សាកលវិទ្យាល័យត្រាវិញបន្តកើនចំណាត់ថ្នាក់ក្នុងក្រុម ២០០សាកលវិទ្យាល័យបៃតងនិងអភិវឌ្ឍន៍ប្រកបដោយចីរភាព
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 30 ធ្នូ 2022
- ចុចដង៖ 221
ឆ្នាំ២០២២សាកលវិទ្យាល័យត្រាវិញជាប់ចំណាត់ថ្នាក់ទី១៣៨ កើន៤៣បើប្រៀបនឹងតារាងចំណាត់ថ្នាក់កាលពីខែធ្នូ ឆ្នាំ២០២១។ បន្តជាប់ក្នុងក្រុម២០០សាលាដែលអភិវឌ្ឍន៍ប្រកបដោយចីរភាព នេះបើតាមការចុះផ្សាយរបស់ UI Greenmetric World University Rankings កាលពីខែធ្នូ ឆ្នាំ២០២២។
ជាច្រើនឆ្នាំកន្លងមក ទន្ទឹមនឹងការលើកកម្ពស់គុណភាពបណ្តុះបណ្ដាល សាលាបានផ្ដោតសំខាន់ទៅលើការវិនិយោគសម្រាប់ការអភិវឌ្ឍប្រកបដោយចីរភាព ធានាបាននូវស្ដង់ដារគឺមជ្ឈដ្ឋានបៃតង ការគ្រប់គ្រងសាលា ហេដ្ឋារចនាសម្ព័ន្ធ ថាមពល ផ្ស៊ាំនឹងបម្រែបម្រួលអាកាសធាតុ គ្រប់គ្រងកាកសំណល់និងទឹកជាដើម។ គោលដៅរបស់សាលាគឺដើម្បីក្លាយជាគ្រឹះស្ថានបណ្តុះបណ្ដាលនិងស្រាវជ្រាវតាមទិសដៅអនុវត្តដែលមានកិត្យានុភាពនៅក្នុងប្រទេសក៏ដូចជាលើអន្តរជាតិ។ កសាងមជ្ឈដ្ឋានមួយដែលចម្រុះវប្បធម៌ដើម្បីជួយឱ្យនិស្សិតធ្វើសមាហរណកម្មបានល្អទៅនឹងមជ្ឈដ្ឋានការងារ ហើយឆ្ពោះទៅកាន់ទិសដៅក្លាយជាសាកលវិទ្យាល័យបៃតងនិងឈ្លាសវៃ។
ឆ្នាំនេះ ប្រព័ន្ធចំណាត់ថ្នាក់មាន១០៥០សាកលវិទ្យាល័យមកពី៨៥ប្រទេសលើពិភពលោក នៅវៀតណាមមានសាលា៣ដែលចូលរួមគឺសាកលវិទ្យាល័យតូងឌឹកថាំង សាកលវិទ្យាល័យត្រាវិញ និងសាកលវិទ្យាល័យកឹងធើ។
តាម UI Greenmetric World University Rankings ការចាត់ចំណាត់ថ្នាក់នេះយោងលើវិស័យសំខាន់ចំនួន៦និងគោលការណ៍ចំនួន៤៥គឺ ភាពស្និទ្ធស្នាលជាមួយបរិស្ថាន និងហេដ្ឋារចនាសម្ព័ន្ធ គោលនយោបាយថាមពលស្អាតនិងទប់ទល់ជាមួយនឹងបម្រែបម្រួលអាកាសធាតុ ការគ្រប់គ្រងកាកសំណល់របស់សាលាក៏ដូចជាគោលការណ៍ប្រើប្រាស់ទឹកនិងចម្រោះទឹកប្រើជាថ្មី ប្រព័ន្ធគមនាគមន៍ឈ្លាសវៃ សមត្ថភាពអប់រំ និងស្រាវជ្រាវ។
វិស័យចំនួន២ដែលសាកលវិទ្យាល័យត្រាវិញទទួលបានចំណាត់ថ្នាក់ខ្ពស់លំដាប់អន្តរជាតិនោះគឺប្រព័ន្ធគមនាគមន៍ ជាប់លេខ២៩ និងសមត្ថភាពអប់រំ។ ចំណែកវិស័យស្រាវជ្រាវជាប់លំដាប់លេខ១៣៦។ បណ្ដាវិស័យផ្សេងៗជាប់លំដាបលេខ១៨០ឡើង។
លោកបណ្ឌិតង្វៀនមិញហ្វា សាកលវិទ្យាធិការបានឱ្យដឹងថា សាកលវិទ្យាល័យត្រាវិញជាសាលាឈានមុខក្នុងទូទាំងប្រទេសចុះសេចក្ដីប្រកាស Talloires នៅឆ្នាំ២០១៣ សន្យាកសាងសាលាបៃតងគ្រប់ជ្រុងជ្រោយ។ លទ្ធផលនេះគឺជាការកត់សម្គាល់ពីសមត្ថភាពបណ្តុះបណ្ដាល ក៏ដូចជាការខិតខំប្រឹងប្រែងរបស់កងជួរគ្រូបង្រៀននិងនិស្សិតទាំងអស់។ និស្សិតជាបណ្តើរៗបង្កើតនូវមជ្ឈដ្ឋានអប់រំបៃតង កសាងសាកលវិទ្យាល័យបៃតងនៅកណ្ដាលក្រុង រួមចំណែកធ្វើឱ្យសាលាមួយនៅតីណាមបូទៅកាន់ពិភពលោក។
អង្គការ UI GreenMetric គឺជាអង្គការមុនដំបូងនិងមានតែមួយនៅលើពិភពលោកចាត់ចំណាត់ថ្នាក់សាកលវិទ្យាល័យនានាតាមគោលការណ៍ពីការកសាង គ្រប់គ្រងនិងអភិវឌ្ឍសាកលវិទ្យាល័យប្រកបដោយចីរភាព ស្និទ្ធស្នាលជាមួយបរិស្ថាន។ UI GreenMetric ផ្ដើមគំនិតបែងចែកចំណាត់ថ្នាក់បណ្ដាសាកលវិទ្យាល័យដែលមានមជ្ឈដ្ឋានអប់រំបៃតង និងវិនិយោគសម្រាប់ការអភិវឌ្ឍប្រកបដោយចីរភាពនៅលើពិភពលោកតាំងពីឆ្នាំ២០១៣មកដល់សព្វថ្ងៃ។ ប្រការនេះក៏បានចាត់ទុកថាជាតារាងចំណាត់ថ្នាក់មុនដំបូងនិងមានកិត្យានុភាពជាងគេនាពេលបច្ចុប្បន្នក្នុងការវាយតម្លៃ វាស់ស្ទង់នូវបណ្ដាគោលការណ៍អភិវឌ្ឍន៍ដោយចីរភាពនៅតាមសាកលវិទ្យាល័យនានាលើពិភពលោក។
ប្រភពពត៌មាន៖ https://www.tvu.edu.vn/truong-dai-hoc-tra-vinh-tiep-tuc-thang-hang-trong-top-200-truong-dai-hoc-xanh-phat-trien-ben-vung/
ប្រែសម្រួលដោយ៖ Ngoc Chau
