កិច្ចជំនួបនៃនិស្សិតបរទេសកម្ពុជានាឱកាសបុណ្យចូលឆ្នាំថ្មីប្រពៃណីវៀតណាម២០២១
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 01 កុម្ភៈ 2021
- ចុចដង៖ 460
(TVU) – ថ្ងៃទី២៩ ខែមករា លោកថាច់យឺ អតីតអនុរដ្ឋមន្រ្តីក្រសួងការបរទេស ឯកអគ្គរដ្ឋទូតនៃសាធារណរដ្ឋសង្គមនិយមវៀតណាមប្រចាំនៅព្រះរាជាណាចក្រកម្ពុជា បានមកសួរសុខទុក្ខនិងប្រគល់វត្ថុអនុស្សាវរីយ៍ដល់និស្សិតកម្ពុជាដែលកំពុងសិក្សានៅសាកលវិទ្យាល័យត្រាវិញនាឱកាសអបអរសាទរបុណ្យចូលឆ្នាំថ្មីប្រពៃណីជាតិវៀតណាម ២០២១។
អញ្ជើញចូលរួមនៅមានសាស្ត្រាចារ្យបណ្ឌិតផាម ទៀតខាញ់ សាកលវិទ្យាធិការ អ្នកស្រីថាច់ ធីយ៉ឹន សាកលវិទ្យាធិការរងព្រមទាំងអ្នកតំណាងនៅអង្គភាពពាក់ព័ន្ធនានានិងនិស្សិតបរទេសទាំងឡាយកំពុងសិក្សានៅសាកលវិទ្យាល័យត្រាវិញ។
សាកលវិទ្យាធិការនៃសាកលវិទ្យាល័យត្រាវិញមានប្រសាសន៍ថា៖ ជារៀងរាល់ឆ្នាំ តាមកាលបរិច្ឆេតឈប់សម្រាកចូលឆ្នាំវៀតណាម គឺប្អូនៗនិស្សិតបរទេសនឹងបានត្រឡប់ទៅស្រុកជួបជុំគ្រួសារ ប៉ុន្តែដោយស្ថានភាពជំងឺកូវីដឆ្នាំនេះប្អូនៗមិនបានត្រឡប់ទៅស្រុកទេ ប្អូនៗត្រូវសម្រាកនៅវៀតណាមនិងចូលរួមអនុវត្តល្អនូវវិធានការបង្ការនិងការពារជំងឺកូវីដតាមបទដ្ឋានកំណត់។
ដើម្បីជួយឱ្យពួកគេមានបរិយាកាសកក់ក្តៅនិងរីករាយសម្រាប់ពិធីបុណ្យចូលឆ្នាំវៀតណាមជាមួយនិស្សិតវៀតណាម សាកលវិទ្យាធិការបានស្នើដល់អង្គភាពពាក់ព័ន្ធបង្កលក្ខណៈងាយស្រួលសម្រាប់និស្សិតកម្ពុជាមានឱកាសរីករាយទទួលចូលឆ្នាំជាមួយក្រុមគ្រួសារនិស្សិតវៀតណាមក៏ដូចជាការផ្លាស់ប្តូរវប្បធម៌វៀតណាម។
ថ្លែងនៅក្នុងអង្គប្រជុំ លោកថាច់យឺ សម្តែងការសប្បាយចិត្តនិងរីករាយដែលនិស្សិតបរទេសនៅសាកលវិទ្យាល័យត្រាវិញតែងតែសកម្ម សាមគ្គីភាពនិងព្យាយាមក្នុងការសិក្សា។
ក្នុងស្ថានភាពបច្ចុប្បន្ន លោកមានបំណងនិស្សិតកម្ពុជាស្នាក់នៅប្រទេសវៀតណាមគឺនៅត្រាវិញដើម្បីទទួលឆ្នាំថ្មីជាមួយនឹងនិស្សិតវៀតណាម បន្តឈ្វេងយល់ពីវប្បធម៌វៀតណាម ផ្លាស់ប្តូរការសិក្សា បទពិសោធន៍ជាមួយគ្នាទៅវិញទៅមក និងខិតខំប្រឹងប្រែងក្នុងការសិក្សា សុក្រឹតភាពជំនាញវិជ្ជាជីវៈដើម្បីយកចំណេះវិជ្ជាមកបម្រើប្រទេសជាតិរបស់ខ្លួននៅពេលវិលត្រឡប់ទៅស្រុកវិញ។
ប្អូន នុតផេង និស្សិតឆ្នាំទី ៣ ជំនាញពហុវេជ្ជសាស្ត្រមានក្តីរំភើបនិងថ្លែងថា សាកលវិទ្យាល័យត្រាវិញជាផ្ទះទី ២។
«យើងខ្ញុំបានរៀនភាសាវប្បធម៌របស់ប្រទេសមិត្ត សិក្សាភាសាវៀតណាមប្រកបដោយវិជ្ជាជីវៈនិងទំនុកចិត្តដោយសារការណែនាំនិងការគាំទ្រពីគ្រូនិងនិស្សិតវៀតណាម។ នេះជាបរិយាកាសរៀនសូត្រប្រកបដោយភាពស្វាហាប់ដែលនាំមកនូវបទពិសោធន៍ជាច្រើនសំរាប់និស្សិតបរទេស ជាពិសេសជីវិតនៅត្រាវិញមានសុវត្ថិភាពនិងរួសរាយរាក់ទាក់ដូចនៅក្នុងប្រទេសរបស់ខ្លួន»
ក្នុងឱកាសនេះប្អូននុតផេង តំណាងឱ្យនិស្សិតបរទេសកម្ពុជាថ្លែងអំណរគុណដល់រដ្ឋាភិបាលវៀតណាមឯកអគ្គរដ្ឋទូតវៀតណាមប្រចាំនៅកម្ពុជាដែលបានបង្កលក្ខខណៈងាយស្រួលសម្រាប់និស្សិតកម្ពុជាមកសិក្សានៅសាកលវិទ្យាល័យត្រាវិញគឺបានសិក្សានូវចំណេះដឹងនិងបទពិសោធន៍មានប្រយោជន៍សម្រាប់បម្រើប្រទេសជាតិនៅពេលអនាគត។
ក្នុងឱកាសអបអរសាទរចូលឆ្នាំថ្មី ២០២១ លោកថាច់យឺ និងក្រុមប្រឹក្សាភិបាលសាកលវិទ្យាល័យត្រាវិញបានប្រគល់វត្ថុអនុស្សាវរីយ៍ដល់និស្សិតបរទេស ដោយមានបំណងឱ្យពួកគេបានចូលរួមសប្បាយរីករាយក្នុងអំណរបុណ្យចូលឆ្នាំថ្មីប្រពៃណីវៀតណាមប្រកបដោយភាពកក់ក្តៅសុខដុមរមនានិងមានអត្ថន័យ។
