“Symphony Of Life” សារដែលមានអត្ថន័យនៃរាត្រី Get together
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 24 ធ្នូ 2020
- ចុចដង៖ 481
(TVU) - នាល្ងាចថ្ងៃទី ១៨ ខែធ្នូឆ្នាំ ២០២០ រាត្រីប្រគុំតន្រ្តីប្រចាំឆ្នាំ Get together បានរៀបចំឡើងនៅទីលានមហាវិទ្យាល័យកសិកម្ម-ជលវប្បកម្មនៃសាកលវិទ្យាល័យត្រាវិញ។ កម្មវិធីនេះបានប្រព្រឹត្តឡើងជារៀងរាល់ឆ្នាំ និងឆ្នាំនេះជាលើកទី១៧ ហើយដែលមហាវិទ្យាល័យភាសាបរទេសរៀបចំនិងសម្តែងផ្ទាល់។
ប្រគុំតន្ត្រី Get together ឆ្នាំ២០២០ មាននិស្សិតនិងសាស្ត្រាចារ្យជាង ១៥០នាក់ចូលរួមសម្តែងដោយមានឈុតឆាកពិសេសជាច្រើនដូចជា៖ ច្រៀងជាគូ ច្រៀងជាក្រុម រាំសម័យ ឆាកកំប្លែញ បង្ហាញម៉ូដ,... បង្ហាញលក្ខណៈវប្បធម៌នៃបណ្តាជនជាតិដោយប្រើភាសាអង់គ្លេស បារាំង និងចិន។
ថ្លែងសុន្ទរកថាបើកកម្មវិធី សាស្ត្រាចារ្យបណ្ឌិត ផាម ទៀតខាញ់ សាកលវិទ្យាធិការនៃសាកលវិទ្យាល័យត្រាវិញបានលើកឡើងថា៖ ជារៀងរាល់ឆ្នាំ និស្សិតនៃមហាវិទ្យាល័យភាសាបរទេសតែងរៀបចំកម្មវិធី Get together ក្រោមការឧបត្ថម្ភគាំទ្រពីសាស្រ្តាចារ្យនិងនិស្សិតទាំងឡាយ នេះគឺជាការខិតខំប្រឹងប្រែងរួមរបស់សិស្សនិងគ្រូគ្រប់ៗគ្នា ខ្ញុំពិតជារីករាយនិងសូមជូនពរដល់លោកគ្រូអ្នកគ្រូព្រមទាំងសិស្សានុសិស្សនូវរដូវបុណ្យណូអែលប្រកបដោយភាពសប្បាយរីករាយនិងមានសំណាងល្អនៅឆ្នាំថ្មី ២០២១ ។
និស្សិតង្វៀន ង៉ុកថាវ ថ្នាក់ភាសាអង់គ្លេសឆ្នាំ ២០១៧ មានអារម្មណ៍ថា កម្មវិធីនេះជាការប្រគុំតន្ត្រីពិសេសនិងមហោឡារិក ជាមួយបទចំរៀងសម័យនិងស្នាដៃបុរាណជាច្រើន។ និស្សិតនៃមហាវិទ្យាល័យភាសាបរទេសបង្ហាញពីភាពប៉ិនប្រសប់ ភាពស្វាហាប់ លក្ខណៈបុគ្គលក្នុងការឆ្លុះបញ្ចាំងភាពស្ទាត់ជំនាញក្នុងឈុតរបាំនីមួយៗ របាំសហសម័យ សម្លៀកបំពាក់ម៉ូដគួរឱ្យចាប់អារម្មណ៍។ ភាគច្រើននៃបទចម្រៀងដែលបានសម្តែងនៅក្នុងកម្មវិធីនេះគឺជាបទចម្រៀងល្បី ៗ ដូចជា Love yourself, Lavie en rose, On écrit sur les murs, Safe and sound…
“Symphony Of Life” ជាមួយនឹងបទភ្លេងបំពេអារម្មណ៍ដែលនិស្សិតនិងសាស្រ្តាចារ្យសាកលវិទ្យាល័យចង់ផ្តាំផ្ញើថា «កុំរំពឹងថាក្នុងជីវិតតែងមានក្តីសុខជានិច្ច ពេលខ្លះជីវិតត្រូវជួបឧបសគ្គត្រដាបត្រដួសឡើងចុះ ទើបជួយឱ្យយើងអភិវឌ្ឍខ្លួននិងរីកចម្រើនជារៀងរាល់ថ្ងៃ និងចេះព្យាយាមឈានឡើងឥតឈប់ឈរនោះអ្នកនឹងទទួលបាននូវបំណងប្រាថ្នារបស់អ្នក។ ចេះហ៊ានសុបិនហើយប្រឹងប្រែងអនុវត្តវាឱ្យអស់ពីសមត្ថភាពដើម្បីក្តិសុបិននោះ។ ជីវិតនេះខ្លីណាស់ដូច្នេះសូមរស់នៅប្រកបដោយអត្ថន័យដោយគ្មានការសោកស្តាយ។»
