ក្រូចឃ្វិចស្ករស្រុកកាងឡុងជាប់លំដាប់ស្តង់ដារ VietGAP
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 13 មករា 2021
- ចុចដង៖ 518
គម្រោងទ្រទ្រង់អភិវឌ្ឍការផលិតក្រូចឃ្វិចស្ករក្រោមការឧបត្ថម្ភនៃកម្មវិធីគោលដៅរបស់ជាតិ (MTQG) សម្រាប់ការកសាងជនបទថ្មី (ខែកញ្ញាឆ្នាំ ២០២០ ដល់ខែធ្នូឆ្នាំ ២០២០) អនុវត្តនិងផ្ទេរបច្ចេកទេសដោយមជ្ឈមណ្ឌលស្រាវជ្រាវការបន្ស៊ាំនិងការប្រែប្រួលអាកាសធាតុ ជំនួយអភិវឌ្ឍន៍សហគមន៍ (CRCS)។ គម្រោងនេះត្រូវបានអនុវត្តក្នុងរយៈពេល៤ខែ និងផ្ទេរជូនប្រជាជននៅឃុំប៊ិញភូស្រុកកាងឡុងនាំមកនូវប្រសិទ្ធភាពសេដ្ឋកិច្ចខ្ពស់។
លោក ង្វៀន ត្រឿងស៊ីញ នាយករងនៃមជ្ឈមណ្ឌល CRCS មានប្រសាសន៍ថា គោលដៅនៃគម្រោងនេះគឺផ្តោតលើការគាំទ្រដល់ការអភិវឌ្ឍផលិតក្រូចឃ្វិចស្ករតាមស្តង់ដារ VietGAP ផ្សារភ្ជាប់បញ្តាញតម្លៃទីផ្សារ និងការប្រើប្រាស់ផលិតផលនៅឃុំប៊ិញភូ។
CRCS សហការជាមួយការិយាល័យកសិកម្មស្រុកកាងឡុងអនុវត្តគម្រោងនេះ ក្នុងរយៈពេល ៤ ខែគឺ ចាប់ពីខែកញ្ញាឆ្នាំ ២០២០ ដល់ខែធ្នូឆ្នាំ ២០២០ និងចំណាយថវិកាសរុបចំនួន ១.៣៩៥.៩៦៣.៩៤៦ ដុង។ ក្នុងនោះថវិកាចំនួន ៤៨៩.៩៧៩.៩៤៦ ដុងទាញចេញពីមូលនិធិនៃកម្មវិធីគោលដៅជាតិសម្រាប់ការកសាងជនបទថ្មី ហើយថវិកាដែលនៅសល់គឺការចូលរួមរបស់ប្រជាជនក្នុងតំបន់។
លទ្ធផលគម្រោងទទួលបានលើសពីគោលដៅដែលបានរំពឹងទុកគឺ ក្រូចឃ្វិចដាំបាន ២០ ហិកតា និងទទួលបានលំដាប់ស្តង់ដារ VietGAP ។ ទិន្នផលប្រចាំឆ្នាំដែលបានប៉ាន់ស្មាននឹងផ្គត់ផ្គង់ដល់ទីផ្សារគឺផ្លែឈើចំនួន ៣៤០ តោន។ នេះជាជំហានដ៏ល្អមួយដើម្បីនាំយកផលិតផលផ្លែក្រូចឃ្វិចស្កររបស់ស្រុកកាងឡុងទៅកាន់ទីផ្សារក្នុងស្រុកនិងក្រៅស្រុកបង្កើនចំណូលនិងផលប្រយោជន៍សេដ្ឋកិច្ចជាច្រើនដល់ប្រជាជនក្នុងស្រុក។
