បន្ទប់ស្វ័យសិក្សាសម្រាប់និស្សិត៖ បើកទ្វារ ២៤ ម៉ោងក្នុងសប្តាហ៍
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 02 វិច្ឆិកា 2020
- ចុចដង៖ 539
ក្រៅពីក្របខណ្ឌនៃលក្ខណៈវិនិច្ឆ័យសាកលវិទ្យាល័យបៃតងប្រកបដោយនិរន្តរភាព ដែលផ្តោតសំខាន់លើសមាមាត្រនៃមជ្ឈដ្ឋានបៃតងនៅតាមមណ្ឌលសិក្សា និងការគ្រប់គ្រងកាកសំណល់ ធនធានទឹក ប្រព័ន្ធត្រួតពិនិត្យគុណភាពខ្យល់ ក៏ដូចជាសមត្ថភាពសមាហរណកម្មគុណភាពនៃការអប់រំអន្ដរជាតិ... សាកលវិទ្យាល័យត្រាវិញតែងយកចិត្តទុកដាក់រៀបចំទីកន្លែងសិក្សានានា ជាក់ស្តែងមានបន្ទប់ស្វ័យសិក្សានៅមជ្ឈមណ្ឌលស្រាវជ្រាវនិងឯកសារ។ បន្ទប់ស្វ័យសិក្សា - ជាកន្លែងមួយដែលមានម៉ាស៊ីនត្រជាក់ ប្រព័ន្ធ Wifi គ្រប់គ្រាន់ ជាទីកន្លែងដ៏ល្អសម្រាប់ការសិក្សាជាក្រុម និស្សិតអាចមានគំនិតផ្តួចផ្តើមនៃការច្នៃប្រឌិត និងមានការដោះដូរបទពិសោធនៅក្រៅម៉ោងសិក្សា។
ទីនេះក៏ជាទីពេញនិយមសម្រាប់និស្សិតនៅរដូវកាលប្រឡងម្តងៗដូច្នេះបន្ទប់ស្វ័យសិក្សាដោយខ្លួនឯងក៏មានចំនួនច្រើនជាងធម្មតាដែរ។ នៅខាងក្រៅបន្ទប់ ក៏មានរៀបចំតុ កៅអី សម្ភារៈឧបទេសគ្រប់គ្រាន់ ប្រកបដោយបរិវេណធំទូលាយ មានម្លប់ដើមឈើធំៗ និងខ្យល់អាកាសត្រជាក់ល្អ និស្សិតមានជំរើសជាច្រើន។
ជាពិសេសបន្ទប់ស្វ័យសិក្សាតែងបើកទ្វារ ២៤/២៤ ម៉ោងក្នុងសប្តាហ៍។ និស្សិត ថៃ សឺនកា សិក្សាថ្នាក់គ្រប់គ្រងបដិសណ្ឋារកិច្ចឆ្នាំ ២០១៩ ប្រាប់ឱ្យដឹងថា៖ សម្រាប់និស្សិត ការសិក្សាដោយខ្លួនឯងគឺចាំបាច់ណាស់។ ក្រៅពីរៀននៅក្នុងថ្នាក់ និស្សិតភាគច្រើនត្រូវសិក្សាដោយខ្លួនឯងដើម្បីស្វែងយល់ចំណេះដឹងឱ្យបានស៊ីជម្រៅ។ បន្ទប់ស្វ័យសិក្សា ដែលមានទីតាំងនៅជាន់ក្រោមនៃមជ្ឈមណ្ឌលស្រាវជ្រាវនិងឯកសារ គឺជាជំរើសដ៏ប្រសើរសម្រាប់យើងខ្ញុំ។
មានយោបល់ដូចគ្នានេះដែរ អ្នកស្រី ហ្វិញ ទ្រឿង អៀនវី សិក្សាថ្នាក់អនុបណ្ឌិតនីតិសាស្ត្រឆ្នាំ ២០១៩ និយាយថា៖ ខ្ញុំតែងមកបន្ទប់ស្វ័យសិក្សានៅទីនេះ ដើម្បីធ្វើមេរៀនរហូតដល់យប់ជ្រៅ។ ខ្ញុំមានម្ចាស់ការក្នុងការស្រាវជ្រាវ ព្រោះថានៅទីនេះមានបរិយាកាសល្អ មានឯកសារច្រើន និងអាចពិគ្រោះយោបល់យ៉ាងងាយស្រួលបំផុត។
សាកលវិទ្យាល័យត្រាវិញ មានការវិនិយោគពេញលេញទាំងហេដ្ឋារចនាសម្ព័ន្ធ ទាំងសម្ភារៈឧបទេស កន្លែងស្វ័យសិក្សាសម្រាប់និស្សិតមានច្រើននិងធំទូលាយ។ មជ្ឈមណ្ឌលស្រាវជ្រាវនិងឯកសារ បំពាក់ដោយសម្ភារៈឧបទេសទំនើបៗ ដោយមានប្រព័ន្ធម៉ាស៊ីនត្រជាក់ អ៊ីនធឺណេត ប្រភពឯកសារសម្បូរបែបទាំងភាសារជាតិ និងភាសាបរទេសនៅគ្រប់វិស័យ។
