សាកលវិទ្យាល័យត្រាវិញ បានចុះហត្ថលេខា និងពង្រីកកិច្ចសហប្រតិបត្តិការអន្តរជាតិ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 17 សីហា 2021
- ចុចដង៖ 491
សាកលវិទ្យាល័យត្រាវិញបានចុះហត្ថលេខាលើកិច្ចសហប្រតិបត្តិការលើកម្មវិធីសិក្សាថ្នាក់អនុបណ្ឌិតតាមអនឡាញផ្នែកបង្រៀនភាសាអង់គ្លេសជាមួយសាកលវិទ្យាល័យ Samar State - ប្រទេសហ្វីលីពីន និងបានចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការក្នុងការផ្លាស់ប្តូរសាស្រ្តាចារ្យ ការស្រាវជ្រាវ ការរៀននិងបង្រៀន ព្រមទាំងរួមសហការអនុវត្តគម្រោងស្រាវជ្រាវ ការផ្តួចផ្ដើមគំនិតរួម និងកម្មវិធីអភិវឌ្ឍវិជ្ជាជីវៈផ្សេងៗទៀតជាមួយសាកលវិទ្យាល័យបច្ចេកវិទ្យាម៉ាឡេស៊ី (ហៅកាត់ថា UTM Space)
TVU -កាលពីសប្តាហ៍មុន បណ្ឌិត សាស្រ្តាចារ្យរង Pham Tiet Khanhសាកលវិទ្យាធិការនៃសាកលវិទ្យាល័យត្រាវិញ និងបណ្ឌិត Marilyn Cardosoសាកលវិទ្យាធិការនៃសាកលវិទ្យាល័យSamar State - ប្រទេសហ្វីលីពីនបានចូលរួមកិច្ចប្រជុំតាមប្រព័ន្ធអនឡាញ និងចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការកម្មវិធីសិក្សាថ្នាក់អនុបណ្ឌិតតាមប្រព័ន្ធអនឡាញផ្នែកអប់រំឯកទេសការបង្រៀនភាសាអង់គ្លេស។ កម្មវិធីសិក្សាតាមប្រព័ន្ធអនឡាញថ្នាក់អនុបណ្ឌិតជាលើកដំបូងនេះ គ្រោងនឹងបើកវគ្គ និងចាប់ផ្ដើមសិក្សានៅដើមឆ្នាំ ២០២២នេះ។
បណ្ឌិត សាស្ត្រាចារ្យរង Pham Tiet Khanhបានវាយតម្លៃខ្ពស់ចំពោះស្មារតីនៃកិច្ចសហប្រតិបត្តិការ ក៏ដូចជាលទ្ធផលនៃការអនុវត្តរាល់ការព្រមព្រៀងដែលបានចុះហត្ថលេខានៅឆ្នាំក្នុង២០១៩ របស់ភាគីទាំងពីរ។ សាកលវិទ្យាធិការនៃសាកលវិទ្យាល័យត្រាវិញសង្ឃឹមថារាល់ការព្រមព្រៀងនឹងត្រូវបានភាគីទាំងពីរអនុវត្តឱ្យត្រូវទៅតាមកាលកំណត់និងទាន់ពេលវេលាដើម្បីធានាសម្រាប់ការជ្រើសរើសនិស្សិតវគ្គដំបូង ឯកទេសការបង្រៀនភាសាអង់គ្លេសនាពេលខាងមុខនេះ។
ក្នុងពេលជាមួយគ្នានេះផងដែរ សាកលវិទ្យាល័យត្រាវិញ និងមជ្ឈមណ្ឌលអប់រំបន្តនិងវិជ្ជាជីវៈចំណុះសាកលវិទ្យាល័យបច្ចេកវិទ្យាម៉ាឡេស៊ី (UTM Space) បានរៀបចំកិច្ចប្រជុំតាមប្រព័ន្ធអនឡាញ និងចុះហត្ថលេខាលើអនុស្សរណៈនៃកិច្ចសហប្រតិបត្តិការទ្វេភាគីផងដែរ។
លោក Nguyen Minh Hoaសាកលវិទ្យាធិការរងនៃសាកលវិទ្យាល័យត្រាវិញ និង បណ្ឌិត សាស្រ្តាចារ្យ Azlan Abd Rahmanនាយកនៃ UTMSpaceបានចុះហត្ថលេខាលើអនុស្សរណៈនៃការយោគយល់គ្នាដោយមានវត្តមានថ្នាក់ដឹកនាំនៃភាគីទាំងពីរ និងតំណាងសមាគមមហាវិទ្យាល័យសហគមន៍វៀតណាម។
ខ្លឹមសារនៃអនុស្សរណៈនេះរួមមាន៖ ការផ្តល់នូវកម្មវិធីសិក្សារបស់ UTMSpaceនៅប្រទេសវៀតណាមការផ្លាស់ប្តូរសាស្រ្តាចារ្យ ការសិក្សាស្រាវជ្រាវ ការបង្រៀននិងរៀន រួមគ្នាក្នុងគម្រោងសិក្សាស្រាវជ្រាវ ការផ្តួចផ្តើមគំនិតរួមគ្នា និងកម្មវិធីអភិវឌ្ឍវិជ្ជាជីវៈដូចជាការបណ្តុះបណ្តាលនិងចាត់តាំងអង្គសិក្ខាសាលា ការផ្លាស់ប្តូរនិស្សិត និងការប្តូរក្រេឌិតរវាងកម្មវិធីសិក្សារបស់ភាគីទាំងពីរ។
ក្នុងឱកាសនេះផងដែរ បណ្ឌិត Nguyen Minh Hoa ក៏បានលើកឡើងអំពីសកម្មភាពមួយចំនួនដែលអាចត្រូវបានអនុវត្ត ជាពិសេសដូចជាការរៀបចំអង្គសិក្ខាសាលាអន្តរជាតិរបស់មហាវិទ្យាល័យវិស្វកម្មនិងបច្ចេកវិទ្យា ការរៀបចំអង្គសិក្ខាសាលាជាប្រចាំដើម្បីចែករំលែកបទពិសោធន៍និងសហការក្នុងកម្មវិធីសិក្សា បណ្ដុះបណ្ដាលតាមពីរបែប (៣+១ និង២+២) ការធ្វើកម្មសិក្សា ការផ្លាស់ប្តូរសាស្ត្រាចារ្យ និងនិស្សិតជាដើម។
ប្រែដោយ៖ Se Ha