អនុវត្តបច្ចេកវិទ្យាជីវសាស្ត្រអភិវឌ្ឍចីរភាព
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 24 តុលា 2020
- ចុចដង៖ 456
នាព្រឹកថ្ងៃទី ២៣ ខែតុលា សាកលវិទ្យាល័យត្រាវិញ (TVU) បានរៀបចំសិក្ខាសាលាវិទ្យាសាស្ត្រស្តីអំពី៖ អនុវត្តបច្ចេកវិទ្យាជីវសាស្ត្រក្នុងវិស័យកសិកម្មនិងជលវប្បកម្មប្រកបដោយចីរភាពលើកទី២ នាឆ្នាំ ២០២០។
អ្នកចូលរួមវេទិការួមមានអ្នកវិទ្យាសាស្ត្រមកពីសាកលវិទ្យាល័យនិងវិទ្យាស្ថានស្រាវជ្រាវក្នុងតំបន់តៃង្វៀន(ខ្ពង់រាប) និងតំបន់ណាមបូ (ភូមិភាគខាងត្បូង) ក៏ដូចជាអ្នកជំនាញអន្តរជាតិមួយចំនួន។
មានសុន្ទរកថាបើកអង្គប្រជុំ លោកបណ្ឌិត ង្វៀន មិញហ្វា សាកលវិទ្យាធិការរងនៃ TVU មានប្រសាសន៍ថា៖ អស់រយៈពេលជាច្រើនឆ្នាំមកហើយដែល TVU មិនបង្អាក់បង្អង់ភាពច្នៃប្រឌិត និងកែលម្អសកម្មភាពបណ្តុះបណ្តាលនិងស្រាវជ្រាវ គឺមានការជំរុញរហូតដើម្បីឆ្លើយតបទៅនឹងតម្រូវការជាក់ស្តែង លើកកម្ពស់សកម្មភាពស្រាវជ្រាវវិទ្យាសាស្ត្រ។ នេះត្រូវបានគេចាត់ទុកថាជាបេសកកម្មដ៏មានសារសំខាន់និងជាគោលដៅឈានមុខគេនៅក្នុងរយៈពេលបច្ចុប្បន្ននៃការច្នៃប្រឌិតនិងការធ្វើសមាហរណកម្មអន្តរជាតិនៃ TVU ។
សិក្ខាសាលានេះត្រូវបានរៀបចំឡើងក្នុងគោលបំណងពង្រីកកិច្ចសហប្រតិបត្តិការលើវិស័យជីវសាស្រ្តនិងបរិស្ថានបង្កើតក្របខណ្ឌសម្រាប់គ្រូនិងនិស្សិតក្នុងការសិក្សានិងចែករំលែកបទពិសោធន៍ពីអ្នកវិទ្យាសាស្ត្រក្នុងស្រុក។ ដើម្បីឱ្យអ្នកវិទ្យាសាស្ត្រចែករំលែកបទពិសោធន៍ជាក់ស្តែងក្នុងការស្រាវជ្រាវវិទ្យាសាស្ត្រដើម្បីមានវិធានការបង្ការអាកាសធាតុប្រែប្រួល។ ចូលរួមលើកកម្ពស់ការយល់ដឹងដើម្បីមើលឃើញពីសារៈសំខាន់នៃការស្រាវជ្រាវវិទ្យាសាស្ត្រក៏ដូចជាការប្រកាសផ្សាយអត្ថបទអន្តរជាតិស្តីពីវិស័យវិទ្យាសាស្ត្រនៅក្នុងប្រទេសនិងពិភពលោកនាពេលបច្ចុប្បន្ន។
បទបង្ហាញដែលត្រូវបានបង្ហាញនៅអង្គសិក្ខាសាលាបានផ្តល់ទិសដៅសម្រាប់ការស្រាវជ្រាវនិងការអនុវត្តបច្ចេកវិទ្យាជីវសាស្ត្រក្នុងវិស័យកសិកម្មនិងជលវប្បកម្មប្រកបដោយចីរភាព។ ជាមួយនឹងរបាយការណ៍ចំនួន ៧ នៅក្នុងអង្គប្រជុំពេញអង្គបញ្ជាក់ពីបញ្ហាជាច្រើនទាក់ទងនឹងការប្រែប្រួលអាកាសធាតុ ទាក់ទងនឹងបញ្ហាផលិតប្រកបដោយចីរភាព។
លោកបណ្ឌិត វ៉ តុង ស្វឹក មកពីសាកលវិទ្យាល័យណាមកឹងធើ មានបាឋកថាស្តីអំពី ផលិតកសិកម្មសម្របនឹងគ្រោះរាំងស្ងួតជ្រាបទឹកប្រៃនៅតំបន់វាលរាបទន្លេគឺវឡុង។ លោកបានបង្ហាញពីបញ្ហាប្រែប្រួលអាកាសធាតុគឺជាការពិតនិងវិធីបង្ការ សម្របក្នុងការផលិតកសិកម្មដោយមានប្រសិទ្ធភាព។
ទាក់ទងនឹងការអនុវត្តបច្ចេកវិទ្យាជីវសាស្ត្រក្នុងវិស័យកសិកម្ម អ្នកស្រីបណ្ឌិត ទ្រិញ ង៉ុក អាយ មកពីសាកលវិទ្យាល័យត្រាវិញ មានបាឋកថាស្តីពី តួនាទីរបស់ហ្សែន RsMYB1 ក្នុងការបង្កើនសមត្ថភាពបរិមាណ anthocyaninនិងសមត្ថភាពទប់ទល់ abiotic stress។ ការស្រាវជ្រាវបង្ហាញថាការផ្ទេរហ្សែនពីមើមឆៃថាវ(beet) ទៅដើមផ្ការំយោលយក្ស(petunia) បង្កើនសមត្ថភាពប្រឈមនឹងអាកាសធាតុប្រែប្រួល។ លោកបណ្ឌិតង្វៀន មិញ ចឺង អនុប្រធានវិទ្យាស្ថានបច្ចេកវិទ្យាជីវសាស្ត្រនៃសាកលវិទ្យាល័យកឹងធើ បានបញ្ជាក់ច្បាស់ពីតួនាទីរបស់ Brassinosteroid ក្នុងការសម្របសម្រួលកំណើននិងបង្កើនភាពប្រឈមចំពោះរុក្ខជាតិ។ល។
នៅពេលរសៀលនៃថ្ងៃដដែលសិក្ខាសាលាបានចែកជាក្រុមគណៈកម្មការដោយផ្តោតលើវិស័យបច្ចេកវិទ្យាជីវរុក្ខ- ជីវគីមី ក្រុមគណៈកម្មការបច្ចេកវិទ្យាជីវសាស្ត្រអតិសុខុមប្រាណ - បរិស្ថាន ក្រុមគណៈកម្មការ ជលវប្បកម្មនិងវិទ្យាសាស្ត្របសុពេទ្យ។
