សាកលវិទ្យាល័យត្រាវិញទទួលជ័យលាភីលេខពីរក្នុងកម្មវិធីបង្ហាញម៉ូដសម្លៀកបំពាក់អាវវែងប្រពៃណីវៀតណាមឆ្នាំ២០២០
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 24 តុលា 2020
- ចុចដង៖ 520
នាល្ងាចថ្ងៃទី ១៣ ខែតុលានេះ សមាគមសហព័ន្ធនារីខេត្តត្រាវិញបានសហការជាមួយមន្ទីរវប្បធម៌កីឡានិងទេសចរណ៍ខេត្តត្រាវិញរៀបចំកម្មវិធីបង្ហាញម៉ូតសម្លៀកបំពាក់អាវវែងប្រពៃណីវៀតណាមដែលមានប្រធានបទថា៖ គោរពតម្លៃអាវវែងនិងសម្រស់នារីវៀតណាម។
បេក្ខនារី ង្វៀន ធី ហុងហ្គាំ ទទួលជ័យលាភីលេខ២ ដែលមកពីសាកលវិទ្យាល័យត្រាវិញ
កម្មវិធីនេះបានរៀបចំឡើងនៅសាកលវិទ្យាល័យត្រាវិញ និងទាក់ទាញបេក្ខនារីរាប់រយនាក់ដែលជាសមាជិកសហជីព បុគ្គលិក និងនិស្សិតដាក់ពាក្យចូលរួម។ យោងតាមព័ត៌មានពីគណៈកម្មាធិការរៀបចំកម្មវិធីឆ្នាំនេះមានបេក្ខជនចូលរួមបើចែកជាក្រុមមានចំនួន១៩ ក្រុម។
បេក្ខជនទាំងឡាយឆ្លងកាត់ការបង្ហាញម៉ូដអាវវែងប្រពៃណីវៀតណាម និងឆ្លើយសំនួរពាក់ព័ន្ធដល់ សោភ័ណភាពនិងតម្លៃវប្បធម៌របស់អាវវែងប្រពៃណីវៀតណាម បង្ហាញតាមបែបឈុតឆាកឬសម្តែងលក្ខណៈជាក្រុម។ ក្រុមនីមួយៗមានសមាជិក ៧ នាក់ចូលរួម។
សាកលវិទ្យាល័យត្រាវិញមានបេក្ខជនចូលរួមចំនួន៣ក្រុម។ លទ្ធផលទទួលបានគឺ បេក្ខនារី ង្វៀន ធី ហុងហ្គាំ ទទួលជ័យលាភីលេខពីរដែលតំណាងមកពីសាកលវិទ្យាល័យត្រាវិញ។ ទន្ទឹមនឹងនោះ គណៈកម្មការក៏បានប្រគល់ជ័យលាភីលេខ១ មួយរង្វាន់ដល់សហព័ន្ធពលកម្មខេត្តត្រាវិញ និងលេខ៣ មួយរង្វាន់ដល់សមាគមសហព័ន្ធនារីស្រុកកូវកែ និងរង្វាន់លើកទឹកចិត្តដល់អង្គភាពពីរទៀត។
ការបង្ហាញម៉ូតសម្លៀកបំពាក់អាវវែងប្រពៃណីវៀតណាមឆ្នាំ ២០២០ គឺជាសកម្មភាពមួយក្នុងចំណោមសកម្មភាពប្រចាំឆ្នាំក្នុងឱកាសអបអរសាទរទិវានារីវៀតណាម ២០ តុលា និងអបអរសាទរមហាសន្និបាតលើកទី XI នៃគណៈកម្មាធិការបក្សខេត្តត្រាវិញ។
