ពិធីប្រកួតកីឡាបាល់ទាត់អំណរបុណ្យចូលឆ្នាំថ្មីប្រពៃណីខ្មែរឆ្នាំ២០២២
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 28 មីនា 2022
- ចុចដង៖ 401
ចាប់ពីថ្ងៃទី១៩ ដល់ថ្ងៃទី២២ ខែមីនា ឆ្នាំ២០២២ នៅទីលានបាល់ទាត់ នៃសាកលវិទ្យាល័យត្រាវិញ សាលាបានចាត់តាំងការប្រកួតកីឡាបាល់ទាត់បុរសនិងបាល់ទាត់នារីជាជនជាតិខ្មែរដែលកំពុងសិក្សានៅសាកលវិទ្យាល័យត្រាវិញ ដើម្បីអំណរបុណ្យឆ្នាំចូលឆ្នាំថ្មីប្រពៃណីខ្មែរ ឆ្នាំ២០២២ ។
ក្នុងពិធីប្រកួតបាល់ទាត់ឆ្នាំនេះ មានការចូលរួមរបស់និស្សិតបុរសនារី ជាង៥០នាក់ ហើយបានចែកជា២រង្វាន់ គឺពានរង្វាន់បាល់ទាត់បុរស និងពានរង្វាន់បាល់ទាត់នារី។ ក្រុមប្រកួតបាល់ទាត់បុរសមានចំនួន ០៤ក្រុម ក្នុងនោះរួមមាន៖ ក្រុមក្លិបវប្បធម៌ - វិចិត្រសិល្បៈខ្មែរ; ក្រុមមហាវិទ្យាល័យភាសា - វប្បធម៌ - វិចិត្រសិល្បៈខ្មែរណាមបូ; ក្រុមអន្តេវាសិកដ្ឋានសាកលវិទ្យាល័យត្រាវិញ និងក្រុមនិស្សិតកម្ពុជា។ ចំណែកបាល់ទាត់នារីវិញ មានក្រុមចំនួន៣បានចូលរួម មានដូចជា៖ ក្រុមក្លិបវប្បធម៌ - វិចិត្រសិល្បៈខ្មែរ; ក្រុមមហាវិទ្យាល័យភាសា - វប្បធម៌ - វិចិត្រសិល្បៈខ្មែរណាមបូ និងក្រុមអន្តេវាសិកដ្ឋាន សាកលវិទ្យាល័យត្រាវិញ ។
ពិធីប្រកួតបានប្រព្រឹត្តិឡើងអស់រយៈពេល៣ថ្ងៃ លទ្ធផលក្រុមបាល់ទាត់បុរសនិងនារី នៃក្លិបវប្បធម៌ - វិចិត្រសិល្បៈខ្មែរ ទទួលបានពានរង្វាន់លេខ១ ក្រុមបាល់ទាត់នារីអន្តេវាសិកដ្ឋាននៃសាកលវិទ្យាល័យត្រាវិញ និងក្រុមបាល់ទាត់និស្សិតកម្ពុជាទទួលពានរង្វាន់លេខ២ ហើយក្រុមបាល់ទាត់បុរសនិងក្រុមបាល់ទាត់នារី នៃមហាវិទ្យាល័យភាសា - វប្បធម៌ - វិចិត្រសិល្បៈខ្មែរណាមបូ ទទួលបានពានរង្វាន់លេខ៣។ តាមផែនការពានរង្វាន់នឹងប្រគល់ជូនដល់ក្រុមបាល់ទាត់ ក្នុងរាត្រីសម្ដែងសិល្បៈអំណរបុណ្យចូលឆ្នាំថ្មីនៅថ្ងៃទី៨ ខែមេសា ឆ្នាំ២០២២ខាងមុខនេះ ។
មុននោះ នៅវេលាម៉ោង ៧:០០ ព្រឹក ថ្ងៃទី ១៩ ខែមីនាឆ្នាំ២០២២ ក្នុងពិធីបើកការប្រកួតកីឡាបាល់ទាត់បុរស នារីលើកនេះ សមមិត្ត Nguyen Dinh Chieu សមាជិកគណៈប្រតិបត្តិការសម្ព័ន្ធយុវជនកុម្មុយនិសហូជីមិញនៃសាកលវិទ្យាល័យត្រាវិញជាសមាជិកនៃគណៈចាត់តាំង បានលើកឡើងពីអត្ថន័យនៃសកម្មភាពមួយនេះហើយលើកទឹកចិត្តឲ្យនិស្សិតទាំងឡាយចូលរួមការប្រកួតដោយស្មារតីសប្បាយរីករាយ ចំណងមិត្តភាព។ ការប្រកួតបាល់ទាត់ទទួលបានការគាំទ្រអស់ពីចិត្តពីគ្រូបង្រៀននិងនិស្សិតមកពីបណ្តាមហាវិទ្យាល័យរបស់សាលា។
ក្រុមបាល់ទាត់បុរស នារីថតរូបទុកជាអនុស្សាវរីយ៍មុនពេលប្រកួត
ក្រុមបាលទាត់នារី មហាវិទ្យាល័យភាសា - វប្បធម៍ - វិចិត្រសិល្ប:ខ្មែរណាមបូ
នេះជាសកម្មភាពដែលរៀបចំឡើងដើម្បីអំណរបុណ្យចូលឆ្នាំថ្មីរបស់ជនជាតិខ្មែរឆ្នាំ២០២២ក្នុងសាលា ដើម្បីពង្រឹងចំណងសាមគ្គីរវាងនិស្សិត ហើយក៏ដើម្បី ហាត់ប្រាណថែរក្សាសុខភាពរាងកាយ លើកកម្ពស់គុណភាពហាត់ប្រាណនិងកីឡានៅសាលា។
អត្ថបទដោយ៖ Tran Thi Huyen (និស្សិតភាសាខ្មែរ ឆ្នាំ២០១៨)
ប្រែសម្រួលដោយ៖ Tran Thi Huyen