បើកការប្រកួតកីឡាបាល់ទាត់និស្សិត TVU League
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 02 វិច្ឆិកា 2020
- ចុចដង៖ 563
(TVU) - នាព្រឹកថ្ងៃទី ២៥ ខែតុលា ការប្រកួតបាល់ទាត់លើកដំបូងនៃ TVU League ដែលរៀបចំឡើងដោយសាកលវិទ្យាល័យត្រាវិញ ត្រូវបានបើកជាផ្លូវការក្នុងគោលបំណងជំរុញចលនានៃការហ្វឹកហាត់កាយសម្បទានិងបង្កើតទីលានលត់ដំសម្រាប់និស្សិត។
ការប្រកួតបានចាប់ផ្តើមនៅថ្ងៃទី ២៥ ខែតុលានិងបញ្ចប់នៅថ្ងៃទី ១៥ ខែវិច្ឆិកាឆ្នាំ ២០២០ ដោយប្រមូលផ្តុំក្រុមបាល់ទាត់ចំនួន ៨ ក្រុមមកពីមហាវិទ្យាល័យផ្សេងៗគ្នាចំណុះសាកលវិទ្យាល័យត្រាវិញ។
លោក ទ្រឿង ទ្រីវូ សមាជិកក្រុមប្រឹក្សាភិបាលនៃសាកលវិទ្យាល័យត្រាវិញបានថ្លែងថា៖ ក្នុងប៉ុន្មានឆ្នាំថ្មីៗនេះ សាកលវិទ្យាល័យត្រាវិញរៀបចំកម្មវិធីប្រកួតធំបង្កើតទីលានកំសាន្តសម្រាប់និស្សិត។លោកបានបន្ថែមថា“កម្មវិធីសិក្សាដែលពេញលេញមិនត្រឹមមានតែបណ្តុះបណ្តាលចំណេះដឹងប៉ុណ្ណោះទេ ប៉ុន្តែត្រូវអប់រំមនុស្សឱ្យក្លាយជាមនុស្សមានសមត្ថភាពទាំងបំណិនទន់ ទាំងកាយសម្បទារឹងមាំ។ កីឡាបាល់ទាត់មិនត្រឹមតែជាល្បែងសម្រាប់ការកម្សាន្តប៉ុណ្ណោះទេ ក៏ជាការងារសំខាន់មួយផងដែរនៅក្នុងវិស័យបណ្តុះបណ្តាល ការអប់រំនាពេលបច្ចុប្បន្ននេះ”។
