបចំសិក្ខាសាលាវិទ្យាសាស្ត្រថ្នាក់ជាតិស្តីអំពី «វប្បធម៌ក្នុងការអភិវឌ្ឍប្រកបដោយចីរភាពនៅតំបន់តៃណាមបូ(តំបន់និរតី) - បរិការណ៍និងដំណោះស្រាយបច្ចុប្បន្ន» ដោយមានការចូលរួមពីអ្នកស្រាវជ្រាវ អ្នកវិទ្យាសាស្ត្រ អ្នកគ្រប់គ្រង វិទ្យាស្ថាននិងសាកលវិទ្យាល័យនានា។ គណៈកម្មាធិការរៀបចំសិក្ខាសាលាបានថ្លែងថា ក្នុងរយៈពេលដ៏ខ្លីក្រុមការងារទទួលបានអត្ថបទស្រាវជ្រាវចំនួន ៥៨។ ប្រការនេះសឱ្យឃើញថាបញ្ហាវប្បធម៌ក្នុងការអភិវឌ្ឍប្រកបដោយនិរន្តរភាពនៅតំបន់តៃណាមបូបានទាក់ទាញចំណាប់អារម្មណ៍របស់អ្នកវិទ្យាសាស្ត្រ អ្នកគ្រប់គ្រង អ្នកស្រាវជ្រាវព្រមទាំងនិស្សិតនិងសិក្ខាកម្មមួយចំនួនធំ។
សាស្ត្រាចារ្យបណ្ឌិត ផាម ទៀត ខាញ់ សាកលវិទ្យាធិការនៃសាកលវិទ្យាល័យត្រាវិញមានប្រសាសន៍ថា អត្ថបទស្រាវជ្រាវដែលបានជ្រើសរើសដាក់ក្នុងកម្រងសិក្ខាសាលានេះ ជាទូទៅបានបង្ហាញនូវបរិការណ៍ពិតនៃវប្បធម៌តំបន់តៃណាមបូកំពុងប្រឈម និងស្នើនូវដំណោះស្រាយដែលសមស្របនឹងបរិបទថ្មីក្នុងការអភិវឌ្ឍប្រកបដោយចីរភាព។
ប្រធានបទចម្បងដែលត្រូវបានវិភាគរួមមាន៖ កំណត់ទំនាក់ទំនងរវាងវប្បធម៌តំបន់តៃណាមបូនិងការអភិវឌ្ឍប្រកបដោយចីរភាព; កំណត់អត្តសញ្ញាណលក្ខណៈនិងគុណតម្លៃនៃវប្បធម៌នៅតំបន់តៃណាមបូពីទិដ្ឋភាពនានាដូចជា៖ ទីតាំងប្រវត្តិសាស្ត្រ ភាសា ជំនឿ សាសនា ការអប់រំ វប្បធម៌ សិល្បៈ អាហារ បរិស្ថាន... នៃប្រជាជនដែលរស់នៅតំបន់នេះ; មេរៀនដែលទទួលបានពីតំបន់និងប្រទេសនានាលើពិភពលោកក្នុងការលើកកម្ពស់តួនាទីយ៉ាងសកម្មនៃវប្បធម៌ដល់ការអភិវឌ្ឍប្រកបដោយចីរភាពក្នុងតំបន់; វិភាគបរិការណ៍បច្ចុប្បន្ននិងស្នើនូវដំណោះស្រាយដើម្បីទាញយកគុណតម្លៃវប្បធម៌តំបន់ក្នុងការអភិវឌ្ឍសេដ្ឋកិច្ចនិងទេសចរណ៍ប្រកបដោយចីរភាពនៅតំបន់តៃណាមបូនិយាយដោយឡែក និងនៅទូទាំងប្រទេសនិយាយរួម។