គំនិតថ្មីសន្លាងនៃនិស្សិតសាកលវិទ្យាល័យត្រាវិញ៖ ច្នៃសំបកបង្កងក្តាមទៅជាប្លាស្ទិចជីវសាស្ត្រ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 23 វិច្ឆិកា 2020
- ចុចដង៖ 529
ពីកាកសំណល់ជលផល «បោះចោល» ដែលបំពុលបរិស្ថាន ក្រុមនិស្សិតនៃសាកលវិទ្យាល័យត្រាវិញបានទាញយកអត្ថប្រយោជន៍ពីការកែច្នៃដើម្បីផលិតទៅជាផ្លាស្ទិចជីវសាស្ត្រ។
ប្រធានក្រុមស្រាវជ្រាវគឺប្អូន ង្វៀន ភឿងខាញ់ (អាយុ ២២ ឆ្នាំ) ជានិស្សិតឆ្នាំទី ៤ ជំនាញវិស្វកម្មគីមីសាស្ត្រ នៃសាកលវិទ្យាល័យត្រាវិញ មានស្រុកកំណើតនៅឃុំឡុងវិញ(ស្រុកយ្វៀនហាយ ខេត្តត្រាវិញ)។ តំបន់នេះ ភាគច្រើនជាតំបន់ជលវប្បកម្ម ជាពិសេសចិញ្ចឹមបង្កង ចំណែកគ្រួសាររបស់ខាញ់មានស្រះចិញ្ចឹមបង្កង ៦ ហិកតាផងដែរ។ នៅតំបន់វាលរាបទន្លេគឺវឡុងនិយាយរួមនិងនៅខេត្តត្រាវិញនិយាយដោយលែក គឺតំបន់ជលវប្បកម្មជាចម្បង។ ជារៀងរាល់ឆ្នាំ បរិមាណសំបកបង្កងនិងក្តាមដែលត្រូវបានគេបោះបង់ចោលមិនបានប្រើនោះ មានផលប៉ះពាល់យ៉ាងខ្លាំងដល់បរិស្ថាន។ ការឃើញទិដ្ឋភាពដែលអ្នកចិញ្ចឹមស្រង់សំបកបង្កងនិងក្តាមពីបាតស្រះរហូតដល់នៅលើមាត់ស្រះ បង្កការបំពុលបរិស្ថានចាប់តាំងពីឆ្នាំ ២០១៨ មក។ ខ្ញុំមានគំនិតផ្តូចផ្តើមកែច្នៃនូវកាកសំណាល់បែបនេះ គឺធ្វើយ៉ាងណាទាញយកប្រយោជន៍ពីសំបកបង្កងនិងក្តាមដើម្បីបង្កើតជាផលិតផលប្លាស្ទិកជីវសាស្ត្រ។
ភឿងខាញ់បានបង្កើតក្រុមមួយដែលមានសមាជិក៤នាក់ ហើយមានគំនិតដូចគ្នាក្នុងការកែច្នៃកាកសំណល់ទៅជាប្លាស្ទិចជីវសាស្ត្រដើម្បីជំនួសប្លាស្ទិកធម្មតា ជួយកាត់បន្ថយកាកសំណល់ប្លាស្ទិចនិងរួមចំណែកបង្កើតការងារនៅភូមិស្រុក។
ប្អូនភឿងខាញ់ឱ្យដឹងថា «កសិករចិញ្ចឹមបង្កង គឺបន្ទាប់ពីចិញ្ចឹមអស់រយៈពេល១,៥ ខែ គឺរៀងរាល់កន្លះខែម្តង គាត់ត្រូវរើសយកសំណាល់សំបកបង្កងនៅលើទឹកដើម្បីសំអាតស្រះ។ កាកសំណល់ត្រូវបានគរដូចភ្នំ មានរុយរោមច្រើន ធ្វើឱ្យបំពុលបរិស្ថាន។ ប្រសិនបើច្នៃទៅជាជីកំប៉ុស្ត វាត្រូវការពេលវេលាយ៉ាងតិច ១,៥ ខែដើម្បីរលួយ។ ហើយមិនទាន់គិតក្នុងកំឡុងពេលរលួយនឹងបញ្ចេញក្លិនមិនល្អជុំវិញតំបន់ជីកំប៉ុស្ត។ ដូច្នេះក្រុមរបស់យើងប្រមូលសំរាមប្រភេទទាំងនេះហើយកែច្នៃវាទៅជាប្លាស្ទិចជីវសាស្រ្តដែលជួយកាត់បន្ថយការបំពុលបរិស្ថាននិងនាំមកនូវតម្លៃសេដ្ឋកិច្ចខ្ពស់។»
រក្សាបរិស្ថានស្អាត
មិត្ត ជុងមីភុក និស្សិតឆ្នាំទី ៤ នៃសាកលវិទ្យាល័យត្រាវិញ សមាជិកនៃក្រុមស្រាវជ្រាវ បានចែករំលែកថា ផលិតផលប្លាស្ទិកជីវសាស្ត្រ មានប្រភពពីធម្មជាតិដូច្នេះពួកគេមានសុវត្ថិភាពសម្រាប់សុខភាពអ្នកប្រើប្រាស់និងសមស្របជាមួយបរិស្ថាន។ ផលិតផលមួយចំនួនដែលក្រុមផលិតបានគឺជាវត្ថុដែលប្រើប្រាស់ប្រចាំថ្ងៃដូចជា៖ ពែង ចាន ស្លាបព្រា បំពង់បឺត ថង់ប្លាស្ទិច ... «ជាពិសេសយើងកំណត់គោលដៅផលិតផលសម្រាប់កុមារនិងឧបករណ៍ពេទ្យ» មីភុកបានចែករំលែកដូច្នោះ។
យោងទៅតាម មីភុក សំបកបង្កង ក្តាមនិងសំបកបង្គាប្រភេទផ្សេងទៀត អាចប្រមូលមកនឹងកែច្នៃទៅជាប្លាស្ទិចជីវសាស្ត្របានដូចគ្នា។ សំបកប្រភេទទាំងនេះ មានច្រើននៅខេត្តត្រាវិញនិងខេត្តជិតខាង។ ផលិតផលប្លាស្ទិកជីវសាស្ត្រដែលបានកែច្នៃពីកាកសំណល់នេះ នៅពេលដែលរលួយនឹងមិនប៉ះពាល់ដល់សុខភាព។ មីភុក បាននិយាយថា ដំណើរការនៃការផលិតរួមមាន៖ ប្រមូលវត្ថុធាតុដើមពីស្រះចិញ្ចឹមរបស់កសិករហើយបន្ទាប់មកកែច្នៃបឋមដោយលាងសម្អាតរួចហាលស្ងួត។ បន្ទាប់មកប្រើម៉ាស៊ីនកិន; ការយកចេញនៃសារធាតុរ៉ែ ប្រូតេអ៊ីន; ចុងបញ្ចប់វាត្រូវបានលាយបញ្ចូលគ្នាដើម្បីបង្កើតប្លាស្ទិកជីវសាស្ត្រ។ នៅក្នុងផលិតផលដែលបានសម្រេចជាស្ថាពរសំបកបង្កងមានចំនួន ៦៥% ចំណែករបស់ដែលនៅសល់គឺជាសារធាតុផ្សេងទៀត (ប្លាស្ទិក សារធាតុពណ៌ ប្រេងប្លាស្ទិក ... )គ្មានធំក្លិន។
និយាយអំពីតម្លៃសេដ្ឋកិច្ច ប្រធានក្រុម គឺប្អូន ង្វៀនភឿងខាញ់ បាននិយាយថា «បច្ចុប្បន្នក្រុមការងារបានលក់ក្នុងតម្លៃ ១៥ 000ដុងក្នុងបំពង់ចំនួន១០ នៃប្រភេទ ២៥០ml។ នោះជាតម្លៃផលិតដោយដៃ។ ប្រសិនបើវាត្រូវបានវិនិយោគលើគ្រឿងម៉ាស៊ីននិងឧបករណ៍ខ្នាតធំនិងទំនើបតម្លៃនឹងកាន់តែថោកជាងនេះទៅទៀត។»
