សាកលវិទ្យាល័យត្រាវិញ៖ បើកបវេសនកាលឆ្នាំសិក្សា ២០២០-២០២១ និងរំលឹកទិវាគ្រូបង្រៀនវៀតណាម ២០ វិច្ឆិកា
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 23 វិច្ឆិកា 2020
- ចុចដង៖ 502
(TVU) - នាថ្ងៃទី ២០ វិច្ឆិកា ឆ្នាំ២០២០ សាកលវិទ្យាល័យត្រាវិញបានរៀបចំពិធីបើកបវេសនកាលឆ្នាំសិក្សាថ្មី២០២០-២០២១ និងអបអរសាទរខួបលើកទី ៣៨ នៃទិវាគ្រូបង្រៀនវៀតណាម ២០ វិច្ឆិកា។
ថ្លែងក្នុងពិធីបើកបវេសនកាលឆ្នាំសិក្សាថ្មី បណ្ឌិត ផាម ទៀតខាញ់ សាកលវិទ្យាធិការនៃសាកលវិទ្យាល័យត្រាវិញបានរំលឹកឡើងនូវសមិទ្ធិផលនានាដែលលោកគ្រូអ្នកគ្រូនិងនិស្សិតទទួលបានក្នុងឆ្នាំសិក្សាកន្លង៖
ក្នុងឆ្នាំសិក្សា ២០១៩-២០២០, TVU មានកិត្តិយសទទួលមេដាយពលកម្មលេខ២ របស់ប្រធានរដ្ឋ និងជាសាកលវិទ្យាល័យទី៩ ក្នុងប្រទេសដែលទទួលបានស្តង់ដារត្រួតពិនិត្យគុណភាព ស្របតាមលក្ខណៈវិនិច្ឆ័យថ្មីរបស់ក្រសួងអប់រំនិងបណ្តុះបណ្តាល។
TVU មានកម្មវិធីសិក្សាចំនួន០៤ នៃផ្នែកសេដ្ឋកិច្ច កម្រិតស្តង់ដារ FIBAA និងកម្មវិធីសិក្សាចំនួន០២ ទៀតក្នុងវិស័យកសិកម្ម-ជលវប្បកម្ម កម្រិតស្តង់ដារAUN ផងដែរ។ ជាសាកលវិទ្យាល័យមួយក្នុងចំណោមសាកលវិទ្យាល័យពីរនៅប្រទេសវៀតណាម បានចូលក្នុងចំណាត់ថ្នាក់នៃសាកលវិទ្យាល័យកំពូលទាំង៣០០ ដែលមានបរិស្ថានអប់រំបៃតងនិងការវិនិយោគប្រកបដោយអភិវឌ្ឍចីរភាពឈានមុខគេនៅលើពិភពលោក។
ជាសាកលវិទ្យាល័យតែមួយគត់នៅប្រទេសវៀតណាម ជាប់ចំណាត់ថ្នាក់ទី ៨៦ ក្នុងចំណាត់ថ្នាក់កំពូលទាំង ១០០ នៃ WURI Ranking ២០២០។ ជាសាកលវិទ្យាល័យដែលមានឥទ្ធិពលនិងចូលរួមចំណែកយ៉ាងវិជ្ជមានដល់សហគមនិងស្ថិតក្នុងចំណាត់ថ្នាក់ទី ២៤ ក្នុងចំណោមកំពូលទាំង ៥០ ទាក់ទងនឹងគុណតម្លៃនៃសហគ្រិនភាពនិងនិម្មិតកម្មច្នៃប្រឌិត។
ជាសាកលវិទ្យាល័យមួយក្នុងចំណោមសាកលវិទ្យាល័យទាំង ១៥ ដែលក្រសួងអប់រំនិងបណ្តុះបណ្តាលអនុញ្ញាតិឱ្យរៀបចំការប្រឡងនិងវាយតម្លៃសមត្ថភាពភាសាអង់គ្លេស ស្របតាមក្របខ័ណ្ឌវាយតម្លៃសមត្ថភាពភាសាបរទេសនៃ៦កម្រិត។ មានគ្រូបង្រៀនចំនួន ០៦ នាក់ គ្រប់គុណសម្បទាទទួលបានងារជាសាស្ត្រាចារ្យរង និងគ្រូមួយចំនួនទៀតទទួលបានសញ្ញាប័ត្របណ្ឌិត… សកម្មភាពបណ្តុះបណ្តាល ការស្រាវជ្រាវវិទ្យាសាស្ត្រនិងកិច្ចសហប្រតិបត្តិការអន្តរជាតិតែងតែជំរុញនិងទទួលបានលទ្ធផលលេចធ្លោជាច្រើន។
ជាពិសេសក្នុងឆ្នាំសិក្សាកន្លងទៅ សាកលវិទ្យាល័យត្រាវិញបានផ្តោតការយកចិត្តទុកដាក់ខ្ពស់លើការស្រាវជ្រាវវិទ្យាសាស្ត្រ ហើយមានប្រធានបទចំនួន ៦០ ត្រូវបានអនុវត្ត។ អត្ថបទបានបោះពុម្ពផ្សាយនៅក្នុងទស្សនាវដ្តីឯកទេសអន្តរជាតិចំនួន ៣០។ ទស្សនាវដ្តីឯកទេសក្នុងប្រទេសជាង ១០០។ វចនានុក្រមពីរភាសាវៀតណាម - ខ្មែរនិងខ្មែរ - វៀតណាមបានបោះពុម្ពផ្សាយនិងដាក់ឱ្យប្រើប្រាស់ជាផ្លូវការ។
លទ្ធផលស្រាវជ្រាវមួយចំនួនរបស់គ្រូនិងនិស្សិតដូចជា៖ ស្រាវជ្រាវផលិតពូជបង្កងនាគឪម៉ែគ្មានជំងឺទទួលបានជោគជ័យ(គម្រោងថ្នាក់ក្រសួង) ។ ផលិតម៉ាស៊ីនខួង CNC ៣អ័ក្ស; ផលិតឧបករណ៍វាស់សីតុណ្ហភាពស្វ័យប្រវត្តិពីចម្ងាយដើម្បីចូលរួមការពារជំងឺ។ ផលិតឧបករណ៍លាងដៃស្ងួតដោយស្វ័យប្រវត្តិ។ ផលិតកង់អគ្គិសនីដែលមានទម្រង់ម៉ាក BMW ។
TVU តែងតែរក្សាទំនាក់ទំនងជាមួយដៃគូអន្តរជាតិជិត ៩០ អង្គភាព ហើយមានកិច្ចជំនួបជាមួយប្រទេសជប៉ុននិងកូរ៉េដើម្បីចុះហត្ថលេខាលើអនុស្សារណៈនៃកិច្ចសហប្រតិបត្តិការក្នុងការបណ្តុះបណ្តាល បង្កើនការស្រាវជ្រាវនិងអនុវត្តសម្រាប់និស្សិតលើគ្រប់វិស័យ អប់រំ វប្បធម៌ កសិកម្ម សុខាភិបាល។ល។
ទន្ទឹមនឹងនេះសាកលវិទ្យាល័យនៅតែបន្តពង្រឹងសកម្មភាពនានាដើម្បីគាំទ្រដល់និស្សិតផ្តើមអាជីវកម្មដូចជា៖ រៀបចំវេទិកាសំណេះសំណាល រវាងនិស្សិតផ្តើមអាជីវកម្មនឹងសហគ្រិន។ ដាក់កម្មវិធីសិក្សាផ្តើមអាជីវកម្មក្នុងកម្មវិធីសិក្សាទាំងមូល។ មានគម្រោងផ្តើមអាជីវកម្មចំនួន ០២ របស់និស្សិតដែលបានឈានដល់វគ្គផ្តាច់ព្រ័ត្រ (SV-STARTUP - ២០២០); មានគម្រោងចំនួន ០៥ នៅវគ្គពាក់កណ្តាលផ្តាច់ព្រ័ត្រនៃពានរង្វាន់ ទេពកោសល្យលួងវ៉ាន់កាន។ គំរូសហករណ៍ក្នុងនិស្សិតនៅរក្សានិងបន្តអភិវឌ្ឍ។ និស្សិតរាប់ពាន់នាក់បានឧទ្ទេសនាមការងារភ្លាមៗបន្ទាប់ពីបញ្ចប់ការសិក្សា។ សាកលវិទ្យាល័យត្រាវិញបានចុះហត្ថលេខាលើកិច្ចព្រមព្រៀងសហប្រតិបត្តិការជាច្រើនជាមួយសហគ្រាសនិងក្រុមហ៊ុនក្នុងស្រុកនិងបរទេស និងបានក្លាយជាសមាជិកនៃបណ្តាញស្វែងរកការងារនិងផ្តើមអាជីវកម្មសម្រាប់និស្សិតវៀតណាម។ល។