សាកលវិទ្យាល័យត្រាវិញសម្រេចជោគជ័យនៃដំណើរការផលិតផ្សិតដង្កូវ (Cordyceps) ក្នុងបរិស្ថានសិប្បនិម្មិត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 18 វិច្ឆិកា 2020
- ចុចដង៖ 537
ចុងឆ្នាំ ២០១៤ សាកលវិទ្យាល័យត្រាវិញបានចាប់ផ្តើមសិក្សាទៅលើការបង្កាត់ផ្សិតដង្កូវ ហើយស្រាវជ្រាវជោគជ័យនូវដំណើរការផលិតដែលចិញ្ចឹមលើសារធាតុអង្ករសំរូបនិងលើសត្វដង្កូវនាង។ ក្នុងដំណាក់កាលនោះក្រុមការងារស្រាវជ្រាវបានអាទិភាពទៅលើបច្ចេកទេសបង្កាត់ពូជដួងខ្ទិះ ហេតុដូច្នោះការផលិតផ្សិតដង្កូវត្រូវបានបង្អាក់ជាបណ្តោះអាសន្ន។
លោក ង្វៀន ង៉ុកទ្រៃ នាយករងនៃមជ្ឈមណ្ឌលបច្ចេកវិទ្យាជីវសាស្ត្រនិងបរិស្ថានចំណុះមហាវិទ្យាល័យកសិម្មនិងជលវប្បកម្ម បានឱ្យដឹងថា៖ មានអាជីវកម្មជាច្រើនធ្វើពាណិជ្ជកម្មផលិតផលនេះលើទីផ្សារ។ បច្ចុប្បន្ន ផលិតផលនេះមានតម្លៃផ្សេងៗគ្នា។ ក្រុមអ្នកស្រាវជ្រាវនៅសាកលវិទ្យាល័យត្រាវិញក៏បានផ្តោតការផលិតផ្សិតដង្កូវនេះដែរ សម្រាប់ផ្គត់ផ្គង់ដល់ទីផ្សារ។ ផលិតផលផ្សិតរបស់យើងខ្ញុំត្រូវបានចិញ្ចឹមជាចម្បងលើសារធាតុសរីរាង្គមិនបន្ថែមសារធាតុរំញោចដើម្បីធានាសុខភាពដល់មនុស្សប្រើប្រាស់។
លោកបន្តថា៖ បច្ចុប្បន្ននេះ ផ្សិតត្រូវបានចិញ្ចឹមតាមវិធីសាស្ត្រពីរយ៉ាង គឺលើសារធាតុអង្ករសំរូប និងលើសត្វដង្កូវនាង។ វិធីសាស្រ្តទាំងពីរផ្តល់ផលដែលមានសារធាតុឱសថដូចគ្នា។ ទោះជាយ៉ាងណាក៏ដោយវិធីសាស្ត្រនៃការចិញ្ចឹមនៅលើសត្វគឺឱ្យផលប្លែកភ្នែកស្រស់ស្អាតដូចធម្មជាតិជាង។
ចិញ្ចឹមលើសារធាតុអង្ករសំរូបត្រូវបំប៉ន់បន្ថែមនូវសារធាតុចំរាញ់ពីដំឡូងបារាំង ទឹកដូង សមាសភាគរ៉ែ vitamin,...ក្រោយពេលបានបំប៉នបន្ថែមគ្រប់គ្រាន់នូវសារធាតុទាំងឡាយនោះ គឺត្រូវយកវាទៅចំហុយឱ្យរំងាប់មេរោគ រួចទុកឱ្យត្រជាក់អស់មួយរាត្រី។ ចំពោះមេពូជគឺត្រូវបំរុងមុន ដាក់នៅលើម៉ាសិនគ្រលុកក្នុងរយៈពេលប្រាំថ្ងៃ។ បន្ទាប់ពីនោះ ចាក់មេពូជចំនួន 10ml ទៅក្នុងប្រអប់ រួចយកវាទៅបង្កាត់នៅទីងងឹតដើម្បីឱ្យវាលូតលាស់ឡើង។
នៅពេលផ្សិតលូតលាស់ពេញផ្ទៃប្រអប់ក្នុងរយៈ ៥ ទៅ៧ ថ្ងៃ គឺត្រូវយកវាទៅចិញ្ចឹមនៅបន្ទប់ផ្សេង។ បន្ទប់ចិញ្ចឹមនោះត្រូវមានពន្លឺនិងបាញ់ទឹកបង្កើតជាអ័ព្ទឱ្យមានសំណើម។ ពន្លឺក្នុងអាំងតង់ស៊ីតេប្រហែល ១.០០០ - ១៥០០ lux។ សំណើមនៅចន្លោះពី ៨០-៨៥%។ អស់រយៈពេល ៤៥ ថ្ងៃ គឺអាចប្រមូលផលបាន។
ផ្សិតត្រូវបានគេចាត់ទុកថាជាផ្សិតដែលមានលក្ខណៈស្តង់ដារ គឺវាមានសរសៃស្មើ ដុះពេញផ្ទៃប្រអប់។ នៅសាកលវិទ្យាល័យត្រាវិញ ផលិតផលផ្សិតចិញ្ចឹមលើសារធាតុអង្ករសំរូបមានអត្រា ៧០% ។ ចំពោះចិញ្ចឹមលើសត្វដង្កូវនាងអត្រាជោគជ័យលើ ៦០%។