ផលិតផលជីវសាស្រ្តកំចាត់សត្វល្អិតពីគ្រាប់ទៀបព្រៃ(ផ្លែហឺត)
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 25 ធ្នូ 2020
- ចុចដង៖ 601
(TVU) - គំនិតផ្តួចផ្តើមបង្កើតអាជីវកម្មថ្មីមួយរបស់ក្រុមនិស្សិតសាកលវិទ្យាល័យត្រាវិញគឺផលិតផលជីវសាស្ត្រកំចាត់សត្វល្អិតកែច្នៃពីគ្រាប់ទៀបព្រៃ គឺរួមចំណែកកាត់បន្ថយផលប៉ះពាល់និងការពាររុក្ខជាតិទៅលើបរិស្ថាននិងសុខភាពមនុស្ស។
បច្ចុប្បន្នឥទ្ធិពលនៃថ្នាំសម្លាប់សត្វល្អិតនិងសំណល់ជាតិពុលនៅតែជាបញ្ហាពិបាកដោះស្រាយនៅពេលថ្នាំការពាររុក្ខជាតិត្រូវបានប្រើប្រាស់តាមអំពើចិត្តបង្កឱ្យមានការពុលដល់អ្នកប្រើប្រាស់និងបំពុលបរិស្ថានហើយអាចមានផលប៉ះពាល់ដល់ដំណាំប្រសិនបើកំរិតប្រើមិនបានគ្រប់គ្រងល្អ។
តថភាពជាក់ស្តែងនេះ ក្រុមនិស្សិតមកពីសាកលវិទ្យាល័យត្រាវិញរួមមានប្អូន ង្វៀន ធី ទៀវមី (មុខជំនាញភាសាអង់គ្លេស A ឆ្នាំ ២០១៧) ង្វៀនភឿងខាញ (មុខជំនាញគីមីអនុវត្តឆ្នាំ ២០១៦) និងង្វៀនធីង៉ុកហឹង(មុខជំនាញគ្រប់គ្រងពាណិជ្ជកម្ម B ឆ្នាំ ២០១៨)បានសិក្សានិងស្រាវជ្រាវផលិតផលជីវសាស្ត្រមួយដែលអនុវត្តបច្ចេកវិទ្យាណាណូ(nano) ម៉ាស៊ីនទំនើបនិងបច្ចេកទេសក្នុងដំណើរការផលិត។ នោះគឺជាផលិតផលជីវសាស្ត្រកំចាត់សត្វល្អិតដែលផលិតចេញពីគ្រាប់ទៀបព្រៃ។
ដើមទៀបព្រៃត្រូវបានគេចាត់ទុកថាជារុក្ខជាតិមួយដែលសម្របខ្លួនទៅនឹងការប្រែប្រួលអាកាសធាតុ វាអាចរស់បានចំពោះបរិស្ថានខុសៗគ្នា។ វាជាឱសថមួយដែលគេចម្រាញ់យកជាតិពីស្លឹក ដើម ឫស ផ្លែនិងសូម្បីតែគ្រាប់របស់វាក៏ត្រូវបានគេប្រើប្រាស់យ៉ាងពេញនិយមផងដែ។កសិករភាគច្រើនច្នៃគ្រាប់ទៀបព្រៃតាមវិធីប្រពៃណីហើយក្នុងកំរិតគ្រួសារតែប៉ុណ្ណោះ។
ប្អូន ង្វៀន ធី ទៀវមី ប្រធានក្រុមស្រាវជ្រាវមានប្រសាសន៍ឱ្យដឹងថា៖ ផលិតផលនេះគឺជាការរួមបញ្ចូលគ្នារវាងសារជាតិចម្រាញ់ចេញពីគ្រាប់ទៀបព្រៃនិងណាណូស័ង្កសីដោយមានម៉ាក Bio-Exa។ ផលិតផលនេះគឺមានសារសំខាន់ក្នុងវិធីការពាររុក្ខជាតិនិងកំចាត់ប្រភេទសត្វល្អិតលើដើមឈើហូបផ្លែនិងបន្លែគ្រប់ប្រភេទ។
ផលិតផលនេះមានចំណុះ ២៥០ml ក្នុង១ដប និងមានកំរិតនៃការប្រើគឺលាយ ១២៥ml សម្រាប់ធុងបាញ់មានចំណុះទឹក ១៦ លីត។ ផលិតផលមានសារជាតិណាណូស័ង្កសីអាចកំចាត់សត្វល្អិតដង្កូវចៃគ្រប់ប្រភេទដោយមានប្រសិទ្ធភាព។ ផលិតផលនេះ មានគុណភាពកើនឡើងដោយសារអនុវត្តបច្ចេកវិទ្យាណាណូ ហើយផលិតផលក៏ជំនួយបង្កើនចរន្តផ្លាស់ប្តូរស្រូបយកសារធាតុដល់ស្លឹកផងដែរ។ ជាពិសេសមានសុវត្ថិភាពសម្រាប់អ្នកប្រើប្រាស់ បរិស្ថានជុំវិញដែលសមស្របនឹងនិន្នាការកសិកម្មបៃតងជាមួយនឹងដំណើរការផលិតកម្មប្រកបដោយការច្នៃប្រឌិតថ្មីនិងសន្សំសំចៃកាត់បន្ថយថ្លៃដើម។